മാസം: ഒക്ടോബർ 2026

മുൻമന്ത്രി കെ.ബി. ഗണേഷ് കുമാറിൻ്റെ ഭാര്യ ബിന്ദു മേനോൻ്റെ പേരിലുള്ള കമ്പനിക്ക് മിൽമയുടെയും കേരഫെഡിൻ്റെയും കയറ്റുമതി കരാർ നൽകിയതിൽ ക്രമക്കേടുണ്ടെന്ന പരാതിയിൽ വിജിലൻസ് പ്രാഥമിക റിപ്പോർട്ട് സമർപ്പിച്ചു. മിഡ്നൈറ്റ് സൺ ഗ്ലോബൽ എന്ന കമ്പനിക്ക് കരാർ നൽകിയതിൽ നടപടിക്രമങ്ങൾ പാലിച്ചില്ലെന്നാണ് വിജിലൻസിൻ്റെ പ്രാഥമിക കണ്ടെത്തൽ. മറ്റ് സ്ഥാപനങ്ങളുമായി നേരത്തേ ഉണ്ടാക്കിയ കരാറുകളിലെ വ്യവസ്ഥകളും മിഡ്നൈറ്റ് സൺ ഗ്ലോബലുമായി ഉണ്ടാക്കിയ കരാറിലെ വ്യവസ്ഥകളും തമ്മിൽ വലിയ വ്യത്യാസമുണ്ടെന്നും റിപ്പോർട്ടിൽ ചൂണ്ടിക്കാട്ടുന്നു. ഗണേഷ്

കണ്ണൂർ ജില്ലാ പഞ്ചായത്ത് മുൻ പ്രസിഡണ്ടും സിപിഎം നേതാവുമായ പി.പി.ദിവ്യക്കെതിരെ വിജിലൻസ് അന്വേഷണത്തിന് സർക്കാർ അനുമതി നൽകി. ദിവ്യ ജില്ലാ പഞ്ചായത്ത് പ്രസിഡണ്ടായിരിക്കെ നടന്നതായി ആരോപിക്കപ്പെടുന്ന ക്രമക്കേടുകളിലാണ് അന്വേഷണം. ദിവ്യയുടെയും ഭർത്താവിൻ്റെയും സ്വത്തുവിവരങ്ങളും പരിശോധിക്കും. ടെൻഡർ നടപടികൾ ഒഴിവാക്കി കാർട്ടൺ ഇന്ത്യ എന്ന കമ്പനിക്ക് നിർമാണ കരാർ നൽകിയെന്നാണ് പ്രധാന ആരോപണം. കമ്പനി ദിവ്യയുടെ ബിനാമിയുടേതാണെന്നും പരാതിയിൽ ആരോപിച്ചിരുന്നു. കെഎസ്‌യു ഉപാധ്യക്ഷൻ മുഹമ്മദ് ഷമ്മാസ് നൽകിയ പരാതിയുടെ അടിസ്ഥാനത്തിലാണ് നടപടി.

മുഖ്യമന്ത്രി വി.ഡി. സതീശനെ അപകീർത്തിപ്പെടുത്തുന്ന തരത്തിൽ ഫേസ്ബുക്കിൽ പോസ്റ്റും കമന്റും ഇട്ടെന്ന പരാതിയിൽ രണ്ട് അക്കൗണ്ട് ഉടമകൾക്കെതിരെ സൈബർ പൊലീസ് കേസെടുത്തു. ഷിജു കണ്ണൂർ, ഷാജഹാൻ എന്നിവർക്കെതിരെയാണ് സൈബർ ഡിവിഷൻ എസ്പിയിൽനിന്ന് ലഭിച്ച റിപ്പോർട്ടിൻ്റെ അടിസ്ഥാനത്തിൽ നടപടി. വിജയദശമി ദിനത്തിൽ മുഖ്യമന്ത്രി ഒരു കുട്ടിയെ എഴുത്തിനിരുത്തുന്ന ചിത്രത്തോടൊപ്പം അപകീർത്തികരമായ പരാമർശങ്ങൾ പോസ്റ്റ് ചെയ്യുകയും അതിനു താഴെ മോശമായ കമന്റുകൾ രേഖപ്പെടുത്തുകയും ചെയ്തെന്നാണ് ആരോപണം. മുഖ്യമന്ത്രിയെ അപകീർത്തിപ്പെടുത്തുന്നതിലൂടെ കോൺഗ്രസ് പ്രവർത്തകർക്കിടയിൽ പ്രകോപനം

നെടുമ്പാശ്ശേരിയിൽ മൂന്ന് പേരുടെ മരണത്തിനിടയാക്കിയ മിനികൂപ്പർ അപകടത്തിൽ വാഹനത്തിനുള്ളിലെ നിർണായക വിവരങ്ങൾ പൊലീസിന് ലഭിക്കാൻ വൈകും. വാഹനത്തിലെ ഇലക്ട്രോണിക് ഡാറ്റ റെക്കോർഡർ (ഇഡിആർ) ജർമനിയിലേക്ക് അയച്ച് പരിശോധിക്കാനാണ് തീരുമാനം. ബിഎംഡബ്ല്യുവിൻ്റെ ആസ്ഥാനത്തെ വിദഗ്ധർ പരിശോധന നടത്തിയ ശേഷമേ വിവരങ്ങൾ പൊലീസിന് കൈമാറുകയുള്ളൂ. കമ്പനിയുടെ സ്വകാര്യതാ നയങ്ങൾ പാലിക്കുന്നതിൻ്റെ ഭാഗമായാണ് ഈ നടപടിയെന്നാണ് വിവരം.