മാസം: ഓഗസ്റ്റ്‌ 2026

കോട്ടയം മണർകാട്ടുണ്ടായ വാഹനാപകടത്തിൽ 23കാരിയായ യുവതി മരിച്ചു. അയർക്കുന്നം കൊങ്ങാണ്ടൂർ വാലുമ്മേൽക്കുന്നേൽ വീട്ടിൽ ശ്രീദേവി മനോജ് ആണ് മരിച്ചത്. സഹോദരനൊപ്പം ബൈക്കിൽ യാത്ര ചെയ്യുന്നതിനിടെയാണ് അപകടം. ഇന്ന് രാവിലെ ഏഴ് മണിയോടെ മണർകാട് പള്ളിക്ക് സമീപം സെന്റ് മേരീസ് ആശുപത്രിക്ക് മുന്നിലെ വളവിലായിരുന്നു അപകടം. അയർക്കുന്നത്ത് നിന്ന് മണർകാട് കവലയിലേക്ക് വരികയായിരുന്ന ബൈക്ക് വളവിൽവച്ച് റോഡിൽ തെന്നി നിയന്ത്രണം നഷ്ടപ്പെട്ട് മറിയുകയായിരുന്നു. അപകടത്തിൽ കോട്ടയത്ത് നിന്ന് പാലായിലേക്ക് പോകുകയായിരുന്ന സ്വകാര്യ

കോതമംഗലം എസ്.എച്ച്.ഒയെ ഭീഷണിപ്പെടുത്തിയ കേസിൽ മുൻകൂർ ജാമ്യാപേക്ഷ ഹൈക്കോടതി തള്ളിയതിന് പിന്നാലെ ഗുണ്ടാ നേതാവ് അർജുൻ ആയങ്കി വീണ്ടും സമൂഹമാധ്യമത്തിലൂടെ പോലീസിനെയും ആഭ്യന്തര മന്ത്രി രമേശ് ചെന്നിത്തലയെയും വെല്ലുവിളിച്ച് രംഗത്തെത്തി. “വിരട്ടരുത്… വളർന്ന പാർട്ടി വേറെയാണ്” എന്ന വാചകത്തോടെയാണ് അർജുൻ ഫേസ്ബുക്കിൽ പുതിയ പോസ്റ്റ് പങ്കുവെച്ചത്. തന്നെതിരായ കേസ് പുനരന്വേഷിക്കാൻ ഉത്തരവിടാനും, നിരപരാധിയാണെന്ന് തെളിഞ്ഞാൽ കള്ളക്കേസ് ചുമത്തിയെന്ന് ആരോപിക്കുന്ന കോതമംഗലം സി.ഐക്കെതിരെ നടപടിയെടുക്കാനും ആഭ്യന്തര മന്ത്രിയെ വെല്ലുവിളിക്കുന്ന തരത്തിലുള്ള പരാമർശങ്ങളാണ്

മുഖ്യമന്ത്രി വി.ഡി.സതീശനെ അപകീർത്തിപ്പെടുത്തുന്ന തരത്തിൽ ഫേസ്ബുക്കിൽ കമന്റ് പോസ്റ്റ് ചെയ്തെന്ന പരാതിയിൽ കോഴിക്കോട് ബേപ്പൂർ സ്വദേശിയായ നിതിൻ കക്കേടം സൈബർ പൊലീസിൻ്റെ പിടിയിലായി. മുഖ്യമന്ത്രിയുടെ ഹെലികോപ്റ്റർ യാത്രയുമായി ബന്ധപ്പെട്ട് സമൂഹമാധ്യമത്തിൽ നടത്തിയ പരാമർശമാണ് കേസിന് ആധാരമായത്. ബേപ്പൂർ ബ്ലോക്ക് കോൺഗ്രസ് കമ്മിറ്റി അംഗം നൽകിയ പരാതിയുടെ അടിസ്ഥാനത്തിൽ സൈബർ പൊലീസ് കേസെടുത്ത് അന്വേഷണം ആരംഭിക്കുകയായിരുന്നു. പൊതു സമൂഹത്തിൽ പ്രകോപനവും ലഹളയും സൃഷ്ടിക്കാനുള്ള ഉദ്ദേശത്തോടെയാണ് കമന്റ് പോസ്റ്റ് ചെയ്തതെന്ന് എഫ്.ഐ.ആറിൽ വ്യക്തമാക്കുന്നു.