മാസം: നവംബർ 2025

അനധിക്യതമായി ഇരുമ്പയിര് കയറ്റുമതി ചെയ്‌തതുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ കാർവാർ മണ്ഡലം കോൺഗ്രസ് എം.എൽ.എ സതീഷ് കൃഷ്‌ണ സെയ്ല‌ലിൻ്റെ 64 കോടി രൂപയുടെ സ്വത്തുക്കൾ കണ്ടുകെട്ടിയതായി എൻഫോഴ്സ്മെന്റ് ഡയറക്ടറേറ്റ് അറിയിച്ചു. മോർമുഗോവ താലൂക്കിലെ പെഡ്രോഗാലെ കോട്ട എന്നറിയപ്പെടുന്ന 16,850 ചതുരശ്ര മീറ്റർ ഭൂമി, ഗോവയിലെ മോർമുഗോവയിലെ ചിക്കാലിം വില്ലേജിലെ 12,500 ചതുരശ്ര മീറ്റർ തുറസ്സായ ഭൂമി, വാസ്കോഡഗാമയിലെ വാണിജ്യ കെട്ടിടത്തിൻ്റെ ഒന്നിലധികം നിലകൾ എന്നിവ കണ്ടുകെട്ടിയ സ്വത്തുക്കളിൽ ഉൾപ്പെടുന്നു.

ദക്ഷിണ കന്നട ജില്ലയിലെ ധർമസ്ഥലയിൽ 1990നും 2021നും ഇടയിൽ റിപ്പോർട്ട് ചെയ്യപ്പെട്ട അസ്വാഭാവിക മരണങ്ങളെക്കുറിച്ച് 74 പ്രത്യേക എഫ്.ഐ.ആറുകൾ രജിസ്റ്റർ ചെയ്യാനും സമഗ്ര അന്വേഷണം നടത്താനും പ്രത്യേക അന്വേഷണ സംഘത്തിന് (എസ്.ഐ .ടി) നിർദേശം നൽകണമെന്ന് ആവശ്യപ്പെട്ട് കർണാടക ഹൈകോടതിയിൽ ഹരജി. 2012ൽ ധർമസ്ഥലയിൽ ബലാത്സംഗത്തിന് ഇരയായി കൊല്ലപ്പെട്ട പി.യു കോളജ് വിദ്യാർഥിനി സൗജന്യയുടെ (17) മാതാവ് കുസുമാവതിയാണ് പൊതുതാൽപര്യ ഹരജി സമർപ്പിച്ചത്. ഇരകളുടെ കുടുംബങ്ങൾ നിരവധി തവണ അപേക്ഷ

മൈസൂരു യാദവനഹള്ളിയിലെ ബന്ദിപ്പുർ കടുവ സംരക്ഷണകേന്ദ്രത്തിൽ പുള്ളിപ്പുലിയുടെ ആക്രമണത്തിൽ യെഡിയാല സബ് ഡിവിഷനിലെ ഓംകാർ റേഞ്ചിലെ വനം വാച്ചറായ ബംഗാരുവിന് പരിക്കേറ്റു. ബേഗൂർ സാമൂഹികാരോഗ്യകേന്ദ്രത്തിൽ പ്രഥമശുശ്രൂഷ നൽകിയ ശേഷം, ചികിത്സയ്ക്കായി മൈസൂരിലെ ആശുപത്രിയിലേക്കുമാറ്റി. കൈ, കഴുത്ത്, തല എന്നിവിടങ്ങളിലാണ് പരിക്ക്. ഓംകാർ റേഞ്ചിലെ വന ഗ്രാമാതിർത്തിയിലിറങ്ങിയ പുലി കഴിഞ്ഞദിവസം ജോഗയ്യ എന്ന കർഷകൻ്റെ ആടുകളെ കൊന്നിരുന്നു. തുടർന്ന് പുലിയെ പിടികൂടാനുള്ള ശ്രമത്തിനിടെയാണ് ഉദ്യോഗസ്ഥന് പരിക്കേറ്റത്.

