വൃദ്ധ ദമ്പതികൾ വീടിനുള്ളിൽ തൂങ്ങിമരിച്ച നിലയിൽ
വൃദ്ധ ദമ്പതികളെ വീടിനുള്ളിൽ തൂങ്ങി മരിച്ച നിലയിൽ കണ്ടെത്തി. എടവനക്കാട് വാച്ചാക്കൽ താന്നിപ്പിള്ളി ക്ലീറ്റസ് (74), ഭാര്യ വിമല (69) എന്നിവരാണ് മരിച്ചത്. ഇന്ന് പുലർച്ചെ വീട്ടിലെത്തിയ സഹോദരങ്ങളാണ് കിടപ്പുമുറിയിലെ ജനൽ കമ്പികളിൽ കയർ ഉപയോഗിച്ച് തൂങ്ങിയ നിലയിൽ മൃതദേഹങ്ങൾ കണ്ടത്. ഞാറയ്ക്കൽ പോലീസ് അന്വേഷണം ആരംഭിച്ചു. ഇൻക്വസ്റ്റിനു ശേഷം പോസ്റ്റ്മോർട്ടം നടത്തും.
സ്കൂട്ടർ അപകടത്തിൽ കർണാടക സ്വദേശികളായ യുവാക്കൾക്ക് ദാരുണാന്ത്യം
ഇന്ന് പുലർച്ചെ 12.30 ഓടെ എംസി റോഡിൽ തൃക്കളത്തൂർ പള്ളിത്താഴത്ത് വച്ച് നടന്ന സ്കൂട്ടർ അപകടത്തിൽ കർണാടക സ്വദേശികളായ യുവാക്കൾക്ക് ദാരുണാന്ത്യം. ശരവണൻ (24), മുത്തുരാജു (29) എന്നിവരാണ് സംഭവസ്ഥലത്തു തന്നെ മരിച്ചത്. പേഴക്കാപ്പിള്ളി പള്ളിപ്പടിയിലെ ജെസിബി ഓപ്പറേറ്റർമാരാണ് ഇരുവരും. എന്നാൽ അപകടം ഉണ്ടാക്കിയ വാഹനം കണ്ടെത്താനായില്ല. ഇവരുടെ സ്കൂട്ടർ മറ്റു വാഹനത്തിൽ ഇടിച്ചതാണോ, വാഹനം സ്കൂട്ടറിനെ ഇടിച്ചിട്ടതാണോ എന്നത് വ്യക്തമല്ല
ഇൻസ്റ്റഗ്രാമിൽ 10 കോടി ഫോളോവേഴ്സുമായി ഇന്ത്യൻ പ്രധാനമന്ത്രി
ഇൻസ്റ്റഗ്രാമിൽ 10 കോടി ഫോളോവേഴ്സിനെ സ്വന്തമാക്കുന്ന ലോകത്തിലെ ആദ്യത്തെ നേതാവായി മോദി മാറി. 2014ൽ ആരംഭിച്ച മോദിയുടെ ഇൻസ്റ്റഗ്രാം അക്കൗണ്ട് കഴിഞ്ഞ ഒരു പതിറ്റാണ്ടിനിടെ ആഗോളതലത്തിൽ ഏറ്റവും കൂടുതൽ ആളുകൾ ശ്രദ്ധിക്കുന്ന ഡിജിറ്റൽ ഇടങ്ങളിലൊന്നായി വളരുകയായിരുന്നു. യുഎസ് പ്രസിഡണ്ട് ഡോണാൾഡ് ട്രംപിനേക്കാൾ 4.32 കോടിയിലധികം ഫോളോവേഴ്സ് മോദിക്കുണ്ട്. ഇന്തോനേഷ്യൻ പ്രസിഡണ്ട് പ്രബോവോ സുബിയാന്തോ (1.5 കോടി), ബ്രസീൽ പ്രസിഡണ്ട് (1.44 കോടി) എന്നിവരാണ് അടുത്ത സ്ഥാനങ്ങളിൽ. ഇന്ത്യയിലും മറ്റ് രാഷ്ട്രീയ
രാഹുൽ ഗാന്ധിയും പ്രിയങ്ക ഗാന്ധിയും ഇന്ന് വയനാട്ടിൽ
ലോകസഭ പ്രതിപക്ഷ നേതാവ് രാഹുൽ ഗാന്ധിയും പ്രിയങ്ക ഗാന്ധി എംപിയും ഇന്ന് വയനാട്ടിലെത്തും. ചൂരൽമല – മുണ്ടക്കൈ ഉരുൾപൊട്ടൽ ദുരന്തബാധിതർക്കായി കോൺഗ്രസ് നിർമ്മിച്ചു നൽകുന്ന വീടുകളുടെ തറക്കല്ലിടൽ ചടങ്ങിനായാണ് ഇരുവരും വയനാട്ടിലെത്തുന്നത്. മേപ്പാടി കുന്നമ്പറ്റയിൽ നിർമ്മിക്കുന്ന ആദ്യഘട്ടത്തിലെ 50 വീടുകളുടെ പ്രവൃത്തിക്കാണ് ഇന്ന് തുടക്കമാകുന്നത്. എട്ട് സെന്റ് ഭൂമിയിൽ 1041 ചതുരശ്ര അടി വിസ്തീർണ്ണമുള്ള വീടുകളാണ് ഓരോ കുടുംബത്തിനുമായി ഒരുങ്ങുന്നത്. ചടങ്ങിൽ എഐസിസി ജനറൽ സെക്രട്ടറി കെ.സി.വേണുഗോപാൽ, കെപിസിസി പ്രസിഡണ്ട്
