മാസം: സെപ്റ്റംബർ 2026

മാസപ്പടി കേസിൽ എൻഫോഴ്‌സ്‌മെന്റ് ഡയറക്ടറേറ്റിൻ്റെ (ഇ.ഡി.) റിപ്പോർട്ടിൻ്റെ അടിസ്ഥാനത്തിൽ പിണറായി വിജയൻ, മകൾ ടി. വീണ, മുൻ മന്ത്രി പി.എ. മുഹമ്മദ് റിയാസ് എന്നിവർക്കെതിരെ അന്വേഷണം നടത്താൻ സംസ്ഥാന സർക്കാർ തീരുമാനിച്ചു. ഇ.ഡി. നൽകിയ റിപ്പോർട്ടിൽ അന്വേഷണം ആവശ്യപ്പെട്ടതിനെ തുടർന്ന് അഡ്വക്കേറ്റ് ജനറലിൻ്റെ നിയമോപദേശം തേടിയിരുന്നു. അന്വേഷണം നടത്തുന്നതിന് നിയമതടസ്സമില്ലെന്നായിരുന്നു നിയമോപദേശം. ക്രൈംബ്രാഞ്ച് എ.ഡി.ജി.പിയുടെ നേതൃത്വത്തിൽ പ്രത്യേക അന്വേഷണ സംഘം (എസ്.ഐ.ടി.) രൂപീകരിച്ചാണ് അന്വേഷണം നടത്തുക. സി.എം.ആർ.എൽ.–എക്സാലോജിക് ഇടപാടുകളുമായി ബന്ധപ്പെട്ട

വയനാട് വാഴവറ്റയിലെ വീട്ടിൽനിന്ന് മദ്യം പിടികൂടിയ കേസിൽ അറസ്റ്റിലായ റിപ്പോർട്ടർ ടി.വി മാനേജിങ് എഡിറ്റർ ആന്റോ അഗസ്റ്റിന് ഹൈക്കോടതി ജാമ്യം അനുവദിച്ചു. ഉപാധികളോടെയാണ് ജാമ്യം അനുവദിച്ചത്. സംസ്ഥാന സർക്കാരിൻ്റെ എതിർപ്പ് തള്ളിക്കൊണ്ടാണ് ഹൈക്കോടതി ജാമ്യം അനുവദിച്ചത്. മാനന്തവാടി ജയിലിൽ ജുഡീഷ്യൽ കസ്റ്റഡിയിൽ കഴിയുന്ന ആന്റോ അഗസ്റ്റിന് കോടതി ഉത്തരവ് ലഭിക്കുന്നതോടെ ജയിൽ മോചിതനാകാനാകും.

തൊടുപുഴ മാരിക്കലുങ്ക് സ്വദേശിനിയായ ആൻ മരിയ (19)യെ ബന്ധുവീട്ടിൽ തൂങ്ങി മരിച്ച നിലയിൽ കണ്ടെത്തി. എറണാകുളത്ത് പഠിച്ചുവരികയായിരുന്നു ആൻ മരിയ. ആൻ മരിയയുടെ അച്ഛനും അമ്മയും തൊടുപുഴയിലാണ് താമസം. കഴിഞ്ഞ ദിവസം കോളപ്ര ഏഴാംമൈലിലുള്ള ബന്ധുവീട്ടിലെത്തിയതായിരുന്നു പെൺകുട്ടി. ഇന്ന് രാവിലെയാണ് മൃതദേഹം കണ്ടെത്തിയത്. വിവരമറിഞ്ഞ് മുട്ടം പൊലീസ് സ്ഥലത്തെത്തി തുടർനടപടികൾ ആരംഭിച്ചു.

സ്ത്രീകൾക്ക് കെഎസ്ആർടിസി ഓർഡിനറി ബസുകളിൽ സൗജന്യ യാത്ര അനുവദിക്കുന്ന പ്രിയദർശിനി പദ്ധതിയുടെ നൂറാം ദിനാഘോഷത്തിൻ്റെ ഭാഗമായി ഇന്ന് രണ്ട് പുതിയ പദ്ധതികൾക്ക് തുടക്കമാകും. കെഎസ്ആർടിസി ബജറ്റ് ടൂറിസം സെല്ലിൻ്റെ ലക്ഷദ്വീപ്, ഹൈദരാബാദ് ലക്ഷ്വറി പാക്കേജ് സർവീസുകളും പുതിയ സോഫ്റ്റ്‌വെയറും വെയിറ്റിങ് ലിസ്റ്റ് സംവിധാനവും ഇന്ന് ഉദ്ഘാടനം ചെയ്യും. വൈകിട്ട് 7.30ന് തമ്പാനൂർ ചൈത്രം ഹോട്ടലിൽ നടക്കുന്ന ചടങ്ങിൽ ഗതാഗത മന്ത്രി സി.പി. ജോൺ പദ്ധതികൾ ഉദ്ഘാടനം ചെയ്യും. പുതിയ സോഫ്റ്റ്‌വെയർ