മൂന്നാംവട്ടവും ഭരണം പിടിക്കാൻ; എല്ഡിഎഫിന്റെ കേരള യാത്ര ഫെബ്രുവരി ഒന്നു മുതല്
തദ്ദേശ തെരഞ്ഞെടുപ്പിലെ തിരിച്ചടിയെ മറികടക്കാനും നിയമസഭാ തെരഞ്ഞെടുപ്പില് മൂന്നാം വട്ടവും ഭരണം ഉറപ്പാക്കാനും എല്ഡിഎഫ് മേഖലാ ജാഥ നടത്തും. തെക്ക്, മധ്യകേരളം, വടക്ക് എന്നിങ്ങനെ മൂന്നു ജാഥകളാണ് നടത്തുന്നത്. ഇടതു മുന്നണിയെ നയിക്കുന്ന സിപിഎമ്മും പ്രധാന കക്ഷികളായ സിപിഐയും കേരള കോണ്ഗ്രസ് എമ്മും ജാഥയ്ക്ക് നേതൃത്വം നല്കും. വടക്കന് മേഖല ജാഥയുടെ ക്യാപ്റ്റനായി സിപിഎം സംസ്ഥാന സെക്രട്ടറി എം.വി. ഗോവിന്ദനും മധ്യകേരള ജാഥയുടെ ക്യാപ്റ്റനായി കേരള കോണ്ഗ്രസ്-എം ചെയര്മാന് ജോസ്
സേവ് ബോക്സ് ആപ്പ് തട്ടിപ്പ്; കൂടുതൽ സിനിമാതാരങ്ങളെ ചോദ്യം ചെയ്യാൻ ഇ ഡി
സേവ് ബോക്സ് ആപ്പ് തട്ടിപ്പിൽ കൂടുതൽ സിനിമാതാരങ്ങളെ ചോദ്യം ചെയ്യാൻ ഒരുങ്ങി ഇ ഡി. സേവ് ബോക്സ് ആപ്പിൻ്റെ ഓഫീസ് ഉദ്ഘാടനത്തിൽ പങ്കെടുത്ത താരങ്ങളെയാണ് ചോദ്യം ചെയ്യുക. തട്ടിപ്പ് പണം സേവ് ബോക്സ് ആപ്പ് ഉടമ സ്വാതിഹ് താരങ്ങളുടെ അക്കൗണ്ടിലേക്ക് നൽകിയിട്ടുണ്ടെന്നും കണ്ടെത്തൽ. ജയസൂര്യയേയും ഭാര്യ സരിതയേയും ഇ ഡി വീണ്ടും ചോദ്യം ചെയ്യും. കഴിഞ്ഞ ദിവസവും ഇ ഡി ഇരുവരേയും ചോദ്യം ചെയ്തിരുന്നു. അതേസമയം സേവ് ബോക്സ് ബിഡ്ഡിംഗ്
യുവാവ് കാൽ തെന്നി കിണറ്റിൽ വീണ് മരിച്ചു
മലപ്പുറത്ത് യുവാവ് കാൽ തെന്നി കിണറ്റിൽ വീണ് മരിച്ചു. മലപ്പുറം മൂന്നിയൂരിൽ ഉണ്ടായ ദാരുണ സംഭവത്തിൽ, മൂന്നിയൂർ പുളിച്ചേരി സ്വദേശി രമേഷാണ് മരിച്ചത്. ടെറസിൽ നിന്ന് കാൽ തെന്നി കിണറ്റിൽ വീഴുകയായിരുന്നു. മൃതദേഹം തിരൂരങ്ങാടി താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
ഒന്നാംക്ലാസുകാരി പുഴയില് മുങ്ങിമരിച്ചു
ബാലുശേരിയിൽ ഒന്നാംക്ലാസുകാരി പുഴയില് മുങ്ങിമരിച്ചു. ഫറോക്ക് ചുങ്കം വാഴപ്പുറ്റത്തറ സ്വദേശി കെ.ടി. അഹമ്മദിന്റെയും പി.കെ. നെസീമയുടെയും മകള് അബ്റാറ (ആറ്) ആണ് മരിച്ചത്. കരിയാത്തുംപാറ ടൂറിസ്റ്റ് കേന്ദ്രത്തിലെ പുഴയില് മറ്റ് കുട്ടികളോടൊപ്പം കളിക്കുമ്പോഴായിരുന്നു അപകടമുണ്ടായത്.ഫറോക്ക് ചന്ത എല്പി സ്കൂളിലെ ഒന്നാം ക്ലാസ് വിദ്യാർഥിനിയാണ്. വിനോദസഞ്ചാര സംഘത്തിലുണ്ടായിരുന്നതാണ് കുട്ടി. ഇന്നലെ വൈകുന്നേരം മൂന്നിനാണ് കുട്ടിയും കുടുംബവും കരിയാത്തുംപാറയില് എത്തിയത്.