സെമി ഫൈനൽ സ്വപ്നം യാഥാർഥ്യമാക്കാൻ ഇന്ത്യ ഇന്നിറങ്ങുന്നു; ഇന്ത്യ x സിംബാബ്വെ പോരാട്ടം രാത്രി ഏഴിന്
ഐസിസി പുരുഷ ട്വന്റി-20 ലോകകപ്പിൽ സെമി ഫൈനൽ സ്വപ്നം യാഥാർഥ്യമാക്കാൻ ഇന്ത്യ ഇന്നിറങ്ങുന്നു. രാത്രി 7 മണിക്ക് നടക്കുന്ന മത്സരത്തിൽ സിംബാബ്വെയാണ് എതിരാളികൾ. ഗൗതം ഗംഭീറിന്റെ കോച്ചിംഗും സൂര്യകുമാര് യാദവിന്റെ ക്യാപ്റ്റന്സിയും അഹമ്മദാബാദിലെ തലതിരിഞ്ഞ പിച്ചും ചേര്ന്നപ്പോള് സ്വന്തം മത്സരങ്ങള് ജയിച്ചാല് മാത്രം പോരാ, മറ്റുള്ള ടീമുകളുടെ മത്സരഫലങ്ങളും ആശ്രയിച്ചു മാത്രമേ ഇന്ത്യയുടെ സെമി ഫൈനല് സ്വപ്നം സഫലമാകൂ എന്നതാണ് അവസ്ഥ. സപ്പർ എട്ടിൽ ജീവൻ നിലനിർത്താനാണ് സൂര്യകുമാർ യാദവും
വീണാ ജോർജിനെതിരായ പ്രതിഷേധം; കെഎസ്യു പ്രവർത്തകർ റിമാൻഡിൽ
ആരോഗ്യമന്ത്രി വീണാ ജോർജിനെ ആക്രമിച്ച സംഭവത്തിൽ പോലീസ് അറസ്റ്റ് ചെയ്ത അഞ്ച് കെഎസ്യു പ്രവർത്തകർ റിമാൻഡിൽ. കഴിഞ്ഞ ദിവസം രാത്രിയാണ് അറസ്റ്റിലായവരെ വൈദ്യ പരിശോധനയ്ക്ക് ശേഷം മജിസ്ട്രേറ്റിന് മുന്നിൽ ഹാജരാക്കിയത്. കെഎസ്യു ജില്ലാ പ്രസിഡണ്ട്എം.സി.അതുൽ, അഹമ്മദ് യാസീൻ, സി.എച്ച്.മുബാസ്, ബിതുൽ ബാലൻ, വി.വി.അക്ഷയ് എന്നിവരെയാണ് റിമാൻഡ് ചെയ്തത്. പോലീസ് പ്രതികൾക്കെതിരെ വധശ്രമത്തിനാണ് കേസെടുത്തിരിക്കുന്നത്. കണ്ണൂർ ടൗൺ പോലീസ് അറസ്റ്റ് ചെയ്തവരെ റെയിൽവേ പോലീസിന് കൈമാറുകയായിരുന്നു. എകെജി ആശുപത്രിക്ക് മുന്നിൽ വച്ച്
കേന്ദ്ര പ്രതിരോധ വകുപ്പിൻ്റെ തൊഴിൽമേള നാളെ; വിരമിച്ചവർക്കു പങ്കെടുക്കാം
കേന്ദ്ര പ്രതിരോധ വകുപ്പിൻ്റെ കീഴിലുള്ള എക്സ് സർവീസ്മെൻ വെൽഫെയർ സംഘടിപ്പിക്കുന്ന തൊഴിൽമേള നാളെ രാവിലെ 7ന് അൾസൂർ തടാകത്തിലെ എംഇജി സെന്ററിൽ നടത്തും. കരസേന, നാവികസേന, വ്യോമസേന എന്നിവിടങ്ങളിൽ നിന്നു വിരമിച്ചവർക്കു മേളയിൽ പങ്കെടുക്കാം. റജിസ്ട്രേഷന് വെബ്സൈറ്റ്: esmhire.com ഫോൺ: 9666080818.
