മാസം: സെപ്റ്റംബർ 2026

വയലിൽ പുല്ല് വെട്ടുന്നതിനിടെ കടുവയുടെ ആക്രമണത്തിൽ കർഷകന് ദാരുണാന്ത്യം. ചാമരാജനഗർ താലൂക്കിലെ ബഡഗലപുര ഗ്രാമത്തിൽ തിങ്കളാഴ്ച വൈകുന്നേരമാണ് സംഭവം. ബഡഗലപുര സ്വദേശി ബസവണ്ണ (65) ആണ് മരിച്ചത്. പശുക്കൾക്കായി വയലിൽ പുല്ല് വെട്ടുന്നതിനിടെയാണ് കടുവ ആക്രമിച്ചത്. ബസവണ്ണ വൈകുന്നേരമായിട്ടും വീട്ടിൽ തിരിച്ചെത്താത്തതിനെ തുടർന്ന് കുടുംബാംഗങ്ങൾ നടത്തിയ തിരച്ചിലിലാണ് വയലിൽ മൃതദേഹം കണ്ടെത്തിയത്. മൃതദേഹത്തിൻ്റെ ചില ഭാഗങ്ങൾ കടുവ ഭക്ഷിച്ച നിലയിലായിരുന്നുവെന്നാണ് റിപ്പോർട്ട്. സംഭവത്തെ തുടർന്ന് പ്രദേശത്ത് വലിയ പ്രതിഷേധമാണ് ഉയർന്നത്.

ഗണേശ വിഗ്രഹ നിമജ്ജനത്തോടനുബന്ധിച്ച് ബെംഗളൂരുവിലെ വിവിധ പോലീസ് സ്റ്റേഷൻ പരിധികളിൽ സെപ്റ്റംബർ 16 മുതൽ 20 വരെ ഘട്ടംഘട്ടമായി മദ്യവിൽപ്പന നിരോധനം ഏർപ്പെടുത്തി. വലിയ തോതിലുള്ള ഗണേശ നിമജ്ജന ഘോഷയാത്രകൾ നടക്കുന്ന മേഖലകളിൽ ക്രമസമാധാനം ഉറപ്പാക്കുന്നതിൻ്റെയും സുരക്ഷ ശക്തമാക്കുന്നതിൻ്റെയും ഭാഗമായാണ് നിയന്ത്രണം. സെപ്റ്റംബർ 16 രാവിലെ 10 മണി മുതൽ സെപ്റ്റംബർ 17 പുലർച്ചെ 1 മണിവരെ ആർ.ടി. നഗർ, ജെ.സി. നഗർ, ഹെബ്ബാൾ, സഞ്ജയ് നഗർ, ഡി.ജെ. ഹള്ളി

കെംപെഗൗഡ അന്താരാഷ്ട്ര വിമാനത്താവളത്തിലെ ഒന്നാം ടെർമിനലിൽ അധിക സഹായം ആവശ്യമുള്ള യാത്രക്കാർക്കായി പ്രത്യേക സൗകര്യങ്ങൾ ആരംഭിച്ചു. ഭിന്നശേഷിക്കാർ, മുതിർന്ന പൗരന്മാർ, ഗർഭിണികൾ, ഒറ്റയ്ക്ക് യാത്ര ചെയ്യുന്ന കുട്ടികൾ തുടങ്ങിയവർക്കാണ് പുതിയ സംവിധാനത്തിൻ്റെ പ്രയോജനം ലഭിക്കുക. ഇത്തരം യാത്രക്കാർക്ക് ആവശ്യമായ സഹായങ്ങൾ വേഗത്തിൽ ലഭ്യമാക്കുന്നതിനായി വിമാനക്കമ്പനിയുടെ രണ്ട് പ്രത്യേക ഹെൽപ്പ് ഡെസ്കുകൾ ടെർമിനലിൽ സജ്ജീകരിച്ചിട്ടുണ്ട്. ചെക്ക്-ഇൻ നടപടികൾ, ബോർഡിംഗ്, ബാഗേജ് കൈകാര്യം ചെയ്യൽ തുടങ്ങിയ ഘട്ടങ്ങളിൽ യാത്രക്കാർക്ക് ആവശ്യമായ സഹായം ഇവിടെ

ബെംഗളൂരു ഉൾപ്പെടെ ദക്ഷിണ കർണാടകയിലെ ഒമ്പത് ജില്ലകളിൽ നാളെ ഇടിമിന്നലോടുകൂടിയ മഴയ്ക്ക് സാധ്യതയെന്ന് കാലാവസ്ഥാ വകുപ്പ് മുന്നറിയിപ്പ് നൽകി. ദക്ഷിണ ഉൾനാടൻ കർണാടകയിൽ മഴ സജീവമാകുന്നതിനുള്ള സാഹചര്യമുള്ളതിനാലാണ് യെല്ലോ അലർട്ട് പ്രഖ്യാപിച്ചിരിക്കുന്നത്. ബെംഗളൂരുവിലും സമീപ പ്രദേശങ്ങളിലും ഇടിയോടുകൂടിയ മഴയ്ക്കൊപ്പം ശക്തമായ കാറ്റിനും സാധ്യതയുണ്ട്. നഗരത്തിൽ ഒറ്റപ്പെട്ട പ്രദേശങ്ങളിൽ മഴ ശക്തമാകാനും ഇതോടെ താഴ്ന്ന പ്രദേശങ്ങളിൽ വെള്ളക്കെട്ടിനും ഗതാഗത തടസ്സത്തിനും സാധ്യതയുണ്ടെന്നാണ് വിലയിരുത്തൽ. ദക്ഷിണ ഉൾനാടൻ മേഖലയിൽ രൂപപ്പെട്ട കാലാവസ്ഥാ സാഹചര്യങ്ങളാണ്