മാസം: മെയ്‌ 2025

ഇന്ത്യ പാക് സംഘർഷ ആക്രമണങ്ങൾ സംബന്ധിച്ച് പാകിസ്താൻ്റെ വ്യാജ പ്രചാരണം പൊളിച്ചടുക്കി ഇന്ത്യ. ഇന്ത്യയുടെ വ്യോമതാവളങ്ങൾ തകർത്തുവെന്ന് പാകിസ്‌താൻ വലിയ രീതിയിൽ വ്യാജ പ്രചാരണം നടത്തിയിരുന്നു. ഇതാണ് ഇന്നത്തെ വാർത്താസമ്മേളനത്തിൽ സൈന്യം പൊളിച്ചടുക്കിയത്. ഇന്ത്യ പാകിസ്താൻ പ്രചാരണങ്ങളുടെ മുനയൊടിച്ചത് വ്യോമതാവളങ്ങളുടെ ഇന്നത്തെ ചിത്രങ്ങൾ പുറത്തുവിട്ടാണ്. ഇന്ത്യൻസേന പുറത്തുവിട്ടത് ടൈം സ്റ്റാമ്പുള്ള ചിത്രങ്ങളാണ്. വ്യോമതാവളങ്ങളുടെ റൺവേ ഉൾപ്പടെ ഒന്നിനും പാക് ആക്രമണത്തിൽ ഒരു പോറൽ പോലും ഏറ്റിട്ടില്ലെന്ന് തെളിയിക്കുന്നതായിരുന്നു ഇന്ത്യ പുറത്തുവിട്ട

ഇന്ത്യ പാക്ക് സംഘർഷം അതിർത്തി മേഖലകളിൽ രൂക്ഷമായി തുടരുന്നു. ഓപ്പറേഷൻ സിന്ദുറിന് ശേഷമുള്ള രണ്ടാമത്തെ രാത്രിയിലും ഇന്ത്യൻ പ്രദേശങ്ങൾ ലക്ഷ്യമിട്ട് ഡ്രോൺ, മിസൈൽ ആക്രമണങ്ങൾ പാകിസ്ഥാനിൽ നിന്നും നടന്നതായി റിപ്പോർട്ട്. പാക് ഡ്രോൺ പഞ്ചാബിലെ ഫിറോസ്‌പുരിൽ ജനവാസ മേഖലയിൽ പതിച്ച് 3 പേർക്ക് പരിക്കേറ്റിട്ടുണ്ട്. കാശ്‌മീരിലെ പുഞ്ച് മേഖലയിൽ കഴിഞ്ഞ രാത്രിയിൽ ഉടനീളം സ്ഫോടന ശബ്ദങ്ങൾ കേട്ടിരുന്നതായി വാർത്താ ഏജൻസികൾ റിപ്പോർട്ട് ചെയ്തു. പാകിസ്ഥാൻ 26 ഇടങ്ങളിലെങ്കിലും ലക്ഷ്യമിട്ടിരുന്നു എന്നാണ്

ജമ്മു കശ്‌മീരിൽ സർക്കാർ ഉദ്യോഗസ്ഥൻ പാക് ഷെല്ലാക്രമണത്തിൽ കൊല്ലപ്പെട്ടു. രജൗരിയിൽ പാകിസ്‌താൻ നടത്തിയ ഷെല്ലാക്രമണത്തിൽ ജമ്മു കശ്‌മീർ അഡീഷണൽ ജില്ലാ വികസന കമ്മിഷണർ രാജ് കുമാർ ഥാപ്പയാണ് കൊല്ലപ്പെട്ടത്. ജമ്മു കശ്‌മീർ മുഖ്യമന്ത്രി ഒമർ അബ്ദുള്ള ഇക്കാര്യം സ്ഥിരീകരിച്ചിട്ടുണ്ട്. ഉപമുഖ്യമന്ത്രിക്കൊപ്പം കഴിഞ്ഞ ദിവസം ജില്ലാ സന്ദർശനത്തിൽ അദ്ദേഹം പങ്കെടുത്തിരുന്നെന്നും താൻ അധ്യക്ഷത വഹിച്ച ഓൺലൈൻ മീറ്റിങ്ങിൽ പങ്കെടുത്തിരുന്നെന്നും ആത്മാർപ്പണമുള്ള ഉദ്യോഗസ്ഥനെയാണ് നഷ്‌ടപ്പെട്ടതെന്നും ഒമർ അബ്ദുള്ള എക്സ‌സ് പ്ലാറ്റ്ഫോമിൽ കുറിച്ചു. രാജ്

ഇന്ത്യക്ക് നേരെ തുടർച്ചയായ രണ്ടാം രാത്രിയും പ്രകോപന ആക്രമണവുമായി പാകിസ്താൻ. ജമ്മു മുതൽ ഗുജറാത്ത് വരെ 26 കേന്ദ്രങ്ങൾ ലക്ഷ്യമിട്ടാണ് പാക് സൈന്യം ഡ്രോണുകൾ ഉൾപ്പെടെ ഉപയോഗിച്ച് ആക്രമണം നടത്തിയത്. എന്നാൽ, ഇവയെല്ലാം കരുത്തുറ്റ ഇന്ത്യൻ വ്യോമപ്രതിരോധത്തിൽ തരിപ്പണമായി. വിമാനത്താവളങ്ങൾ, വ്യോമ കേന്ദ്രങ്ങൾ തുടങ്ങിയവ സ്ഥിതിചെയ്യുന്ന ഇടങ്ങളിലേക്ക് ഉൾപ്പെടെയാണ് ആക്രമണമുണ്ടായത്. ഇന്ത്യ ആക്രമണ ശക്തമായ മുൻകരുതൽ സാധ്യതയുള്ളയിടങ്ങളിലെല്ലാം സ്വീകരിച്ചിരുന്നു. പല നഗരങ്ങളിലും വൈദ്യുതിബന്ധം പൂർണമായും വിച്ഛേദിച്ച് സമ്പൂർണ ബ്ലാക്കൗട്ടിലായിരുന്നു. ജനങ്ങൾക്ക്

ഇന്ത്യ – പാകിസ്ഥാൻ സംഘർഷത്തിന് പിന്നാലെ രാഷ്ട്രപതി ദ്രൗപദി മുർമുവിൻ്റെ ശബരിമല ദർശനം റദ്ദാക്കി. രാഷ്ട്രപതി ഈ മാസം 18ന് കോട്ടയത്ത് എത്തുമെന്നും 19 ന് ശബരിമലയിൽ ദർശനം നടത്തുമെന്നുമായിരുന്നു അറിയിപ്പ്. എന്നാൽ അതിർത്തിയിൽ സംഘർഷം രൂക്ഷമായിരിക്കെയാണ് സ്വകാര്യ ചടങ്ങുകൾ ഒഴിവാക്കാൻ രാഷ്ട്രപതി തീരുമാനിച്ചത്. പോലീസിനെയും ദേവസ്വം ബോർഡിനെയും ഇക്കാര്യം അറിയിച്ചിട്ടുണ്ട്.18നും 19നും രാഷ്ട്രപതി എത്തുന്നതിനോട് അനുബന്ധിച്ച് തീർത്ഥാടകർക്ക് വെർച്വൽ ക്യൂ അനുവദിക്കുന്നതിന് നിയന്ത്രണം ഏർപ്പെടുത്തിയിരുന്നു. ഈ നിയന്ത്രണങ്ങൾ ഒഴിവാക്കി.