സുകുമാരൻ നായരുമായി പി.എസ്.ശ്രീധരൻ പിള്ള ചർച്ച നടത്തി
നിയമസഭാ തെരഞ്ഞെടുപ്പ് അടുത്തിരിക്കെ എൻഎസ്എസിനെ അനുനയിപ്പിക്കാൻ നീക്കവുമായി ബിജെപി. പെരുന്നയിലെ എൻഎസ്എസ് ആസ്ഥാനത്തെത്തി സുകുമാരൻ നായരുമായി ബി ജെ പി മുൻ സംസ്ഥാന അധ്യക്ഷൻ പി.എസ്.ശ്രീധരൻ പിള്ള ചർച്ച നടത്തി. ബിജെപിയുടെ ജില്ലാ നേതാക്കൾക്കൊപ്പമാണ് അദ്ദേഹം ഇന്ന് രാവിലെ എൻഎസ്എസ് ആസ്ഥാനത്തെത്തിയത്. സുകുമാരൻ നായർ ബിജെപിക്കെതിരെ തുടർച്ചയായി വിമർശനം ഉന്നയിക്കുന്ന പശ്ചാത്തലത്തിലാണ് ശ്രീധരൻ പിള്ളയുടെ സന്ദർശനം.
ഇന്ത്യൻ പൗരൻ കാനഡയിൽ കൊല്ലപ്പെട്ടു
കാനഡയിയിൽ ഇന്ത്യൻ പൗരൻ വെടിയേറ്റ് കൊല്ലപ്പെട്ടു. 28 വയസുള്ള വാൻകൂർ നിവാസിയായ ദിൽരാജ് സിംഗ് ഗിൽ ആണ് കാനഡയിലെ ബർണബിയിൽ കൊല്ലപ്പെട്ടത്. ഗുണ്ടാസംഘത്തിൻ്റെ ഏറ്റുമുട്ടലിനിടെയാണ് യുവാവ് കൊല്ലപ്പെട്ടതെന്നാണ് പൊലീസിൻ്റെ സംശയം. കഴിഞ്ഞ ദിവസം വെടിവയ്പ്പ് നടക്കുന്നതായി വിവരം ലഭിച്ചതിനെ തുടർന്ന് സ്ഥലത്തെത്തിയ പൊലീസ് ഗില്ലിനെ വെടിയേറ്റ നിലയിൽ കണ്ടെത്തുകയായിരുന്നു. ഇയാളുടെ ജീവൻ രക്ഷിക്കാനുള്ള ശ്രമം നടത്തിയെങ്കിലും വിജയിച്ചില്ല. കുറ്റവാളികളെ കണ്ടെത്താൻ പോലീസ് അന്വേഷണം ആരംഭിച്ചു.
മഞ്ചേശ്വരത്ത് കെ. സുരേന്ദ്രൻ ബിജെപി സ്ഥാനാർഥി
വരുന്ന നിയമസഭാ തെരഞ്ഞെടുപ്പിൽ മഞ്ചേശ്വരത്ത് ബിജെപി സ്ഥാനാർത്ഥിയായി കെ.സുരേന്ദ്രൻ മത്സരിക്കും. ബിജെപി കേന്ദ്ര നേതൃത്വത്തിൻ്റെ നിർദേശം കെ.സുരേന്ദ്രൻ അംഗീകരിക്കുക കൂടി ചെയ്തതോടെ സ്ഥാനാർതിത്വത്തിൽ തീരുമാനമായി. നാളെ മുതൽ മഞ്ചേശ്വരം മണ്ഡലത്തിൽ സജീവമാകും. ബിജെപിയുടെ പഞ്ചായത്ത് കമ്മിറ്റി യോഗങ്ങളിൽ നാളെ പങ്കെടുക്കും. വട്ടിയൂർക്കാവിൽ മത്സരിക്കണം എന്നായിരുന്നു കെ.സുരേന്ദ്രൻ്റെ ആഗ്രഹം. അത് പരസ്യമായി പറയുകയും ചെയ്തിരുന്നു. അതിനിടെയാണ് ദേശീയ നേതൃത്വത്തിൻ്റെ നിർദേശം. കാസർഗോഡ് മണ്ഡലത്തിൽ ബിജെപി ജില്ലാ പ്രസിഡണ്ട് അശ്വനി.എം.എൽ സ്ഥാനാർഥിയാകും.
