മാസം: ജനുവരി 2025

മലപ്പുറം ഒളമതിലിൽ മൂന്ന് മാസം പ്രായമുള്ള കുഞ്ഞിനെ ബക്കറ്റിൽ മരിച്ച നിലയിൽ കണ്ടെത്തി. കുഞ്ഞിൻ്റെ അമ്മയായ മിനിയെ (45) തൂങ്ങിമരിച്ച നിലയിലും കണ്ടെത്തി. വീട്ടിലെ ശുചിമുറിയിലെ ബക്കറ്റിൽ ആയിരുന്നു കുഞ്ഞിൻ്റെ മൃതദേഹം കണ്ടെത്തിയത്. മിനിയുടെ ആത്മഹത്യാ കുറിപ്പ് പൊലീസിന് ലഭിച്ചിട്ടുണ്ട്. മരണകാരണം വ്യക്തമായിട്ടില്ല. കു​ഞ്ഞി​നെ കൊ​ല​പ്പെ​ടു​ത്തി​യ ശേ​ഷം ഇ​വ​ര്‍ ജീ​വ​നൊ​ടു​ക്കി​യ​താ​ണെന്നാണ് പ്രാഥമിക നി​ഗ​മ​നം.

സ്വര്‍ണ വിലയില്‍ കുതിപ്പ് തുടരുന്നു. ഇന്ന് പവൻ്റെ വില 120 രൂപ ഉയര്‍ന്ന് 60,880 രൂപയിലെത്തി. ഗ്രാമിൻ്റെ വിലയാകട്ടെ 15 രൂപ കൂടി 7,610 രൂപയും. ഒരു മാസത്തിനിടെ പവൻ്റെ വിലയിലുണ്ടായ വര്‍ധന 3,680 രൂപയാണ്. ഒരു വര്‍ഷത്തിനിടെയുള്ള വര്‍ധനവാകട്ടെ 14,640 രൂപയും. യുഎസ് ഓഹരി വിപണിയില്‍ നേരിട്ട തിരിച്ചടിയാണ് സ്വര്‍ണം നേട്ടമാക്കിയത്.

തിരുവനന്തപുരം ബാലരാമപുരത്ത് നിന്ന് ഇന്നലെ കാണാതായ രണ്ടുവയസുകാരിയുടെ മൃതദേഹം കിണറ്റിൽ കണ്ടെത്തി. ശ്രീജിത്ത് – ശ്രീതു ദമ്പതികളുടെ മകളായ ദേവേന്ദുവാണ് മരിച്ചത്. ഇന്ന് രാവിലെയാണ് കുട്ടിയെ കാണാനില്ലെന്ന് മാതാപിതാക്കൾ പൊലീസിൽ പരാതി നൽകിയത്. ഇതിനെ തുടർന്ന് നടത്തിയ പരിശോധനയിലാണ് വീട്ടിലെ കിണറ്റിൽ നിന്ന് മൃതദേഹം കണ്ടെത്തിയത്. മരണത്തിൽ ദുരൂഹതയുണ്ടെന്നാണ് പൊലീസിൻ്റെ നിഗമനം. രാത്രി ഉറങ്ങാൻ കിടന്ന കുട്ടിയെയാണ് രാവിലെ കാണാതാകുന്നത്. അന്വേഷണം നടക്കുകയാണെന്നും സംഭവത്തിൽ രണ്ടുപേരെ ചോദ്യം ചെയ്തുവരികയാണെന്നും നെയ്യാറ്റിൻകര

കാരുണ്യത്തെ രാഷ്ട്രീയ പ്രവർത്തനത്തിൻ്റെ അടിസ്ഥാനപ്രമാണമാക്കി മാറ്റിയ ജനനേതാവായിരുന്നു കെഎം മാണിയെന്ന് നിയമസഭാ സ്പീക്കർ എ.എൻ ഷംസീർ. കെ എം മാണിയുടെ ജന്മദിനത്തോടനുബന്ധിച്ച് കേരള കോൺഗ്രസ് (എം) സംസ്ഥാന വ്യാപകമായി 1000 കേന്ദ്രങ്ങളിൽ ‘കരുണയുടെ കയ്യൊപ്പ്’ എന്ന ആശയവുമായി സംഘടിപ്പിക്കുന്ന കാരുണ്യദിനത്തിൻ്റെ സംസ്ഥാനതല ഉദ്ഘാടനം തിരുവനന്തപുരം പഴവങ്ങാടിയിലുള്ള ശ്രീചിത്രഹോമിൽ നിർവ്വഹിക്കുകയായിരുന്നു സ്പീക്കർ. 13 ബജറ്റുകൾ അവതരിപ്പിക്കുകയും ഏറ്റവും കൂടുതൽ നിയമനിർമ്മാണ ബില്ലുകൾ അവതരിപ്പിക്കുകയും ചെയ്‌ത കെ.എം മാണി നിയമസഭാപ്രവർത്തനത്തെ ഏറെ ഗൗരവത്തോടെ