വികലാംഗരുടെ കോച്ചിൽ യാത്രികർ അതിക്രമിച്ചു കയറിയതായി പരാതി; സംഭവം കൊച്ചുവേളി – മൈസൂരു എക്സ്പ്രസ് ട്രെയിനിൽ
തിരുവനന്തപുരം നോർത്ത് (കൊച്ചുവേളി) – മൈസൂരു എക്സ്പ്രസ് ട്രെയിനിൽ (16316) വികലാംഗർക്ക് സംവരണം ചെയ്ത കോച്ചിൽ സാധാരണ യാത്രികർ അതിക്രമിച്ചു കയറിയതായി പരാതി. തടയാൻ ശ്രമിച്ച ഭിന്നശേഷി യാത്രികന് പരിക്കെറ്റു. കോച്ചിൻ്റെ ശൗചാലയംവരെ യാത്രക്കാർ കൈയടക്കിയിരുന്നു. കോച്ചിൽ പൊലീസോ സുരക്ഷാ ഗാർഡോ ഉണ്ടായിരുന്നില്ലെന്നും അവർ യാത്രക്കാർ ആരോപിച്ചു. തിങ്കളാഴ്ച പുലർച്ചെ അഞ്ചരയോടെയാണ് സംഭവമെന്ന് ബംഗളൂരുവിൽ ജോലിചെയ്യുന്ന കൊച്ചുവേളിയിൽ നിന്നുള്ള യാത്രക്കാരൻ പറഞ്ഞു. രണ്ടു യാത്രക്കാർ ബംഗാരപെട്ട ജന്ഷനിൽ ഇറങ്ങിയതോടെ വാതിൽ
കടുത്തുരുത്തി മുൻ എംഎൽഎ പി.എം.മാത്യു അന്തരിച്ചു
കടുത്തുരുത്തി മുൻ എംഎൽഎ പി.എം.മാത്യു(75) അന്തരിച്ചു. പാലായിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് അന്ത്യം. വൃക്ക സംബന്ധമായ രോഗത്തെ തുടർന്ന് ചികിത്സയിലായിരുന്നു. 1991 മുതൽ 1996 വരെ കടുത്തുരുത്തി മണ്ഡലത്തിലെ എംഎൽഎ ആയിരുന്നു. കേരള കോൺഗ്രസ് ജേക്കബ് വിഭാഗത്തിന്റെ ആദ്യ ചെയർമാനായിരുന്നു.ട്രാവൻകൂർ സിമന്റ്സിന്റെ ചെയർമാൻ, കെഎസ്എഫ്ഇ വൈസ് ചെയർമാൻ എന്നീ നിലകളിലും പ്രവർത്തിച്ചിട്ടുണ്ട്. ഏറ്റവും ഒടുവിൽ കേരള കോൺഗ്രസ് ജോസഫ് വിഭാഗത്തിന് ഒപ്പം ആയിരുന്നു.
ബംഗ്ലാദേശ് മുൻ പ്രധാനമന്ത്രി ബീഗം ഖാലിദ സിയ അന്തരിച്ചു
ബംഗ്ലാദേശ് മുൻ പ്രധാനമന്ത്രി ബീഗം ഖാലിദ സിയ (80) അന്തരിച്ചു. ദീർഘകാലമായി അസുഖബാധിതയായി ചികിത്സയിലായിരുന്നു. ബംഗ്ലാദേശിൻ്റെ ആദ്യ വനിതാ പ്രധാനമന്ത്രിയെന്ന നിലയിൽ രാജ്യത്തെ ശക്തമായ സ്ത്രീ സാന്നിധ്യമായിരുന്ന ഖാലിദ സിയ നെഞ്ചിലെ അണുബാധ മൂലം ആശുപത്രിയിലായിരുന്നു. ഇന്ന് രാവിലെ പ്രാദേശിക സമയം ആറുമണിക്ക് ധാക്കയിലെ എവർകെയർ ആശുപത്രിയിലായിരുന്നു അന്ത്യം.
