ശബരിമല സ്വർണമോഷണക്കേസിൽ തന്ത്രി കണ്ഠര് രാജീവരുടെ ജാമ്യ ഹർജിയിൽ വിധി ഇന്ന്
ശബരിമല സ്വർണമോഷണക്കേസിൽ തന്ത്രി കണ്ഠര് രാജീവരുടെ ജാമ്യ ഹർജിയിൽ വിധി ഇന്ന്. ദ്വാരപാലക ശിൽപ കേസിലും കട്ടിളപ്പാളി കേസിലും സമർപ്പിച്ച ജാമ്യാപേക്ഷയിലാണ് വിധി പറയുക. കൊല്ലം വിജിലൻസ് കോടതി ആണ് വിധി പറയുന്നത്.ജാമ്യ ഹർജിയിലെ വാദത്തിനിടെ തന്ത്രിയുടെ സ്വത്തുസമ്പാദനം സംബന്ധിച്ച തെളിവുകൾ എസ്ഐടി ഹാജരാക്കിയിരുന്നു. തന്ത്രിയുടെയും ഭാര്യയുടെയും പേരിൽ കണക്കിൽപ്പെടാത്ത വൻ നിക്ഷേപം ഉണ്ടെന്നാണ് എസ്ഐടിയുടെ കണ്ടെത്തൽ. പ്രതിയുടെ സാമ്പത്തിക സ്രോതസ്സ് ദുരൂഹമാണെന്നും വിശദമായ അന്വേഷണം വേണമെന്നുമാണ് പ്രോസിക്യൂഷൻ്റെ ആവശ്യം.
സർക്കാർ മദ്യം 21ന് പുറത്തിറക്കും; ബ്രാൻഡിയുടെ പേര് ഇതുവരെ വെളിപ്പെടുത്തിയിട്ടില്ല
വിവാദമായ സർക്കാർ മദ്യം 21ന് പുറത്തിറക്കും. പാലക്കാട് മലബാർ ഡിസ്റ്റലറിയിൽ നിന്നാണ് ഇതിൻ്റെ ഉത്പാദനം നടത്തുന്നത്. ബ്രാൻഡിയുടെ പേര് ഇതുവരെ വെളിപ്പെടുത്തിയിട്ടില്ല. പൊതുജനങ്ങളിൽ നിന്ന് നേരത്തെ പേര് സ്വീകരിച്ചത് ഹൈക്കോടതി തടഞ്ഞിരുന്നു. സർക്കാരിന്റെ പുതിയ ബ്രാൻഡിക്ക് വിലയും കുറവായിരിക്കും. നിലവിൽ സർക്കാർ ഉത്പാദിപ്പിക്കുന്നത് ജവാൻ റം മാത്രമാണ്. ബ്രാൻഡിക്ക് ജനങ്ങളിൽനിന്ന് സ്വീകരിക്കുന്ന പേര് ഇടുമെന്നും തെരഞ്ഞെടുത്ത പേരിന് 10,000 രൂപ സമ്മാനമായി നൽകുമെന്നും ബെവ്കോ എംഡി മുമ്പ് പ്രഖ്യാപിച്ചിരുന്നു. മദ്യ
മലമ്പുഴയില് വി.എസ്. അച്യുതാനന്ദന്റെ മകന് വി.എ. അരുണ്കുമാറിനെ മത്സരിപ്പിക്കാന് സിപിഎം
മലമ്പുഴയില് വി.എസ്. അച്യുതാനന്ദന്റെ മകന് വി.എ. അരുണ്കുമാറിനെ മത്സരിപ്പിക്കാന് സിപിഎമ്മില് ആലോചന. പാര്ട്ടി പറഞ്ഞാല് മത്സരിക്കാമെന്ന് അരുണ്കുമാര് അറിയിച്ചിട്ടുണ്ട്. സിപിഎം ജില്ലാ നേതൃത്വത്തിനും അരുണ്കുമാര് മലമ്പുഴയില് മത്സരിക്കുന്നതിനോടു എതിര്പ്പില്ലെന്നാണു സൂചന.എ. സുരേഷ് യുഡിഎഫ് സ്വതന്ത്രനായി മത്സരിച്ചേക്കുമെന്ന റിപ്പോര്ട്ടുകള്ക്കിടെയാണ് സിപിഎം നീക്കം.അച്യുതാനന്ദന്റെ മുന് പിഎയായിരുന്നു എ. സുരേഷ്.