സിൽവർ ലൈൻ പദ്ധതി തട്ടിക്കൂട്ട്: അതിവേഗ റെയിലിനെ പിന്തുണക്കുന്നു: പ്രതിപക്ഷ നേതാവ് വി ഡി സതീശൻ
അതിവേഗ റെയിലിനെ പിന്തുണച്ച് പ്രതിപക്ഷ നേതാവ് വി ഡി സതീശൻ. “അതിവേഗ റെയിൽ പദ്ധതിയെ സ്വാഗതം ചെയ്യുന്നു. അതിവേഗ റെയിൽ വേണം. കേരളത്തിന് ആവശ്യമാണ്. സിൽവർ ലൈനിനെ എതിർത്തത് വിദഗ്ധരുടെ അഭിപ്രായം കൂടി തേടി. സിൽവർ ലൈൻ പദ്ധതി തട്ടിക്കൂട്ടാണെന്ന് വ്യക്തമായതാണ്. പാരിസ്ഥിതിക ആഘാത പഠനങ്ങൾ നടത്താതെയായിരുന്നു സിൽവൽ ലൈൻ പദ്ധതി”. വി ഡി സതീശൻ പറഞ്ഞു. “പയ്യന്നൂരിലെ രക്തസാക്ഷി ഫണ്ട് തിരിമറിക്കെതിരെ പ്രകടനം നടത്തിയ കോൺഗ്രസ് പ്രവർത്തകരെ ക്രൂരമായാണ്
റിപ്പബ്ലിക്ക് ദിനാഘോഷത്തിനിടെ ട്രെയിൻ അട്ടിമറിക്ക് സാധ്യതയെന്ന് കേന്ദ്ര രഹസ്യാന്വേഷണ ഏജൻസി
റിപ്പബ്ലിക്ക് ദിനാഘോഷത്തിനിടെ ട്രെയിൻ അട്ടിമറിക്ക് സാധ്യതയെന്ന് കേന്ദ്ര രഹസ്യാന്വേഷണ ഏജൻസി. ഇതിനെ തുടർന്ന് ആർപിഎഫ് ജാഗ്രതാനിർദേശം പുറപ്പെടുവിച്ചു. മുന്നറിയിപ്പിനെ തുടർന്ന് റെയിൽവേ പ്രൊട്ടക്ഷൻ ഫോഴ്സ് ഉദ്യോഗസ്ഥർ പരിശോധന കർശനമാക്കി. റെയിൽ പാളങ്ങളിൽ അസ്വാഭാവികമായി എന്തെങ്കിലും കണ്ടാൽ ഉടൻ തന്നെ റിപ്പോർട്ട് ചെയ്യണമെന്ന് പൊതുജനങ്ങൾക്ക് നിർദേശം നൽകി. മുന്നറിയിപ്പിനെ തുടർന്ന് പ്രധാന റെയിൽവേ സ്റ്റേഷനുകളിൽ നിരീക്ഷണം ശക്തമാക്കി. അനിഷ്ട സംഭവങ്ങൾ ഉണ്ടാവാതിരിക്കാനുള്ള എല്ലാ മുൻകരുതലും സ്വീകരിച്ചെന്ന് ആർപിഎഫ് വ്യക്തമാക്കി.
മഞ്ഞിൽ പുതഞ്ഞ് ഉത്തരേന്ത്യ: വിനോദസഞ്ചാരികൾക്ക് ജാഗ്രതാ നിർദേശം
ജമ്മുകശ്മീരിൽ കനത്ത മഞ്ഞുവീഴ്ച. ഹിമാചൽ പ്രദേശിലെ മണാലി, കസോൾ, ഷിംല എന്നിവിടങ്ങളിലും ഉത്തരാഖണ്ഡിലെ വിവിധ ഇടങ്ങളിലും കനത്ത മഞ്ഞുവീഴ്ചയാണ് അനുഭവപ്പെടുന്നത്. മഞ്ഞു വീഴ്ച ശക്തമായ സാഹചര്യത്തിൽ വിനോദസഞ്ചാരികൾ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി.മഞ്ഞു വീഴ്ച മൂലം നിരവധി അന്താരാഷ്ട്ര സർവീസുകൾ റദ്ദാക്കിയതായി എയർ ഇന്ത്യ അറിയിച്ചു. ദില്ലിയിലും ഉത്തരേന്ത്യയിലെ വിവിധ മേഖലകളിലും താപനില 6 ഡിഗ്രി വരെ താഴ്ന്നിരുന്നു. ദില്ലിയിലെ മഴയെത്തുടർന്ന് വായു ഗുണനിലവാരത്തോത് മെച്ചപ്പെട്ടു.കശ്മീരിലെ പല പ്രദേശങ്ങളിലും
രാഷ്ട്രപതിയുടെ പൊലീസ് മെഡലുകൾ പ്രഖ്യാപിച്ചു; കേരളത്തിൽ നിന്നും 12 പേർക്ക് മെഡൽ
