മാസം: ഒക്ടോബർ 2025

അക്രമ സംഭവങ്ങളുടെ പശ്ചാത്തലത്തിൽ കാലിക്കറ്റ് സർവ്വകലാശാല ക്യാമ്പസ് അനശ്ചിതകാലത്തേക്ക് അടച്ചു. ഒരു അറിയിപ്പ് ഉണ്ടാകും വരെ ക്ലാസുകൾ ഉണ്ടാകില്ലെന്ന് അധികൃതർ അറിയിച്ചു. ഹോസ്റ്റലുകളും ഒഴിഞ്ഞുപോകണമെന്ന് വിദ്യാർത്ഥികൾക്ക് നിർദേശം നൽകിയിട്ടുണ്ട്. ഇന്നലെ വൈകുന്നേരം മുതൽ ക്യാമ്പസിനുള്ളിൽ ഉണ്ടായ സംഘർഷം ഉണ്ടായത്. ഇതിൻ്റെ പശ്ചാത്തലത്തിലാണ് കാലിക്കറ്റ് സർവ്വകലാശാല ക്യാമ്പസ് പഠനവകുപ്പുകൾ അനിശ്ചിത കാലത്തേക്ക് അടച്ചിടുന്നത്. സമാധാനം പുനഃസ്ഥാപിക്കുന്നതിനും വിദ്യാർത്ഥികളുടെ ജീവൻ സംരക്ഷിക്കുന്നതിനുമാണ് നടപടിയെന്ന് വൈസ് ചാൻസലർ ഡോ. പി രവീന്ദ്രൻ അറിയിച്ചു. ഇനി

ഷാഫി പറമ്പിൽ എംപിക്ക് മർദനമേറ്റതില്‍ ലോകസഭാ സ്പീക്കർക്ക് പരാതി നല്‍കി. കൊടിക്കുന്നില്‍ സുരേഷ് എംപിയാണ് ലോക്സഭാ സ്പീക്കർക്ക് പരാതി നല്‍കിയത്. പൊലീസ് അക്രമത്തില്‍ അടിയന്തര നടപടി വേണമെന്നാണ് ആവശ്യം.സംഭവത്തില്‍ സമഗ്രമായ അന്വേഷണം വേണമെന്നും കൊടിക്കുന്നില്‍ സുരേഷ് ആവശ്യപ്പെട്ടു. പൊലീസ് മർദ്ദന പരാതി പ്രിവിലേജ് കമ്മിറ്റിക്ക് വിടണമെന്നും പൊലീസ് ഉദ്യോഗസ്ഥർക്കെതിരെ കർശന നടപടി സ്വീകരിക്കണമെന്നും ആവശ്യം ഉന്നയിച്ചു. ഷാഫി പറമ്പിൽ എംപിയ്ക്ക് പൊലീസിൻ്റെ അടിയേല്‍ക്കുന്ന ദൃശ്യങ്ങളും ഇതിനിടയിൽ പുറത്ത് വന്നു. ലാത്തി

കോഴിക്കോട് പേരാമ്പ്രയിൽ സിപിഎം പ്രവര്‍ത്തകയുടെ വീടിന് നേരേ ആക്രമണം നടന്നതായി പരാതി. കല്ലോട്ടെ സിപിഎം പ്രവര്‍ത്തക ശ്രീകല സുകുമാരൻ്റെ വീടിന് നേരേ ഇന്നലെയാണ് ആക്രമണമുണ്ടായത്. അക്രമികള്‍ ഭീഷണിമുഴക്കിയെന്നും ആരോപണമുണ്ട്. ആക്രമണത്തില്‍ വീടിൻ്റെ ജനല്‍ചില്ലുകള്‍ തകര്‍ന്നു. ശ്രീകലയുടെ വീടിന് നേരേ യാതൊരു പ്രകോപനവുമില്ലാതെയാണ് ആക്രമണമുണ്ടായതെന്ന് സിപിഎം പ്രാദേശിക നേതൃത്വം ആരോപിച്ചു. പ്രദേശത്ത് സംഘര്‍ഷമുണ്ടാക്കാനുള്ള ആസൂത്രിത ശ്രമത്തിൻ്റെ ഭാഗമായാണ് ആക്രമണമെന്നും സിപിഎം പറഞ്ഞു. പേരാമ്പ്ര പോലീസ് സംഭവത്തില്‍ അന്വേഷണം ആരംഭിച്ചിട്ടുണ്ട്.

ഷാഫി പറമ്പിൽ എംപിയെ ക്രൂരമായി മർദിച്ചത് സിപിഎം ക്രിമിനലുകളും അവർക്ക് ഒത്താശ ചെയ്യുന്ന കേരള പൊലീസിലെ ഗുണ്ടകളും ചേർന്നാണെന്ന് പ്രതിപക്ഷ നേതാവ് വിഡി സതീശൻ. ഷാഫിയേയും പരിക്കേറ്റ മറ്റുള്ളവരേയും സി. പി. എമ്മിലെ ഉത്തരവാദിത്തപ്പെട്ട നേതാക്കൾ തന്നെ സൈബറിടങ്ങളിലും അല്ലാതെയും കേട്ടാലറക്കുന്ന ഭാഷയിൽ അധിക്ഷേപിക്കുകയാണ്. ഇതൊന്നും കൊണ്ട് പോരാട്ട വീര്യത്തെ തകർക്കാനാകില്ല എന്ന് വിഡി സതീശൻ പറഞ്ഞു. കോഴിക്കോട് റൂറൽ എസ്പി അടക്കമുള്ളവർ ഇന്നലെ പറഞ്ഞത് പൊലീസ് ഒന്നും ചെയ്തില്ല.