Bangalore Jalakam – ബാംഗ്ലൂർ ജാലകം | Malayalam News for Bengaluru Malayalis

ഇന്ത്യൻ ഒളിമ്പിക് അസോസിയേഷൻ്റെ (ഐഒഎ) ഭരണസമിതിയിലേക്കുള്ള തിരഞ്ഞെടുപ്പിൽ വനിതാ താരങ്ങൾ തമ്മിൽ ശക്തമായ മത്സരം. നിലവിലെ അധ്യക്ഷയും മലയാളിയുമായ പി.ടി.ഉഷയ്ക്ക് ഇത്തവണ കടുത്ത വെല്ലുവിളിയാണ് നേരിടേണ്ടിവരുന്നത്. മലയാളി താരം അഞ്ജു ബോബി ജോർജ്, മുൻ ബാഡ്മിന്റൺ താരം സൈന നെഹ്‌വാൾ എന്നിവരടക്കം ആറ് പ്രമുഖ താരങ്ങളാണ് വനിതാ വിഭാഗത്തിൽ മത്സരിക്കുന്നത്. സ്പോർട്സ് പേഴ്സൺസ് ഓഫ് ഔട്ട്സ്റ്റാൻഡിങ് മെറിറ്റ് (എസ്ഒഎം) വിഭാഗത്തിലാണ് മത്സരം. ഈ വിഭാഗത്തിൽ വിജയിച്ചാൽ മാത്രമേ പി.ടി.ഉഷയ്ക്ക് വീണ്ടും അധ്യക്ഷസ്ഥാനത്തേക്ക് മത്സരിക്കാനാകൂ. ആറ് സ്ഥാനാർഥികളിൽ ഏറ്റവും […]

ബെംഗളൂരു ഇന്റർനാഷണൽ സെന്ററിൽ കർണാടകയുടെ സമ്പന്നമായ കലാ-സാംസ്കാരിക പൈതൃകം പരിചയപ്പെടുത്തി ‘കൃഷ്ണ ടു കാവേരി’ സാംസ്കാരികോത്സവം. അസിം പ്രേംജി സർവകലാശാലയുടെ നേതൃത്വത്തിൽ സംഘടിപ്പിക്കുന്ന ഉത്സവം നവംബർ 8 വരെ തുടരും. പരമ്പരാഗതവും ആധുനികവുമായ കലാരൂപങ്ങൾ, നാടൻ കലകൾ, കരകൗശല വസ്തുക്കൾ, കഥകൾ എന്നിവയിലൂടെ കർണാടകയുടെ വൈവിധ്യമാർന്ന സംസ്കാരം അവതരിപ്പിക്കുകയാണ് പരിപാടിയുടെ ലക്ഷ്യം. കലാകാരന്മാർ, സംഗീതജ്ഞർ, നർത്തകർ, കരകൗശല വിദഗ്ധർ തുടങ്ങി നിരവധി പേർ ഉത്സവത്തിൻ്റെ ഭാഗമായി. സുരാഘവി ഫൗണ്ടേഷനിലെ വിദ്യാർഥികൾ കർണാടക സംസ്ഥാന ഗാനം അവതരിപ്പിച്ചാണ് പരിപാടികൾക്ക് […]

ബെംഗളൂരുവിലെ പാർപ്പിട മേഖലകളിൽ അനധികൃതമായി പ്രവർത്തിച്ചിരുന്ന 51 വ്യാപാര സ്ഥാപനങ്ങൾ ബെംഗളൂരു സൗത്ത് സിറ്റി കോർപ്പറേഷൻ അടച്ചുപൂട്ടി. അനുമതിയില്ലാതെ പാർപ്പിട മേഖലകളിൽ വാണിജ്യ പ്രവർത്തനങ്ങൾ നടത്തുന്ന സ്ഥാപനങ്ങൾക്കെതിരായ പരിശോധനയുടെ ഭാഗമായാണ് നടപടി. കോർപ്പറേഷൻ കമ്മിഷണർ കെ.എൻ.രമേശിൻ്റെ നിർദേശപ്രകാരമായിരുന്നു പരിശോധന. അടച്ചുപൂട്ടിയ 51 സ്ഥാപനങ്ങളിൽ 22 എണ്ണം ബൊമ്മനഹള്ളി നിയമസഭാ മണ്ഡലത്തിലും 11 എണ്ണം ജയനഗറിലും ഒമ്പതെണ്ണം ബെംഗളൂരു സൗത്ത് മേഖലയിലും ആറു സ്ഥാപനങ്ങൾ പത്മനാഭനഗറിലും മൂന്നെണ്ണം ബി.ടി.എം ലേഔട്ടിലുമാണ് പ്രവർത്തിച്ചിരുന്നത്. അരകേരെ വാർഡിൽ ബൊമ്മനഹള്ളി സോൺ ജോയിന്റ് […]

