മാസം: ഒക്ടോബർ 2026

ബെംഗളൂരു നഗരത്തിലെ ഏറ്റവും തടിയുള്ള നായയെ കണ്ടെത്താൻ സംഘടിപ്പിച്ച ‘ഫാറ്റ് ഡോഗ്സ് ഓഫ് ബിഎൽആർ’ മത്സരം ശ്രദ്ധ നേടുന്നു. ഒക്ടോബർ ഒന്നിന് ആരംഭിച്ച മത്സരത്തിൽ 64 നായകളാണ് പങ്കെടുത്തത്. നാക്ഔട്ട് റൗണ്ടുകളും ഓൺലൈൻ വോട്ടിങ്ങും പിന്നിട്ട് മത്സരം ഇപ്പോൾ അവസാനഘട്ടത്തിലെത്തി. 64 നായകളിൽ രണ്ടെണ്ണം മാത്രമാണ് ഫൈനലിൽ ഇടംപിടിച്ചത്. സാധാരണ തിരഞ്ഞെടുപ്പുകളെ ഓർമിപ്പിക്കുന്ന തരത്തിലാണ് മത്സരം മുന്നേറുന്നത്. തങ്ങൾക്ക് ഇഷ്ടപ്പെട്ട നായയെ വിജയിപ്പിക്കാൻ പിന്തുണക്കാർ സമൂഹമാധ്യമങ്ങളിലൂടെ പ്രചാരണം നടത്തുകയും വോട്ടഭ്യർഥനയുമായി

ദസറ, ദീപാവലി അവധിക്കാലത്ത് യാത്രാച്ചെലവ് കുത്തനെ ഉയർന്നതോടെ അവധിക്കാല പദ്ധതികൾ പുനഃപരിശോധിക്കേണ്ടിവരുന്ന സാഹചര്യത്തിൽ ബെംഗളൂരുവിലെ താമസക്കാർ. വിമാനടിക്കറ്റ് നിരക്കിലെയും സ്വകാര്യ ബസ് നിരക്കിലെയും വർധനയാണ് യാത്രക്കാരുടെ ബജറ്റിനെ ബാധിക്കുന്നത്. ഇൻഡിഗോ വിമാനക്കമ്പനി ഇന്ധന സർചാർജ് വർധിപ്പിച്ചതോടെ വിമാനയാത്ര കൂടുതൽ ചെലവേറിയതായി. ബെംഗളൂരു–മുംബൈ റൂട്ടിൽ ഇന്ധന സർചാർജ് 600 രൂപയിൽനിന്ന് 900 രൂപയായി ഉയരാൻ സാധ്യതയുണ്ടെന്നാണ് റിപ്പോർട്ട്. 1,500 കിലോമീറ്ററിലധികം ദൂരമുള്ള യാത്രകൾക്ക് സർചാർജ് 800 രൂപയിൽനിന്ന് 1,150 രൂപയായും വർധിപ്പിച്ചിട്ടുണ്ട്.

ദസറ ആഘോഷങ്ങൾക്ക് വർണപ്പകിട്ടേകാൻ മൈസൂരുവിൽ 3,500 ഡ്രോണുകൾ അണിനിരക്കുന്ന ആകാശപ്രദർശനം ഇന്ന് ആരംഭിക്കും. ബന്നിമണ്ഡപം ഗ്രൗണ്ടിൽ രാത്രി എട്ടിനാണ് പ്രദർശനം. ഇന്നും നാളെയും കൂടാതെ ഒക്ടോബർ 20, 21 തീയതികളിലുമാണ് ഡ്രോൺ ഷോ സംഘടിപ്പിക്കുന്നത്. ചാമുണ്ഡേശ്വരി ഇലക്ട്രിസിറ്റി സപ്ലൈ കോർപറേഷൻ്റെ (ചെസ്കോം) നേതൃത്വത്തിലാണ് പരിപാടി. ഏകദേശം 15 മിനിറ്റ് നീളുന്ന പ്രദർശനത്തിൽ എൽഇഡി ലൈറ്റുകൾ ഘടിപ്പിച്ച ഡ്രോണുകൾ ആകാശത്ത് വിവിധ രൂപങ്ങളും ദൃശ്യങ്ങളും തീർക്കും. ദസറയുടെ പാരമ്പര്യവും കർണാടകയുടെ സാംസ്കാരിക