കെഎംസിസി ഇഫ്താർ സംഗമം മാർച്ച് ഒന്നിന്
ഓൾ ഇന്ത്യ കെഎംസിസി മൈസൂരു ജില്ലാ കമ്മിറ്റി സംഘടിപ്പിക്കുന്ന ഇഫ്താർ സംഗമം മാർ ച്ച് ഒന്നിന് വൈകിട്ട് 4നു മൈസൂരു ബന്നിമണ്ഡപത്തിലെ പ്രസ്റ്റീജ് കൺവൻഷൻ സെന്ററിൽ നടത്തും. എസ്.വി.മുഹമ്മദലി മുഖ്യപ്രഭാഷണം നടത്തും. ഫോൺ: 90483 78885, 98453 53579.
മൈസൂരു – വടകര സൂപ്പർഫാസ്റ്റ് ബസ് അടുത്ത ആഴ്ച മുതൽ
കേരള ആർടിസിയുടെ മൈസൂരു – വടകര സൂപ്പർ ഫാസ്റ്റ് ബസ് അടുത്ത ആഴ്ച സർവീസ് തുടങ്ങും. രാവിലെ 11.30നു മൈസൂരുവിൽ നിന്നു പുറപ്പെട്ട് വൈകിട്ട് 5നു വടകരയി ലെത്തും. വടകരയിൽ നിന്നു പുലർച്ചെ 4.45നു പുറപ്പെട്ട് 10നു മൈസുരുവിലെത്തും നാദാപുരം, കുറ്റ്യാടി, തൊട്ടിൽപാലം, വെള്ളമുണ്ട, പനമരം, നടവയൽ, ബത്തേരി, ഗുണ്ടൽപേട്ട്, നഞ്ചൻ ഗുഡ് വഴിയാണു സർവീസ്. നിലവിൽ ബെംഗളൂരുവിൽ നിന്നു മൈസൂരു വഴി വടകരയിലേക്ക് ഓരോ സൂപ്പർഫാസ്റ്റ്, ഡിലക്സ് സർവീസുകളാണ്
6 മാസമുള്ള കുഞ്ഞിൻ്റെ വിരൽ അബദ്ധത്തിൽ മുറിച്ച് നഴ്സ്; മാതാപിതാക്കളുടെ പരാതിയിൽ പൊലീസ് കേസെടുത്തു
ബെംഗളൂരു സ്വകാര്യ ആശുപത്രിയിൽ ഐവി ഡ്രിപ്പ് മാറ്റുന്നതിനിടെ 6 മാസം പ്രായമുള്ള കുട്ടിയുടെ കയ്യിലെ ചെറുവിരൽ നഴ്സ് അബദ്ധത്തിൽ മുറിച്ചു. ഇന്ദിരാനഗർ ചിന്മയ മിഷൻ ആശുപ്രതിയിലാണു സംഭവം. ഇന്ദിരാനഗർ സ്വദേശി വിജയ് കുമാറിൻ്റെ മകൻ ബാലകുമാറിൻ്റെ ഇടതുകയ്യിലെ വിരലാണ് അബദ്ധത്തിൽ മുറിച്ചത്. കഴിഞ്ഞ ദിവസമാണ് കുട്ടിയെ പനിയും ചുമയുമായി ആശുപ്രതിയിൽ പ്രവേശിപ്പിച്ചത്. ഡിസ്ചാർജ് ചെയ്യുന്നതിനു മുൻപു നഴ്സസ് ഐവി ഡ്രിപ് മാറ്റുന്നതിനിടെയാണു വിരൽ മുറിഞ്ഞത്. ഉടൻതന്നെ കുട്ടിയെ എമർജൻസി വാർഡിലെത്തിച്ചു