ഇന്ത്യൻ റെയിൽവേയുടെ പാർസൽ സേവനത്തിൽ വിപ്ലവകരമായ മാറ്റത്തിനൊരുങ്ങി പുതിയ മൊബൈൽ ആപ്പ്. ‘റെയിൽ പാർസൽ ആപ്പ് – ഘർ സേ ഘർ തക്’ എന്ന സംവിധാനത്തിലൂടെ ഇനി വീടുകളിൽനിന്ന് തന്നെ പാർസലുകൾ അയയ്ക്കാനും ലക്ഷ്യസ്ഥാനത്ത് വീട്ടുപടിക്കൽ എത്തിക്കാനും കഴിയും. പാർസലുകൾ റെയിൽവേ സ്റ്റേഷനിൽ നേരിട്ടെത്തിക്കേണ്ട ബുദ്ധിമുട്ട് ഇതോടെ ഒഴിവാകും. തുടക്കത്തിൽ ബെംഗളൂരു, ഡൽഹി, മുംബൈ, കൊൽക്കത്ത, ചെന്നൈ, അഹമ്മദാബാദ്, ഹൈദരാബാദ്, പുനെ തുടങ്ങി എട്ട് പ്രധാന നഗരങ്ങളിലാണ് സേവനം ലഭ്യമാക്കുക. മലയാളികൾ ധാരാളമായി താമസിക്കുന്ന ബെംഗളൂരു ഉൾപ്പെടെയുള്ള […]

സംസ്ഥാന ഭാഗ്യക്കുറി വകുപ്പിൻ്റെ ക്രിസ്മസ്–ന്യൂ ഇയർ ബംപർ ലോട്ടറിയുടെ ഒന്നാം സമ്മാനം 25 കോടി രൂപയായി ഉയർത്തി. കഴിഞ്ഞ വർഷം 20 കോടി രൂപയായിരുന്ന സമ്മാനത്തുകയാണ് ഇത്തവണ അഞ്ച് കോടി രൂപ വർധിപ്പിച്ചത്. ഓണം ബംപറിന് തുല്യമായ ഒന്നാം സമ്മാനമാണ് ഇത്തവണ ക്രിസ്മസ്–ന്യൂ ഇയർ ബംപറിനും നൽകുന്നത്. 2027 ഫെബ്രുവരി ഒന്നിനാണ് നറുക്കെടുപ്പ് നടക്കുക. ലോട്ടറി ഏജൻസികൾ മുഖേന ടിക്കറ്റ് വിതരണം ചെയ്യുന്നതിനുള്ള പ്രാഥമിക നടപടികൾ ആരംഭിച്ചിട്ടുണ്ട്. മുൻവർഷങ്ങളേക്കാൾ കൂടുതൽ ടിക്കറ്റുകൾ വിറ്റഴിച്ച് വരുമാനം വർധിപ്പിക്കാനാകുമെന്ന പ്രതീക്ഷയിലാണ് […]

കാർ പാർക്കിങ്ങിനെച്ചൊല്ലിയുണ്ടായ തർക്കത്തിനിടെ ഐടി കമ്പനി ഉന്നത ഉദ്യോഗസ്ഥനെ അയൽവാസി വെടിവെച്ചുകൊന്നു. ഹരിയാനയിലെ ഫരീദാബാദിൽ വെള്ളിയാഴ്ച രാത്രി നടന്ന സംഭവത്തിൽ പരംജീത് ധൻഖർ (42) ആണ് കൊല്ലപ്പെട്ടത്. സംഭവത്തിനുശേഷം ഒളിവിൽ പോയ അയൽവാസി മോനു ശർമയ്ക്കായി പൊലീസ് തിരച്ചിൽ ആരംഭിച്ചു. ബന്ധുവിന്റെ വിവാഹത്തിൽ പങ്കെടുക്കാനായി രണ്ടുദിവസം മുമ്പാണ് സിംഗപ്പൂരിൽനിന്ന് പരംജീത് നാട്ടിലെത്തിയത്. സിംഗപ്പൂർ ആസ്ഥാനമായ എഫ്പിടി സോഫ്റ്റ്‌വെയർ കമ്പനി ലിമിറ്റഡിൽ സീനിയർ വൈസ് പ്രസിഡന്റായി ജോലി ചെയ്യുകയായിരുന്നു അദ്ദേഹം. ഹരിയാനയിലെ ഹിസാർ സ്വദേശിയാണ്. ഫരീദാബാദിലെ സെക്ടർ 21 […]