തിപ്പസാന്ദ്ര ഫ്രണ്ട്സ് അസോസിയേഷൻ്റെ പ്രതിമാസ സെമിനാർ ഫെബ്രുവരി 22ന്
തിപ്പസാന്ദ്ര ഫ്രണ്ട്സ് അസോസിയേഷൻ്റെ പ്രതിമാസ സെമിനാർ ഫെബ്രുവരി 22 ഞായറാഴ്ച 4 മണിക്ക് തിപ്പസാന്ദ്ര ഹോളി ക്രോസ് സ്കൂളിൽ നടക്കും. “ഗാന്ധിജിയുടെ നാട്ടിലൂടെ” എന്ന വിഷയത്തിൽ എഴുത്തുകാരനും സാംസ്കാരിക പ്രവർത്തകനുമായ, ആർ വി ആചാരി സംസാരിക്കും. എഴുത്തുകാരിയും സാംസ്കാരിക പ്രവർത്തകയുമായ കൃഷ്ണമ്മ ടീച്ചർ’ചർച്ച ഉദ്ഘാടനം ചെയ്യും. പി.മോഹൻദാസ് അധ്യക്ഷത വഹിക്കും. കൂടുതൽ വിവരങ്ങൾക്ക് ഫോൺ: 9964113800
പ്രസവ ശസ്ത്രക്രിയയ്ക്കിടെ കുട്ടി മരിച്ച സംഭവം; ഡോക്ടറോട് നിർബന്ധിത അവധിയിൽ പ്രവേശിക്കാൻ നിർദേശം
നെടുമങ്ങാട് ജില്ലാ ആശുപത്രിയിൽ പ്രസവ ശസ്ത്രക്രിയയ്ക്കിടെ കുട്ടി മരിച്ച സംഭവത്തിൽ ആരോപണ വിധേയയായ ഡോക്ടർ ബിന്ദു സുന്ദറിന് നിർബന്ധിത അവധിയിൽ പ്രവേശിക്കാൻ ആരോഗ്യവകുപ്പിന്റെ നിർദേശം. ചികിത്സാ പിഴവെന്ന് ആരോപിച്ച് കുടുംബം രംഗത്തെത്തിയിരുന്നു. ഡോക്ടർക്കെതിരെ മുൻപും പരാതികൾ ലഭിച്ചിട്ടുണ്ടെന്ന് ആരോഗ്യ വകുപ്പ് ഡയറക്ടർ ഡോ റീന അറിയിച്ചു. പാലോട് സ്വദേശിനി നിരഞ്ജനയുടെ കുഞ്ഞ് മരിച്ചത് ജില്ലാ ആശുപത്രിയിൽ തിരികെ പ്രവേശിപ്പിക്കില്ലെന്നാണ് ആരോഗ്യ വകുപ്പ് ഡയറക്ടറുടെ തീരുമാനം. മെഡിക്കൽ കോളജിൽ നിന്നുള്ള സംഘം
ക്രിസ്ത്യൻ റൈറ്റേഴ്സ് ട്രസ്റ്റിൻ്റെ പുസ്തക പ്രകാശനവും സംവാദവും ഞായറാഴ്ച
ബെംഗളൂരു ക്രിസ്ത്യൻ റൈറ്റേഴ്സ് ട്രസ്റ്റിൻ്റെ നേത്യത്വത്തിൽ 22ന് സംവാദം സംഘടിപ്പിക്കുന്നു. ‘സഞ്ചാര സാഹിത്യത്തിലെ അർഥതലങ്ങൾ’ എന്ന വിഷയത്തിൽ ആണ് സംവാദം. ഞായറാഴ്ച രാവിലെ 11മണിക്ക് ഹോട്ടൽ ജിയോയിൽ നടക്കുന്ന പരിപാടിയിൽ അനിയൻ പെരുംതുരുത്തിയുടെ ‘ഇന്തൊനീഷ്യൻ യാത്ര’ എന്ന പുസ്തകത്തിൻ്റെ പ്രകാശനവും നടക്കും. ഡോ.സജി പുതുശ്ശേരി സാഹിത്യ സംവാദം ഉദ്ഘാടനം ചെയ്യും. ടി.എ. കലിസ് അധ്യക്ഷത വഹിക്കും. ഫ്രാൻസിസ് ആന്റണി മുഖ്യപ്രഭാഷണം നടത്തും. ഡോ.ജോർജ് മരങ്ങോലി, എഴുത്തുകാരി കെ.ടി ബ്രിജി, വിൽസൻ
2026 ടി20 ലോകകപ്പ്; ഓസ്ട്രേലിയ സൂപ്പർ എട്ട് കാണാതെ പുറത്ത്
2026 ടി20 ലോകകപ്പിൽ നിന്ന് മുൻ ചാമ്പ്യൻമാരായ ഓസ്ട്രേലിയ സൂപ്പർ എട്ട് കാണാതെ പുറത്തായി. അയർലൻഡും സൂപ്പർ എട്ടിൽ കടക്കാതെ പുറത്തായി. ഗ്രൂപ്പ് ബിയിൽ ഇന്നലെ നടക്കേണ്ടിയിരുന്ന സിംബാബ്വെ – അയർലൻഡ് മത്സരം മഴമൂലം ടോസിനു പോലും സാധിക്കാതെ ഉപേക്ഷിച്ചതോടെ സിംബാബ്വെ സൂപ്പർ എട്ടിലെത്തി. മത്സരം ഉപേക്ഷിച്ചതോടെ സിംബാബ്വെയും അയർലൻഡും പോയന്റുകൾ പങ്കുവെയ്ക്കുകയായിരുന്നു.
