മാസം: ഒക്ടോബർ 2026

പാലാ–മൈസൂരു റൂട്ടിൽ കെഎസ്ആർടിസിക്ക് റെക്കോർഡ് വരുമാന നേട്ടം. നവരാത്രി ആഘോഷങ്ങളുടെ ഭാഗമായി ആരംഭിച്ച പാലാ–മൈസൂരു സ്വിഫ്റ്റ് സൂപ്പർ ഫാസ്റ്റ് നോൺ എസി സർവീസ് ഒറ്റദിവസം നേടിയത് 1,10,899 രൂപ. പാലാ ഡിപ്പോയുടെ ചരിത്രത്തിലെ ശ്രദ്ധേയമായ നേട്ടമാണിത്. കഴിഞ്ഞ ശനിയാഴ്ച വൈകിട്ട് പാലായിൽനിന്ന് പുറപ്പെട്ട് മൈസൂരുവിലേക്കുള്ള യാത്ര പൂർത്തിയാക്കി തിരിച്ചെത്തിയ സർവീസാണ് മികച്ച വരുമാനം നേടിയത്. യാത്രക്കാരിൽനിന്ന് മികച്ച പ്രതികരണമാണ് സർവീസിന് ലഭിക്കുന്നത്. വരുമാന നേട്ടവും യാത്രക്കാരുടെ ആവശ്യവും പരിഗണിച്ച് പാലാ–മൈസൂരു

നഗരത്തിലെ മാലിന്യസംസ്‌കരണവും ശുചീകരണ പ്രവർത്തനങ്ങളും കാര്യക്ഷമമാക്കാൻ ജീവനക്കാരുടെ എണ്ണം വർധിപ്പിക്കണമെന്ന് മുൻ ചീഫ് സെക്രട്ടറി ടി.എം. വിജയ് ഭാസ്കറിന്റെ നേതൃത്വത്തിലുള്ള സമിതിയുടെ ശുപാർശ. നഗരത്തിലെ അഞ്ച് കോർപ്പറേഷനുകളിലായി ജൂനിയർ ഹെൽത്ത് ഇൻസ്പെക്ടർമാരുടെ (ജെഎച്ച്ഐ) എണ്ണം നിലവിലുള്ള 115ൽനിന്ന് 369 ആയും ശുചീകരണ തൊഴിലാളികളുടെ സൂപ്പർവൈസർമാരുടെ എണ്ണം 198ൽനിന്ന് 523 ആയും ഉയർത്താനാണ് നിർദേശം. ഗ്രേറ്റർ ബെംഗളൂരു അതോറിറ്റി (ജിബിഎ) രൂപീകരിച്ചതിനുശേഷം നഗരത്തിലെ ജീവനക്കാരുടെ ആവശ്യകത വിലയിരുത്തുന്ന സമിതിയുടെ ഇടക്കാല റിപ്പോർട്ടിലാണ്

നീലാകാശത്ത് കുങ്കുമം, വെള്ള, പച്ച നിറങ്ങളിൽ പുകവരകൾ തീർത്ത് സൂര്യകിരൺ എയറോബാറ്റിക് ടീമിൻ്റെ വിമാനങ്ങൾ പറന്നുയർന്നപ്പോൾ കാണികൾക്ക് ലഭിച്ചത് വിസ്മയക്കാഴ്ച. ഒൻപത് ഹോക്ക് എം.കെ. 132 വിമാനങ്ങൾ കൃത്യമായ ഏകോപനത്തോടെ ആകാശത്ത് അഭ്യാസപ്രകടനങ്ങൾ നടത്തിയെങ്കിലും മഴയും പ്രതികൂല കാലാവസ്ഥയും വില്ലനായതോടെ പത്തുമിനിറ്റിനുള്ളിൽ ഷോ അവസാനിപ്പിക്കേണ്ടിവന്നു. പൈലറ്റുമാരുടെയും വിമാനങ്ങളുടെയും സുരക്ഷ കണക്കിലെടുത്താണ് പ്രദർശനം നിർത്തിവച്ചത്. തിങ്കളാഴ്ച ഒൻപത് വിമാനങ്ങളെയും ഉൾപ്പെടുത്തി വീണ്ടും പ്രകടനം നടത്താനാണ് ടീമിൻ്റെ തീരുമാനം. കാലാവസ്ഥ അനുകൂലമായാൽ കൂടുതൽ

നവരാത്രി ആഘോഷങ്ങളും മഴയും നഗരത്തിൽനിന്നുള്ള കൂട്ടപ്പലായനവും ഒരുമിച്ചതോടെ ശനിയാഴ്ച രാത്രി ബെംഗളൂരുവിൻ്റെ വിവിധ ഭാഗങ്ങളിൽ രൂക്ഷമായ ഗതാഗതക്കുരുക്ക്. മണിക്കൂറുകളോളം വാഹനങ്ങളിൽ കുടുങ്ങിയ യാത്രക്കാർ ദുരിതത്തിലായി. നഗരാതിർത്തി കടക്കാൻ ചില ബസുകൾക്ക് ഞായറാഴ്ച പുലർച്ചെ വരെ കാത്തിരിക്കേണ്ടിവന്നു. ഗതാഗതക്കുരുക്ക് നിയന്ത്രിക്കാൻ ഹൈദരാബാദ്, ചെന്നൈ നഗരങ്ങളിലെ മാതൃകയിൽ പുതിയ നിയന്ത്രണങ്ങൾ ഏർപ്പെടുത്തുന്നത് ബെംഗളൂരു ട്രാഫിക് പൊലീസ് പരിഗണിക്കുന്നു. നിശ്ചിത സമയങ്ങളിൽ ചരക്ക് വാഹനങ്ങൾ, ഇടത്തരം വാണിജ്യ വാഹനങ്ങൾ, ഓൾ ഇന്ത്യ ടൂറിസ്റ്റ് പെർമിറ്റുള്ള

കർണാടകയിലെ ദാവൺഗെരെ, ഹാവേരി, ചിത്രദുർഗ്ഗ, വിജയനഗര ജില്ലകളിലൂടെ കടന്നുപോകുന്ന ദേശീയ-സംസ്ഥാന പാതകളിൽ വന്യജീവികൾ വാഹനാപകടങ്ങളിൽപ്പെട്ട് ചാകുന്നത് പതിവാകുന്നു. പുള്ളിപ്പുലികളും കരടികളും ഉൾപ്പെടെയുള്ള വന്യമൃഗങ്ങളാണ് അതിവേഗത്തിലെത്തുന്ന വാഹനങ്ങളിടിച്ച് കൊല്ലപ്പെടുന്നത്. കുന്നിൻപ്രദേശങ്ങളിലൂടെയും വനമേഖലകളിലൂടെയും കടന്നുപോകുന്ന പാതകളിൽ തുടർച്ചയായി അപകടങ്ങൾ റിപ്പോർട്ട് ചെയ്യപ്പെടുന്നത് ആശങ്കയുയർത്തുന്നു. പകൽസമയത്തെ കനത്ത ഗതാഗതവും മനുഷ്യസാന്നിധ്യവും കാരണം വന്യമൃഗങ്ങൾ അർധരാത്രിക്കുശേഷമാണ് ഭക്ഷണവും വെള്ളവും തേടി ജനവാസമേഖലകളിലേക്കും വനത്തിൻ്റെ മറ്റു ഭാഗങ്ങളിലേക്കും സഞ്ചരിക്കുന്നത്. ഈ സമയങ്ങളിൽ റോഡ് മുറിച്ചുകടക്കുന്ന മൃഗങ്ങളെ അതിവേഗത്തിലെത്തുന്ന