ശാസ്ത്ര സാഹിത്യ വേദി വനിതാ വിഭാഗം ഭാരവാഹികളെ തിരഞ്ഞെടുത്തു
ശാസ്ത്ര സാഹിത്യ വേദിയുടെ വനിതാ വിഭാഗം ഭാരവാഹികളെ തിരഞ്ഞെടുത്തു. മലേശ് പാളയം ഹോളിക്രോസ് സ്കൂളിൽ പ്രസിഡണ്ട് കെ.ബി.ഹുസൈൻ്റെ അധ്യക്ഷതയിൽ ചേർന്ന യോഗത്തിലാണ് പുതിയ ഭാരവാഹികളെ തിരഞ്ഞെടുത്തത്. ചെയർപേഴ്സൺ: കെ ജി ഇന്ദിരവൈസ് ചെയർപേഴ്സൺ: കല്പന പ്രദീപ്, സോയ കുട്ടപ്പൻകൺവീനർ: ഗീത നാരായണൻജോയിൻ്റ് കൺവീനർമാർ: തങ്കമ്മ സുകുമാരൻ, വിനീത ജയൻ എന്നിവരാണ് ഭാരവാഹികൾ.കൂടാതെ 10 കമ്മിറ്റി മെമ്പേഴ്സിനെയും തെരഞ്ഞെടുത്തു
കവി സമ്മേളനവും കവിതാ സമാഹാരം പ്രകാശനവും
കർണാടക കന്നഡ സാഹിത്യലോക, നെലമംഗല ശ്രീ ബസവണ്ണദേവ മഠത്തിൽ കന്നഡ കവിസമ്മേളനവും, 251 കവികൾ രചിച്ച ബുദ്ധ – ബസവ- ഭീമ ബൃഹത് കവിതാ സമാഹാരത്തിൻ്റെ പ്രകാശനവും നടന്നു. ദ്രാവിഡ ഭാഷാ ട്രാൻസിലേറ്റേഴ്സ് അസോസിയേഷൻ്റെ പ്രസിഡണ്ടും തൊദൽനുടി കന്നട മാസികയുടെ എഡിറ്ററുമായ ഡോക്ടർ സുഷമാ ശങ്കറിന്, കന്നട വികസന അതോറിറ്റിയുടെ മുൻ പ്രസിഡൻണ്ട് സോമശേഖർ ഐഎഎസ് ‘ത്രികാലരത്ന പ്രശസ്തി’ പത്രം നൽകി ആദരിച്ചു. പ്രജാകവി എസ്.ആർ.നാഗരാജിൻ്റെ നേതൃത്വത്തിൽ നടന്ന മഹാസമ്മേളനം
എറണാകുളത്തെ വ്യാപാര കേന്ദ്രമായ ബ്രോഡ്വേയിൽ വൻതീപിടിത്തം; 12ഓളം കടകൾ കത്തിനശിച്ചു
എറണാകുളം ബ്രോഡ്വേയിൽ വൻതീപിടിത്തം. 12 കടകൾ കത്തിനശിച്ചു. ഇന്ന് പുലർച്ചെയോടെയാണ് തീപിടിത്തമുണ്ടായത്. തീ നിലവിൽ നിയന്ത്രണവിധേമായിട്ടുണ്ട്. നഗരത്തിലെ തിരക്കേറിയ വ്യാപാര കേന്ദ്രമാണ് ബ്രോഡ്വേ. ശ്രീധർ തിയേറ്ററിനടുത്തുള്ള കടകൾക്കാണ് ചൊവ്വാഴ്ച പുലർച്ചെ 1:15 ഓടെ തീപിടിച്ചത്. കളിപ്പാട്ടങ്ങളും ഫാൻസി ഉത്പന്നങ്ങളും വിൽക്കുന്ന കടകളാണ് കത്തിനശിച്ചത്. പ്ലാസ്റ്റിക് കളിപ്പാട്ടങ്ങളും ഫാൻസി സാധനങ്ങളും ഉള്ള കടകളായതിനാൽ തീ അതിവേഗം പടരുകയായിരുന്നു. ശ്രീധർ തിയേറ്ററിന്പിന്നിലെ കോളിത്തറ കെട്ടിടസമുച്ചയത്തിലെ കടകൾക്കാണ് തീപിടിച്ചത്. മൂന്നുനില കെട്ടിടത്തിൽ ഏറെയും ഫാൻസി