മാസം: സെപ്റ്റംബർ 2026

ജാലഹള്ളി സെന്റ് തോമസ് ഫൊറോന ദേവാലയത്തിൽ സ്റ്റാർ പിതൃവേദിയുടെ 23-ാം വാർഷികവും ഓണാഘോഷവും വിവിധ പരിപാടികളോടെ സംഘടിപ്പിച്ചു. ചടങ്ങിൻ്റെ ഭാഗമായി നടന്ന വിശുദ്ധ കുർബാനയ്ക്ക് ക്രൈസ്റ്റ് സർവകലാശാല യശ്വന്ത്പുര കാമ്പസ് ഡയറക്ടർ ഫാ. ഡോ. ബെന്നി തോമസ് മുഖ്യകാർമികത്വം വഹിച്ചു. അസിസ്റ്റന്റ് വികാരി ഫാ. മാത്യു മൂത്തേടം സഹകാർമികനായി. തുടർന്ന് നടന്ന പൊതുയോഗത്തിൽ അസിസ്റ്റന്റ് വികാരി ഫാ. ജോസഫ് തൂമ്പനാൽ അധ്യക്ഷത വഹിച്ചു. ഫാ. ഡോ. ബെന്നി തോമസ്, ജോസഫ്

കർണാടക മന്ത്രിസഭയുടെ പ്രത്യേക യോഗം ഇന്ന് ആദ്യമായി മംഗളൂരുവിൽ ചേരും. മുഖ്യമന്ത്രി ഡി.കെ. ശിവകുമാറിൻ്റെ അധ്യക്ഷതയിൽ നടക്കുന്ന യോഗത്തിൽ തീരദേശ, മലനാട് മേഖലകളുടെ വികസനവുമായി ബന്ധപ്പെട്ട വിവിധ നിർദേശങ്ങൾ ചർച്ച ചെയ്യും. ദക്ഷിണ കന്നഡ, ഉഡുപ്പി, ഉത്തര കന്നഡ ജില്ലകളിലെ ജനപ്രതിനിധികളുടെ ആവശ്യത്തെ തുടർന്നാണ് മംഗളൂരുവിൽ മന്ത്രിസഭായോഗം സംഘടിപ്പിക്കുന്നത്. തുറമുഖം, അടിസ്ഥാന സൗകര്യം, മത്സ്യബന്ധനം, വ്യവസായം, ടൂറിസം തുടങ്ങിയ മേഖലകളിലെ വികസന പദ്ധതികൾക്ക് യോഗത്തിൽ പരിഗണന ലഭിക്കുമെന്നാണ് സർക്കാർ വ്യക്തമാക്കിയിട്ടുള്ളത്.

ബെംഗളൂരുവിൽ നിന്ന് തുമക്കൂരു ജില്ലയിലെ കുണിഗലിലേക്ക് ബിഎംടിസിയുടെ വജ്ര വിസ്താര എസി ബസ് സർവീസ് ആരംഭിച്ചു. V-X-KGL-1 റൂട്ട് നമ്പറിലുള്ള ബസ് മജസ്റ്റിക് കെംപെഗൗഡ ബസ് ടെർമിനലിൽ നിന്നാണ് സർവീസ് നടത്തുന്നത്. നവരംഗ്, ഗോവർധൻ തിയറ്റർ, ഗൊരെഗുണ്ടപാളയ, വിഡിയ, നെലമംഗല ബൈപാസ്, ഗുഡ്ഡേമാരനഹള്ളി, സോലൂർ, മാരൂർ ഹാൻഡ് പോസ്റ്റ് എന്നിവിടങ്ങളിൽ ബസിന് സ്റ്റോപ്പുകളുണ്ട്. ഏകദേശം 73 കിലോമീറ്റർ ദൂരമുള്ള യാത്രയ്ക്ക് 120 രൂപയാണ് നിരക്ക്. 45 മിനിറ്റ് ഇടവേളയിലാണ് സർവീസ്

മൈസൂരു ദസറയുടെ ഔദ്യോഗിക വെബ്സൈറ്റ് മന്ത്രി യതീന്ദ്ര സിദ്ധരാമയ്യ ഉദ്ഘാടനം ചെയ്തു. ദസറയുമായി ബന്ധപ്പെട്ട വിവരങ്ങൾ എളുപ്പത്തിൽ ലഭ്യമാക്കുന്നതിനൊപ്പം ഓൺലൈൻ സേവനങ്ങളും ഉൾപ്പെടുത്തിയാണ് പുതിയ വെബ്സൈറ്റ് ഒരുക്കിയിരിക്കുന്നത്. ദസറയുടെ ചരിത്രം, വിവിധ ദിവസങ്ങളിലെ പരിപാടികൾ, ആഘോഷങ്ങളുടെ വിശദാംശങ്ങൾ എന്നിവ വെബ്സൈറ്റിലൂടെ അറിയാം. വിവിധ പരിപാടികളിലേക്കുള്ള ഓൺലൈൻ ടിക്കറ്റ് ബുക്കിങ് സൗകര്യവും ഒരുക്കിയിട്ടുണ്ട്. സന്ദർശകരുടെ സംശയങ്ങൾക്ക് മറുപടി നൽകുന്നതിനായി എഐ ചാറ്റ്ബോട്ട് സംവിധാനവും വെബ്സൈറ്റിൽ ഉൾപ്പെടുത്തിയിട്ടുണ്ട്. ഒക്ടോബർ 11ന് ആരംഭിക്കുന്ന മൈസൂരു

തുമക്കൂരുവിൽ യാഡ് നവീകരണ പ്രവർത്തനങ്ങൾ നടക്കുന്നതിനാൽ ഏതാനും ട്രെയിൻ സർവീസുകളുടെ സമയക്രമത്തിലും റൂട്ടിലും മാറ്റം വരുത്തി. കൊല്ലം–ഹുബ്ബള്ളി വാരാന്ത്യ സ്പെഷൽ എക്സ്പ്രസ് (07314) ഒക്ടോബർ 5ന് എസ്എംവിടി ബെംഗളൂരു–ധർമാവരം–ഗുണ്ടക്കൽ–ബെള്ളാരി വഴി തിരിച്ചുവിടും. ഇതിൻ്റെ ഭാഗമായി തുമക്കൂരു, അരസിക്കരെ, ബിരൂർ, ദാവണഗരെ, ഹാവേരി സ്റ്റേഷനുകളിലെ സ്റ്റോപ്പുകൾ ഒഴിവാക്കിയിട്ടുണ്ട്. അതേസമയം, ഹുബ്ബള്ളി–തിരുവനന്തപുരം നോർത്ത് വാരാന്ത്യ സ്പെഷൽ എക്സ്പ്രസ് (12777) സെപ്റ്റംബർ 23നും ഒക്ടോബർ 7നും രണ്ട് മണിക്കൂർ വൈകിയാണ് ഹുബ്ബള്ളിയിൽ നിന്ന് പുറപ്പെടുക.