രാഷ്ട്രപതിയുടെ പൊലീസ് മെഡലുകൾ പ്രഖ്യാപിച്ചു. കേരളത്തിൽ നിന്നും 12 പേരാണ് അർഹത നേടിയത്. എസ് പി ഷാനവാസ് അബ്ദുൾ സാഹിബിന് വിശിഷ്ട സേവനത്തിനുള്ള മെഡൽ ലഭിക്കും. കേരള ഫയർ സർവീസിൽ നിന്ന് എൻ രാജേന്ദ്രനാഥിന് വിശിഷ്ട സേവനത്തിനുള്ള മെഡൽ ലഭിക്കും. 10 പേർക്ക് സ്തുത്യർഹ സേവനത്തിനുള്ള മെഡലാണ്. അസിസ്റ്റന്റ്റ് പോലീസ് സൂപ്രണ്ട് എ.പി. ചന്ദ്രൻ, എസ് പി സന്തോഷ് കുമാർ ടി, ഡി എസ് പി പ്രേമചന്ദ്രൻ, അസിസ്റ്റന്റ്റ് പോലീസ്
കർണാടകയിൽനിന്ന് പോയ സ്വകാര്യബസ്സിലെ യാത്രക്കാരനിൽ നിന്ന് 31 ലക്ഷത്തോളം രൂപ പിടികൂടി
വയനാട് മാനന്തവാടിയിൽ വൻ കുഴൽപ്പണ വേട്ട. കർണാടകയിൽ നിന്ന് കേരളത്തിലേക്ക് പോയ സ്വകാര്യബസ്സിലെ യാത്രക്കാരനിൽ നിന്ന് 31 ലക്ഷത്തോളം രൂപയാണ് പിടികൂടിയത്. മാനന്തവാടി തോൽപ്പെട്ടി എക്സൈസ് പോസ്റ്റിലെ വാഹന പരിശോധനയ്ക്കിടെയാണ് സംഭവം. കോഴിക്കോട് കൊടുവള്ളി സ്വദേശി മുഹമ്മദ് സാമിറിനെ പോലീസ് അറസ്റ്റ് ചെയ്തു. കൊടുവള്ളിയിലേയ്ക്ക് കൊണ്ടു പോകുകയായിരുന്ന പണമാണ് പിടികൂടിയത് എന്നാണ് പോലീസ് നിഗമനം.
എം.പി ഫണ്ട് വിനിയോഗം; കേരളത്തിലെ എം.പിമാർ ദേശീയ ശരാശരിയിലും താഴെ
പാർലമെൻ്റ് അംഗങ്ങളുടെ പ്രാദേശിക വികസന പദ്ധതിക്കായുള്ള എം.പി ഫണ്ട് ചെലവിടുന്നതിൽ കേരളത്തിൽ നിന്നുള്ള എം.പിമാർ ദേശീയ ശരാശരിയിലും താഴെയെന്ന് റിപ്പോർട്ട്. ദേശീയ ശരാശരി 28.1 ശതമാനമാണെങ്കിൽ കേരളത്തിലെ എം.പിമാരുടെ വിനിയോഗം ശരാശരി 13.13 ശതമാനമാണെന്നാണ് ലോകസഭയുടെ ഡാഷ് ബോർഡിലെ കണക്കുകൾ സൂചിപ്പിക്കുന്നു. 361.81 കോടി രൂപ ലോക്സഭയിലെ 20 ഉം രാജ്യസഭയിലെ 11ഉം അംഗങ്ങൾക്കായി അനുവദിച്ചതിൽ 47.51 കോടി രൂപയാണ് ഇതുവരെ ചെലവഴിച്ചത്. ലോകസഭ എം.പിമാർക്ക് അനുവദിച്ച 202.6 കോടി
രാഷ്ട്രപതി ഇന്ന് രാജ്യത്തെ അഭിസംബോധന ചെയ്യും; പത്മ പുരസ്കാരങ്ങൾ പ്രഖ്യാപിക്കും
ഇന്ന് വൈകുന്നേരം 7 മണിക്ക് രാഷ്ട്രപതി ദ്രൗപതി മുർമു രാജ്യത്തെ അഭിസംബോധന ചെയ്യുന്നതോടെ 77-ാമത് റിപ്പബ്ലിക് ദിനാഘോഷത്തിൻ്റെ ചടങ്ങുകൾക്ക് തുടക്കമാകും. രാജ്യം കൈവരിച്ച നേട്ടങ്ങളും പുരോഗതിയും രാഷ്ട്രപതി വിശദീകരിക്കും. പരമോന്നത സിവിലിയൻ ബഹുമതിയായ പത്മ പുരസ്കാരങ്ങൾ ഇന്ന് പ്രഖ്യാപിക്കും. പത്മവിഭൂഷൻ, പത്മഭൂഷൻ, പത്മശ്രീ പുരസ്കാര ജേതാക്കളെ ആയിരിക്കും പ്രഖ്യാപിക്കുക. വൈദ്യശാസ്ത്രം, സാമൂഹിക സേവനം, ശാസ്ത്രം,പൊതുകാര്യം, വ്യവസായം, കായികം, കല, സാഹിത്യം, വിദ്യാഭ്യാസം തുടങ്ങിയ മേഖലകളിൽ നിന്നുള്ളവർ ആയിരിക്കും പുരസ്കാരത്തിന് അർഹരാവുക.