നോർക്ക കെയർ ആരോഗ്യ ഇൻഷുറൻസ് പദ്ധതിയുടെ 2026–27 വർഷത്തെ പ്രീമിയം നിരക്കുകൾ കുത്തനെ വർധിപ്പിച്ചതിനെതിരായ പരാതിയിൽ ആറാഴ്ചയ്ക്കകം തീരുമാനമെടുക്കാൻ കേരള ഹൈക്കോടതി നോർക്ക വകുപ്പിന് നിർദേശം നൽകി. പ്രവാസി ലീഗൽ സെൽ (PLC) നൽകിയ ഹർജിയിലാണ് കോടതിയുടെ ഇടപെടൽ. നിലവിലെ നോർക്ക കെയർ ഗുണഭോക്താക്കളായ മുസ്തഫ തൊണ്ടിയിൽ, അബ്ദുൽ ഹക്കീം കെ.കെ. എന്നിവർക്കൊപ്പം പ്രവാസി ലീഗൽ സെൽ സമർപ്പിച്ച W.P.(C) No. 38075 of 2026 ഹർജിയിലാണ് ഉത്തരവ്. പ്രവാസി ലീഗൽ സെൽ ദുബായ് പ്രസിഡണ്ട് ടി.എൻ. […]

ബാംഗ്ലൂർ കേരള സമാജം വനിതാ വിഭാഗത്തിൻ്റെ നേതൃത്വത്തിൽ സ്ത്രീകൾക്കായി സൗജന്യ ക്യാൻസർ പരിശോധന ക്യാമ്പ് സംഘടിപ്പിച്ചു. ദേശീയ കാൻസർ ബോധവൽക്കരണ ദിനത്തിൻ്റെ ഭാഗമായി ഇന്ദിരനഗർ കൈരളി നികേതൻ ക്യാമ്പസിൽ നടത്തിയ ക്യാമ്പ് കേരള സമാജം പ്രസിഡണ്ട് ഹനീഫ് എം ഉദ്ഘാടനം ചെയ്തു. കേരള സമാജം വനിതാ വിഭാഗം ചെയർപേഴ്സൺ സുധ വിനേഷ് അധ്യക്ഷത വഹിച്ചു. കേരള സമാജം ജനറൽ സെക്രട്ടറി റജി കുമാർ, ട്രഷറർ ജോർജ് തോമസ്, അസിസ്റ്റന്റ് സെക്രട്ടറി മുരളിധരൻ വി, കർണ്ണാടക ക്യാൻസർ സൊസൈറ്റി […]

കർണാടകയിലെ ചില പെട്രോൾ പമ്പുകളിൽ അനുവദനീയമായ പരിധിയേക്കാൾ കൂടുതൽ എഥനോൾ കലർത്തിയ പെട്രോൾ വിൽക്കുന്നുവെന്ന സംസ്ഥാന സർക്കാരിൻ്റെ ആരോപണം തള്ളി കേന്ദ്ര സർക്കാർ. രാജ്യത്ത് പൊതുമേഖലാ എണ്ണക്കമ്പനികൾ വിതരണം ചെയ്യുന്ന ഇ20 (E20) പെട്രോൾ നിശ്ചിത ഗുണനിലവാര മാനദണ്ഡങ്ങൾ പാലിക്കുന്നുണ്ടെന്ന് കേന്ദ്ര പെട്രോളിയം പ്രകൃതിവാതക മന്ത്രാലയം വ്യക്തമാക്കി. ഇന്ന് പുറത്തിറക്കിയ പ്രസ്താവനയിലാണ് ഇക്കാര്യം അറിയിച്ചത്. കർണാടക സർക്കാർ ഒക്ടോബറിൽ നടത്തിയ പരിശോധനയിൽ ചില പെട്രോൾ സാമ്പിളുകളിൽ 26 മുതൽ 31 ശതമാനം വരെ എഥനോൾ കണ്ടെത്തിയെന്നായിരുന്നു ആരോപണം. […]

