മാസം: ഒക്ടോബർ 2026

കേരളത്തിലേക്ക് കടത്താൻ ശ്രമിച്ച 30 ലക്ഷം രൂപയുടെ വ്യാജ സിഗരറ്റുകൾ ബെംഗളൂരുവിൽ പിടികൂടി. സംഭവത്തിൽ രണ്ട് മലയാളികൾ ഉൾപ്പെടെ മൂന്ന് പേരെ പൊലീസ് കസ്റ്റഡിയിലെടുത്തു. മുഹമ്മദ് റിയാസ്, കുമാരൻ, മുഹമ്മദ് ഗുൽസാർ എന്നിവരാണ് പിടിയിലായത്. ട്രോളി ബാഗുകളിൽ ഒളിപ്പിച്ച നിലയിലായിരുന്നു 20 ലക്ഷം രൂപയുടെ വ്യാജ സിഗരറ്റുകൾ ആദ്യം കണ്ടെത്തിയത്. ഇവരിൽനിന്ന് ലഭിച്ച വിവരത്തിൻ്റെ അടിസ്ഥാനത്തിൽ ഉപ്പാർപേട്ട് പൊലീസ് നടത്തിയ പരിശോധനയിൽ 10 ലക്ഷം രൂപയുടെ വ്യാജ സിഗരറ്റുകൾ കൂടി

വാടക നൽകാത്തതിനെച്ചൊല്ലിയുള്ള തർക്കത്തിനിടെ 42കാരനായ അഭിഭാഷകനെ വെടിവെച്ചുകൊന്നു. വൈറ്റ്ഫീൽഡ് പൊലീസ് സ്റ്റേഷൻ പരിധിയിലെ പട്ടണ്ടൂർ അഗ്രഹാരയിൽ ഞായറാഴ്ച രാത്രിയായിരുന്നു സംഭവം. മഞ്ജുനാഥാണ് കൊല്ലപ്പെട്ടത്. വാടകയ്ക്ക് താമസിച്ചിരുന്ന ബിഹാർ സ്വദേശികളായ രണ്ടുപേരാണ് കൊലപാതകത്തിന് പിന്നിലെന്നാണ് പ്രാഥമിക വിവരം. സംഭവത്തിന് ഏകദേശം ഒരു മണിക്കൂർ മുമ്പ് വാടക നൽകാത്തതിനെച്ചൊല്ലി അഭിഭാഷകനും വാടകക്കാരും തമ്മിൽ തർക്കമുണ്ടായതായി മുതിർന്ന പൊലീസ് ഉദ്യോഗസ്ഥൻ പറഞ്ഞു. പിന്നാലെ ഇരുവരും ചേർന്ന് മഞ്ജുനാഥിൻ്റെ നെറ്റിയിൽ വെടിയുതിർത്ത് സ്ഥലത്തുനിന്ന് രക്ഷപ്പെട്ടെന്നാണ് വിവരം.

കർണാടക മുഖ്യമന്ത്രി സിദ്ധരാമയ്യയെ സ്ഥാനത്തുനിന്ന് നീക്കാൻ മുഖ്യമന്ത്രി ഡി.കെ. ശിവകുമാർ ഉൾപ്പെടെ നിരവധി നേതാക്കൾ ഗൂഢാലോചന നടത്തിയെന്ന് ബി.ജെ.പി പാർലമെന്ററി ബോർഡ് അംഗവും മുൻ മുഖ്യമന്ത്രിയുമായ ബി.എസ്.യെദിയൂരപ്പ ആരോപിച്ചു. സിദ്ധരാമയ്യയുടെ സഹിഷ്ണുത മനസ്സിലാക്കാൻ പ്രയാസമാണെന്ന് ഇന്നലെ മാധ്യമങ്ങളോട് സംസാരിക്കവെ യെദിയൂരപ്പ പറഞ്ഞു. എന്നാൽ സംഭവങ്ങളുടെ സത്യം ഉടൻ പുറത്തുവരുമെന്നും അദ്ദേഹം കൂട്ടിച്ചേർത്തു. സിദ്ധരാമയ്യയെ ഉന്നത സ്ഥാനത്തുനിന്ന് നീക്കി സംസ്ഥാനത്ത് രാഷ്ട്രീയ പ്രതിസന്ധി സൃഷ്ടിക്കാനുള്ള ആസൂത്രിത നീക്കമാണ് നടന്നതെന്നാണ് യെദിയൂരപ്പയുടെ ആരോപണം.

വടക്കൻ ബെംഗളൂരുവിലെ ഫോക്‌സ്‌കോൺ വ്യവസായ കേന്ദ്രത്തിന് സമീപം വ്യവസായ വികസനത്തിനായി 369 ഏക്കർ ഭൂമി ഏറ്റെടുക്കാനുള്ള കർണാടക സർക്കാരിൻ്റെ നീക്കത്തിനെതിരെ കർഷകർ പ്രതിഷേധവുമായി രംഗത്ത്. ബെംഗളൂരു റൂറൽ ജില്ലയിലെ ദൊഡ്ഡബല്ലാപുര താലൂക്കിലെ രണ്ട് ഗ്രാമങ്ങളിലായി ഭൂമി ഏറ്റെടുക്കുന്നതിന് ഒക്ടോബർ 12ന് സർക്കാർ പ്രാഥമിക വിജ്ഞാപനം പുറപ്പെടുവിച്ചു. സൊന്നമരനഹള്ളിയിൽ 223 ഏക്കർ 11 ഗുണ്ടയും ദണ്ഡുദാസ കോടിഗെഹള്ളിയിൽ 145 ഏക്കർ 38 ഗുണ്ടയുമാണ് ഏറ്റെടുക്കൽ നിർദേശത്തിൽ ഉൾപ്പെടുത്തിയിരിക്കുന്നത്. സ്വകാര്യ ഉടമസ്ഥതയിലുള്ള ഭൂമിക്ക്

കരിമ്പിന് മിനിമം താങ്ങുവില പ്രഖ്യാപിക്കണമെന്നാവശ്യപ്പെട്ട് വടക്കൻ കർണാടകയിലെ കർഷകർ നടത്തുന്ന ആറുദിവസത്തെ പദയാത്ര ഇന്ന് സമാപിക്കും. ബെളഗാവിയിലെ ഹട്ടരഗിയിൽനിന്ന് ഹുബ്ബള്ളിയിലേക്ക് നടത്തുന്ന പദയാത്രയുടെ സമാപനത്തോടെ പ്രക്ഷോഭത്തിൻ്റെ അടുത്ത ഘട്ടത്തിലേക്ക് കടക്കാനാണ് കർഷകരുടെ തീരുമാനം. കരിമ്പിന് കിലോഗ്രാമിന് 60 രൂപ മിനിമം താങ്ങുവിലയും ടണ്ണിന് 5,500 രൂപ ന്യായവിലയും പ്രഖ്യാപിക്കണമെന്നാണ് കർഷകരുടെ പ്രധാന ആവശ്യം. സ്വാമിനാഥൻ കമ്മിഷൻ റിപ്പോർട്ടിലെ നിർദേശങ്ങൾ നടപ്പാക്കണമെന്നും അവർ ആവശ്യപ്പെടുന്നു. ഈ മാസം 23ന് ഡൽഹിയിൽ സംയുക്ത