മാസം: സെപ്റ്റംബർ 2026

ശ്രീനാരായണ ഗുരുദേവൻ്റെ 99-ാം മഹാസമാധി ദിനം ഇന്ന് ലോകമെമ്പാടുമുള്ള ഗുരുഭക്തരും ശ്രീനാരായണ പ്രസ്ഥാനങ്ങളും ഭക്ത്യാദരപൂർവം ആചരിക്കും. ശിവഗിരി മഹാസമാധി, ചെമ്പഴന്തി ശ്രീനാരായണ ഗുരുകുലം, വിവിധ മഠങ്ങൾ, ഗുരുദേവ ക്ഷേത്രങ്ങൾ, ഗുരുമന്ദിരങ്ങൾ എന്നിവിടങ്ങളിൽ പ്രത്യേക ഗുരുപൂജയും സമൂഹപ്രാർഥനയും നടക്കും. ശ്രീനാരായണ ധർമ്മസംഘം ട്രസ്റ്റിൻ്റെ നേതൃത്വത്തിൽ ശിവഗിരിയിൽ രാവിലെ 10ന് നടക്കുന്ന മഹാ പരിനിർവാണ സമ്മേളനം മുഖ്യമന്ത്രി വി.ഡി.സതീശൻ ഉദ്ഘാടനം ചെയ്യും. ഇതോടൊപ്പം മഹാ പരിനിർവാണ ശതാബ്ദി ആഘോഷങ്ങൾക്കും തുടക്കമാകും. ട്രസ്റ്റ് പ്രസിഡണ്ട്

പ്രശസ്ത ഹൃദ്രോഗ ചികിത്സാ വിദഗ്ധനും തിരുവനന്തപുരം കിംസ് ആശുപത്രി വൈസ് ചെയർമാനുമായ പ്രഫ. ഡോ. ജി. വിജയരാഘവൻ (84) അന്തരിച്ചു. ഇന്ന് ഉച്ചയ്ക്ക് 2.30ഓടെയായിരുന്നു വാർധക്യസഹജമായ അസുഖങ്ങളെ തുടർന്ന് ചികിത്സയിലായിരുന്ന അദ്ദേഹത്തിൻ്റെ അന്ത്യം. 2009ൽ രാജ്യം പത്മശ്രീ നൽകി ആദരിച്ച ഡോ. വിജയരാഘവൻ, ഇന്ത്യയിലെ ഹൃദ്രോഗ ചികിത്സാ രംഗത്ത് നിർണായക സംഭാവനകൾ നൽകിയ ഡോക്ടർമാരിൽ ഒരാളായിരുന്നു. 1970കളുടെ അവസാനത്തിൽ രാജ്യത്ത് ആദ്യമായി എക്കോകാർഡിയോഗ്രാഫി മെഷീൻ അവതരിപ്പിച്ച് ഹൃദ്രോഗ നിർണയത്തിന് ഉപയോഗിച്ചവരിൽ

മലപ്പുറം പൂക്കോട്ടുംപാടം ടി.കെ. കോളനിയിൽ ശക്തമായ മഴയെ തുടർന്ന് ഉണ്ടായ മലവെള്ളപ്പാച്ചിലിൽ ഒരാൾ മരിച്ചു. നാല് പേരാണ് ഒഴുക്കിൽപ്പെട്ടത്. ഇതിൽ രണ്ടുപേരെ നാട്ടുകാർ രക്ഷപ്പെടുത്തി. ഒഴുക്കിൽപ്പെട്ട ഒരു സ്ത്രീയ്ക്കായി തിരച്ചിൽ ഊർജിതമാക്കി. വൈകിട്ട് 5.30ഓടെയാണ് പെട്ടെന്നുണ്ടായ മലവെള്ളപ്പാച്ചിലിൽ അപകടമുണ്ടായത്. നാട്ടുകാർ നടത്തിയ തിരച്ചിലിലാണ് പുഴയിൽ നിന്ന് ഒരാളുടെ മൃതദേഹം കണ്ടെത്തിയത്. മരിച്ചയാളെ തിരിച്ചറിഞ്ഞിട്ടില്ല. നിലമ്പൂരിൽ നിന്നുള്ള അഗ്നിരക്ഷാസേനയുടെ നേതൃത്വത്തിൽ രക്ഷാപ്രവർത്തനം തുടരുകയാണ്. ശക്തമായ മഴയെ തുടർന്നാണ് അപ്രതീക്ഷിതമായി മലവെള്ളപ്പാച്ചിലുണ്ടായതെന്നാണ് പ്രദേശവാസികൾ

ശക്തമായ മഴയെ തുടർന്ന് ഇടുക്കി വട്ടവട കൊട്ടക്കമ്പൂരിൽ മണ്ണിടിച്ചിലിൽ രണ്ട് പേർ മരിച്ചു. കൊട്ടക്കമ്പൂർ സ്വദേശി ബാലകൃഷ്ണനും സഹോദരി ചിന്നുവുമാണ് മരിച്ചത്. കൊട്ടക്കമ്പൂർ അമ്മൻ കോവിലിന് സമീപമാണ് അപകടമുണ്ടായത്. കൃഷിയിടത്തോട് ചേർന്നുള്ള താൽക്കാലിക ഷെഡിന് മുകളിലേക്കാണ് മണ്ണിടിഞ്ഞുവീണത്. അപകടത്തിൽ ബാലകൃഷ്ണന്റെ ഭാര്യയ്ക്കും പരിക്കേറ്റു. ഇവരുടെ നില ഗുരുതരമാണെന്നാണ് പുറത്തുവരുന്ന വിവരം. ഉച്ച മുതൽ പ്രദേശത്ത് ശക്തമായ മഴ തുടരുന്നതിനിടെയാണ് മണ്ണിടിച്ചിൽ ഉണ്ടായത്. വട്ടവട ഇടുക്കി ജില്ലയിലെ ഉയർന്ന പ്രദേശങ്ങളിലൊന്നാണ്.