ന്യൂസിലൻഡിനെതിരായ രണ്ടാം ഏകദിനത്തിലും ഇന്ത്യക്ക് ആവേശജയം. മഴയെ തുടർന്ന് മത്സരം ഉപേക്ഷിച്ചപ്പോൾ ഡക്ക്വർത്ത് ലൂയിസ് (DLS) നിയമപ്രകാരം ഇന്ത്യ നാലു റൺസിന് വിജയിച്ചു. ഇതോടെ അഞ്ച് മത്സരങ്ങളടങ്ങിയ പരമ്പരയിൽ ഇന്ത്യ 2–0ന് മുന്നിലെത്തി. ആദ്യം ബാറ്റ് ചെയ്ത ന്യൂസിലൻഡ് 41 ഓവറിൽ 134 റൺസിന് എല്ലാവരും പുറത്തായി. ഗുർനൂർ ബ്രാറിൻ്റെ തകർപ്പൻ ബൗളിങ്ങാണ് കിവീസ് നിരയെ തകർത്തത്. 30 റൺസ് വഴങ്ങി നാലു വിക്കറ്റാണ് ബ്രാർ നേടിയത്. ഗുർനൂർ ബ്രാറാണ് മത്സരത്തിലെ താരം.അൻഷുൽ കാംബോജ്, ഔഖിബ് നബി, […]

ദീപാവലി ആഘോഷങ്ങൾക്ക് മുന്നോടിയായി രാജ്യതലസ്ഥാനത്ത് വായുമലിനീകരണം വീണ്ടും രൂക്ഷമാകുന്നു. ശനിയാഴ്ച രാവിലെ ഡൽഹിയിലെ വായു ഗുണനിലവാര സൂചിക (എക്യുഐ) 364 രേഖപ്പെടുത്തി. ‘വളരെ മോശം’ വിഭാഗത്തിലാണ് വായുനിലവാരം. ചില പ്രദേശങ്ങളിൽ മലിനീകരണ തോത് 400 കടന്ന് ഗുരുതര വിഭാഗത്തിലെത്തി. നഗരത്തിൻ്റെ വിവിധ ഭാഗങ്ങളിൽ കനത്ത പുകമഞ്ഞ് അനുഭവപ്പെടുന്നുണ്ട്. അന്തരീക്ഷത്തിലെ പൊടിപടലങ്ങളും സൂക്ഷ്മകണങ്ങളും വർധിച്ചതോടെ ശ്വാസതടസ്സം, കണ്ണിന് അസ്വസ്ഥത തുടങ്ങിയ പ്രശ്നങ്ങളും റിപ്പോർട്ട് ചെയ്യപ്പെടുന്നു. ഐഐടി ഡൽഹി മേഖലയിൽ എക്യുഐ 443 വരെയും പഞ്ചാബി ബാഗിൽ 433 വരെയും […]

ബെംഗളൂരുവിലെ രാജാജിനഗറിൽ ഭാര്യയും കുടുംബാംഗങ്ങളുമടക്കം ഏഴുപേരെ കൊലപ്പെടുത്തിയ കേസിൽ കൂടുതൽ ഞെട്ടിക്കുന്ന വിവരങ്ങൾ പുറത്ത്. കേസിലെ പ്രതി എസ്. ഇന്ദുശേഖറിൻ്റെ ഭാര്യ സുനിതയുടെയും ഭാര്യാമാതാവ് രൂപവതിയുടെയും മൃതദേഹങ്ങൾ തമിഴ്നാട്ടിലെ സേലം വനമേഖലയിൽനിന്ന് പൊലീസ് കണ്ടെത്തി. ഇതോടെ കേസിൽ കണ്ടെത്തിയ മൃതദേഹങ്ങളുടെ എണ്ണം മൂന്നായി. മൃതശരീരങ്ങൾ തിരിച്ചറിയുന്നതിനും തുടർ നിയമനടപടികൾ പൂർത്തിയാക്കുന്നതിനുമായി 12 അംഗ കുടുംബാംഗസംഘം സേലത്തേക്ക് തിരിച്ചു. ഒക്ടോബർ 14നാണ് സുനിതയെ പ്രതി കൊലപ്പെടുത്തിയത്. തൊട്ടടുത്ത ദിവസം മകളുടെ സഹായത്തോടെ ഭാര്യാമാതാവ് രൂപവതിയെ അത്താഴവിരുന്നിനെന്ന വ്യാജേന വീട്ടിലേക്ക് […]