മാസം: ഒക്ടോബർ 2026

മുതിർന്ന ബിജെപി നേതാവും മുൻ ഉപപ്രധാനമന്ത്രിയുമായ എൽ.കെ. അദ്വാനിയെ നെഞ്ചിലെ അണുബാധയെ തുടർന്ന് ഡൽഹിയിലെ ഇന്ദ്രപ്രസ്ഥ അപ്പോളോ ആശുപത്രിയിൽ പ്രവേശിപ്പിച്ചു. 98 വയസ്സുകാരനായ അദ്വാനിയെ വെള്ളിയാഴ്ച രാത്രി ഏഴരയോടെയാണ് ആശുപത്രിയിലെത്തിച്ചത്. നിലവിൽ അദ്ദേഹത്തിന്റെ ആരോഗ്യനില തൃപ്തികരമാണെന്ന് ആശുപത്രി അധികൃതർ അറിയിച്ചു. ആശുപത്രിയിലെ ശ്വാസകോശ വിഭാഗത്തിലാണ് അദ്ദേഹത്തെ പ്രവേശിപ്പിച്ചിരിക്കുന്നത്. വിദഗ്ധ ഡോക്ടർമാരുടെ സംഘം ആരോഗ്യനില നിരീക്ഷിച്ചുവരികയാണ്. ആവശ്യമായ പരിശോധനകളും ചികിത്സയും തുടരുന്നുണ്ട്.

‘ലഹരാ ദോ തിരംഗ’ പ്രതിഷേധ റാലിക്ക് മിനിറ്റുകൾ മാത്രം ശേഷിക്കെ സി.ജെ.പി സ്ഥാപകൻ അഭിജിത് ദീപ്കയെ വീണ്ടും കസ്റ്റഡിയിലെടുത്ത് ഡൽഹി പൊലീസ്. ഡൽഹി കൊണാട്ട് പ്ലേസിലെ സെൻട്രൽ പാർക്കിൽ ദേശീയ പതാകയേന്തി പ്രതിഷേധം നടത്താനിരിക്കെയാണ് സ്വന്തം വസതിയിൽനിന്ന് അദ്ദേഹത്തെ കസ്റ്റഡിയിലെടുത്തത്. ഒരാഴ്ചയ്ക്കിടെ രണ്ടാം തവണയാണ് ദീപ്കയെ പൊലീസ് കസ്റ്റഡിയിലെടുക്കുന്നത്. തീവ്ര വോട്ടർപട്ടിക പരിഷ്കരണത്തിൽ ക്രമക്കേട് ആരോപിച്ച് മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ പ്രതിഷേധം പ്രഖ്യാപിച്ച ദീപ്കയെ, നേരത്തേ മുംബൈയിൽനിന്ന്

സമ്മർദങ്ങൾക്ക് വഴങ്ങി മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവെക്കില്ലെന്ന് കേന്ദ്ര പ്രതിരോധ മന്ത്രി രാജ്‌നാഥ് സിങ്. ഡൽഹിയിൽ നടത്തിയ വാർത്താസമ്മേളനത്തിൽ കോൺഗ്രസിനും രാഹുൽ ഗാന്ധിക്കുമെതിരെ രൂക്ഷ വിമർശനമാണ് അദ്ദേഹം ഉന്നയിച്ചത്. രാഷ്ട്രീയ താൽപര്യങ്ങൾക്കായി രാജ്യത്തെ ഭരണഘടനാ സ്ഥാപനങ്ങളെ ബലികൊടുക്കാനാകില്ലെന്ന് രാജ്‌നാഥ് സിങ് പറഞ്ഞു. യുവാക്കളെ അരാജക രാഷ്ട്രീയത്തിൻ്റെ ഉപകരണങ്ങളാക്കി മാറ്റാൻ ശ്രമം നടക്കുകയാണ്. ബംഗ്ലാദേശിൽ കണ്ടതിന് സമാനമായി ഇന്ത്യയിലും ഭരണമാറ്റം ലക്ഷ്യമിട്ട് ചിലർ പ്രവർത്തിക്കുന്നുണ്ടെന്നും അദ്ദേഹം ആരോപിച്ചു. തിരഞ്ഞെടുപ്പ്