ബന്ദിപ്പുരിൽ രണ്ടുപേരെ ആക്രമിച്ച് കൊന്ന കടുവയെ പിടികൂടി. സരഗൂർ താലൂക്കിലെ വനപ്രദേശ ഗ്രാമങ്ങളിൽ ആഴ്ചകളായി തുടരുന്ന ഭയത്തിനും സംഘർഷത്തിനും ഇതോടെ വിരാമമായി.ബന്ദിപ്പൂർ സരഗൂർ താലൂക്കിൽ രണ്ടാഴ്‌ചയ്ക്കിടെ കടുവകളുടെ ആക്രമണത്തിൽ മൂന്നുപേരാണ് കൊല്ലപ്പെട്ടത്. ബന്ദിപ്പുർ, നാഗർഹോളെ കടുവ സംരക്ഷണ കേന്ദ്രങ്ങളിലെ ഉദ്യോഗസ്ഥർ സംയുക്തമായി നടത്തിയ ഓപ്പറേഷനിലൂടെയാണ് കടുവയെ പിടികൂടിയത്. വനം വകുപ്പിനെതിരേ വ്യാപക പ്രതിഷേധം ഉയർന്നിരുന്നു. കടുവയെ പിടികൂടിയെങ്കിലും സ്ഥലത്ത് നിരീക്ഷണം തുടരാൻ ഉദ്യോഗസ്ഥരോട് നിർദേശിച്ചിട്ടുണ്ട്. ആക്രമണങ്ങളിൽ മറ്റേതെങ്കിലും കടുവകൾ ഉൾപ്പെട്ടിട്ടുണ്ടോ

മൈസൂരു വിമാനത്താവളത്തിൻ്റെ രണ്ടാംഘട്ട റൺവേ വികസനം ഉടൻ ആരംഭിക്കും. വികസനപദ്ധതിക്ക് ആവശ്യമായ 206 ഏക്കർ ഭൂമിയിൽ 160 ഏക്കർ ഇതിനകം ഏറ്റെടുത്തുകഴിഞ്ഞു. 36 ഏക്കറിന് നഷ്ടപരിഹാരം നൽകാനുണ്ട്. രണ്ടാം ഘട്ടത്തിൽ 80 ഏക്കർകൂടി ഏറ്റെടുക്കാൻ എയർപോർട്ട് അതോറിറ്റി നിർദേശിച്ചിട്ടുണ്ട്. ഇതിനായി സംസ്ഥാന-കേന്ദ്ര സർക്കാരുകൾ കരാറിലെത്തിയിട്ടുണ്ട്. ചില കർഷകർ തങ്ങളുടെ ഭൂമി വിട്ടുകൊടുക്കാൻ വിസമ്മതം പ്രകടിപ്പിച്ചിട്ടുണ്ട്. നിയമപരമായ വ്യവസ്ഥകൾ പ്രകാരം, ഭൂവുടമകളുടെപേരിൽ ബാങ്ക് അക്കൗണ്ടുകൾ തുറന്ന് നഷ്ട‌പരിഹാരത്തുക നേരിട്ട് നിക്ഷേപിച്ച് ഭൂമി

സെൻട്രൽ ജയിലിൽ കൊടുംകുറ്റവാളികളായ തടവുകാർക്ക് കൂടുതൽ പരിഗണന ലഭിക്കുന്നുവെന്ന് വ്യക്തമാക്കുന്ന വീഡിയോ ദൃശ്യങ്ങൾ പുറത്തുവന്നതിനെക്കുറിച്ചു ആഭ്യന്തരവകുപ്പ് റിപ്പോർട്ടുതേടി. പരപ്പന അഗ്രഹാര ജയിലിലെ സെല്ലിൽ കുറ്റവാളികൾ മൊബൈൽ ഉപയോഗിക്കുന്നതിൻ്റെയും പാചകം ചെയ്യുന്നതിൻ്റെയും ദൃശ്യങ്ങൾ കഴിഞ്ഞദിവസം പുറത്തുവന്നു. ജയിൽ എഡിജിപി ബി.ദയാനന്ദയിൽനിന്നാണ് റിപ്പോർട്ട് ആവശ്യപ്പെട്ടിരിക്കുന്നത്. കുറ്റക്കാർക്കെതിരേ കർശന നടപടിയെടുക്കുമെന്നും ഇത് അനുവദിക്കാൻ സാധിക്കില്ലെന്നും ആഭ്യന്തരമന്ത്രി ജി. പരമേശ്വര അറിയിച്ചു. ഒട്ടേറെ ബലാത്സംഗക്കേസുകളിൽ പ്രതിയും സീരിയൽ കില്ലറുമായ ഉമേഷ് റെഡ്ഡി ഫോണിൽ സംസാരിക്കുന്നതിൻ്റെ ദൃശ്യങ്ങൾ