14 കാരിയെ ബലാത്സംഗം ചെയ്ത് ഗര്ഭിണിയാക്കിയ കേസില് 61 വയസ്സുകാരന് മരണം വരെ ഇരട്ട ജീവപര്യന്തം തടവും 2 ലക്ഷം രൂപ പിഴയും. ഇടുക്കി പടമുഖം ചെരുവില് വീട്ടില് ബേബി (61)യെ ആണ് പൈനാവ് അതിവേഗ കോടതി ജഡ്ജി ലൈജുമോള് ഷെരീഫ് ശിക്ഷിച്ചത്. കേസിനാസ്പദമായ സംഭവം 2021 ഫെബ്രുവരിയിലാണ്. ട്യൂഷന് കഴിഞ്ഞ് വീട്ടിലേക്ക് പോകുകയായിരുന്ന പെണ്കുട്ടിയെ ആള്താമസമില്ലാത്ത വീടിന്റെ പിന്ഭാഗത്തുകൊണ്ടുപോയി ബലാത്സംഗം ചെയ്യുകയായിരുന്നു.
ദേഹാസ്വാസ്ഥ്യത്തെത്തുടര്ന്ന് ഗര്ഭിണിയായ കുട്ടിയെ പിന്നീട് ആശുപത്രിയിലാക്കി. ആശുപത്രി അധികൃതരാണ് വിവരം പോലീസില് അറിയിച്ചത്. രണ്ട് ജീവപര്യന്തങ്ങളും മരണം വരെയാണെന്ന് കോടതി പ്രത്യേകം വ്യക്തമാക്കി. പെണ്കുട്ടിക്ക് മതിയായ നഷ്ടപരിഹാരം നല്കാന് ജില്ലാ ലീഗല് സര്വീസസ് അതോറിറ്റിയോട് കോടതി ശുപാര്ശ ചെയ്തു. പ്രോസിക്യൂഷനുവേണ്ടി സ്പെഷ്യല് പബ്ലിക് പ്രോസിക്യൂട്ടര് അഡ്വ. ഷിജോമോന് ജോസഫ് കണ്ടത്തിങ്കരയില് ഹാജരായി.