ബെംഗളൂരുവിൽ 4 വയസ്സുള്ള കുട്ടിയെ ദമ്പതികൾ ടാക്സി ക്യാബിൽ മറന്നുവച്ചു; ഒരു മണിക്കൂറിനുള്ളിൽ കണ്ടെത്തി
ബെംഗളൂരു ടാക്സിയിൽ ഉറങ്ങുകയായിരുന്ന 4 വയസ്സുകാരനെ മറന്ന് മാതാപിതാക്കൾ. ബെംഗളൂരുവിൽ കഴിഞ്ഞ 14നു ട്രിപ് കഴിഞ്ഞു കാർ വിട്ടുപോയ ശേഷമാണു കുട്ടിയെക്കുറിച്ച് ദമ്പതികൾ ഓർത്തത്. ഉടൻ ഹെൽപ് ലൈനിൽ വിളിച്ചു പൊലീസിൻ്റെ സഹായം തേടി. ടാക്സിയുടെ ലൊക്കേഷൻ കണ്ടെത്തിയ പൊലീസ് പിൻസീറ്റിൽ കുട്ടിയുണ്ടെന്ന കാര്യം ഡ്രൈവറെ വിളിച്ച് സ്ഥിരീകരിച്ചു. ഒരു മണിക്കൂറിനു ശേഷം കുട്ടിയെ ഡ്രൈവർ അപ്പാർട്മെന്റിൽ തിരിച്ചെത്തിക്കുകയായിരുന്നു.
സ്വത്തുതർക്കത്തെത്തുടർന്ന് അച്ഛനെ മകൻ അടിച്ചു കൊന്നു
സ്വത്തുതർക്കത്തെത്തുടർന്ന് അച്ഛനെ മകൻ അടിച്ചു കൊന്നു. കഴിഞ്ഞ ദിവസം നടന്ന സംഭവത്തിൽ ദൂതനഹള്ളി സ്വദേശിയായ മുനികൃഷ്ണപ്പയാണ് (71) മരിച്ചത്. രാത്രിയിൽ പുറത്തുപോയ മുനികൃഷ്ണപ്പയെ മകൻ മോഹൻകുമാർ (45) പിന്തുടർന്ന് ബാറ്റുകൊണ്ട് തലയ്ക്ക് അടിക്കുകയായിരുന്നു. നാട്ടുകാരുടെ നേതൃത്വത്തിൽ മുനികൃഷ്ണപ്പയെ ആശുപത്രിയിലെത്തിച്ചെങ്കിലും ചികിത്സയിലിരിക്കെ മരണം സംഭവിച്ചു. സംഭവത്തിനുശേഷം ഓടിരക്ഷപ്പെട്ട മോഹൻകുമാറിനായി അന്വേഷണം ഊർജിതമാക്കി. പ്രതി ഉടൻ അറസ്റ്റിലാകുമെന്ന് ഇന്ദിരാനഗർ പോലീസ് പറഞ്ഞു.
മലയാളി നഴ്സിങ് വിദ്യാർഥിനിയെ ജീവനൊടുക്കിയ നിലയിൽ കണ്ടെത്തി
ബെംഗളൂരു മലയാളി നഴ്സിങ് വിദ്യാർഥിനിയെ താമസസ്ഥലത്ത് ജീവനൊടുക്കിയ നിലയിൽ കണ്ടെത്തി. ബെന്നാർഘട്ട റോഡ് ടി ജോൺ കോളജിലെ മൂന്നാം വർഷ വിദ്യാർഥിനി തിരുവനന്തപുരം സ്വദേശിനി ആർദ്ര അനിൽ (21) ആണ് മരിച്ചത്. ഗൊട്ടിഗെരെയിലെ പിജിയിൽ തൂങ്ങി മരിക്കുകയായിരുന്നു. അച്ഛൻ അനിൽ കുമാർ 3 മാസം മുൻപാണ് മരിച്ചത്. സഹോദരൻ: ആകാശ്. മൃതദേഹം പോസ്റ്റുമോർട്ടത്തിനു ശേഷം നാട്ടിലേക്കു കൊണ്ടുപോയി.