മാസം: ഒക്ടോബർ 2026

ദസറ നടത്തിപ്പുമായി ബന്ധപ്പെട്ട തർക്കത്തിൽ മന്ത്രി യതീന്ദ്ര സിദ്ധരാമയ്യയുടെ വാദത്തെ എതിർത്ത് മൈസൂരു രാജ്ഞി പ്രമോദാദേവി വോഡയാർ രംഗത്ത്. മൈസൂരു കൊട്ടാരവും അതിലെ വസ്തുക്കളും സർക്കാരിൻ്റെ ഉടമസ്ഥതയിലാണെന്നും ദസറ എങ്ങനെ നടത്തണമെന്ന് സർക്കാർ തീരുമാനിക്കുമെന്നുമുള്ള മന്ത്രിയുടെ നിലപാടിനെതിരെയാണ് രാജ്ഞിയുടെ പ്രതികരണം. ജംബൂസവാരിയിൽ ചാമുണ്ഡേശ്വരി ദേവിയുടെ വിഗ്രഹം വഹിക്കുന്ന 750 കിലോ ഭാരമുള്ള സ്വർണ അമ്പാരി സർക്കാരിൻ്റെ സ്വത്തല്ലെന്നും രാജകുടുംബത്തിൻ്റെതാണെന്നും പ്രമോദാദേവി വ്യക്തമാക്കി. ജംബൂസവാരിക്കായി സിറ്റി പോലീസ് കമ്മിഷണറുടെ അഭ്യർഥനപ്രകാരമാണ് അമ്പാരി

മൈസൂരുവിൽ നിന്ന് കേരളത്തിലേക്ക് കൂടുതൽ വാരാന്ത്യ ബസ് സർവീസുകൾ ആരംഭിക്കാൻ കേരള ആർടിസി ഒരുങ്ങുന്നു. വാരാന്ത്യങ്ങളിലും ഉത്സവകാലങ്ങളിലും നാട്ടിലേക്ക് പോകാൻ ബെംഗളൂരുവിൽ നിന്നുള്ള സ്പെഷൽ ബസുകളെ ആശ്രയിച്ചിരുന്ന മൈസൂരു മലയാളികൾക്ക് പുതിയ സർവീസുകൾ ആശ്വാസമാകും. കേരളത്തിലേക്കുള്ള ട്രെയിൻ സർവീസുകൾ പരിമിതമായ സാഹചര്യത്തിൽ മധ്യ, തെക്കൻ കേരളത്തിലേക്ക് കൂടുതൽ ബസ് സർവീസുകൾ വേണമെന്ന ആവശ്യം വിവിധ മലയാളി കൂട്ടായ്മകൾ നേരത്തേ ഉന്നയിച്ചിരുന്നു. മൈസൂരുവിലെ ഐടി കമ്പനികളിലും വിദ്യാഭ്യാസ സ്ഥാപനങ്ങളിലും ജോലി ചെയ്യുന്ന

പ്രവാസി കേരളീയർക്കുള്ള സമഗ്ര ആരോഗ്യ, അപകട ഇൻഷുറൻസ് പദ്ധതിയായ നോർക്ക കെയറിൻ്റെ എൻറോൾമെന്റ് ഇന്ന് (ഒക്ടോബർ 28) ആരംഭിക്കും. നിലവിലുള്ള ഇൻഷുറൻസ് പുതുക്കുന്നതിനും പുതിയതായി പദ്ധതിയിൽ ചേരുന്നതിനും അവസരമുണ്ട്. രാവിലെ 10 മുതൽ വെബ്സൈറ്റ്, ആപ് എന്നിവ വഴി രജിസ്റ്റർ ചെയ്യാം. എൻറോൾമെന്റിനുള്ള അവസാന തീയതി നവംബർ 30 ആണ്. മൂന്നു ലക്ഷം രൂപ മുതൽ ഒരു കോടി രൂപ വരെ പരിരക്ഷ ലഭിക്കുന്ന വിവിധ ഇൻഷുറൻസ് സ്ലാബുകൾ പദ്ധതിയിലുണ്ട്.

കർണാടക ഉപമുഖ്യമന്ത്രി ജി.പരമേശ്വരയെ ശ്വാസതടസ്സത്തെത്തുടർന്ന് സ്വകാര്യ ആശുപത്രിയിൽ പ്രവേശിപ്പിച്ചു. ചൊവ്വാഴ്ച ബെംഗളൂരുവിലെ കർണാടക സ്റ്റേറ്റ് ബാഡ്മിന്റൺ അസോസിയേഷനിൽ നടന്ന പരിപാടിയിൽ പങ്കെടുക്കുന്നതിനിടെയാണ് അദ്ദേഹത്തിന് അസ്വസ്ഥത അനുഭവപ്പെട്ടത്. തുടർന്ന് ഉടൻ ആശുപത്രിയിലെത്തിക്കുകയായിരുന്നു. നിലവിൽ അദ്ദേഹത്തിൻ്റെ ആരോഗ്യനില തൃപ്തികരമാണെന്നാണ് അടുത്ത വൃത്തങ്ങൾ അറിയിച്ചത്. കായികവകുപ്പിൻ്റെ ചുമതല കൂടി വഹിക്കുന്ന പരമേശ്വരയ്ക്ക് ശ്വാസസംബന്ധമായ ബുദ്ധിമുട്ടാണ് അനുഭവപ്പെട്ടതെന്നാണ് റിപ്പോർട്ടുകൾ. എന്നാൽ ആരോഗ്യപ്രശ്നത്തിൻ്റെ കൃത്യമായ കാരണം സംബന്ധിച്ച വിശദാംശങ്ങൾ പുറത്തുവിട്ടിട്ടില്ല.

കർണാടകയിലെ പ്രത്യേക തീവ്ര വോട്ടർപട്ടിക പരിഷ്‌കരണത്തിൻ്റെ (SIR) ഭാഗമായി 129 ദിവസം നീണ്ട നടപടികൾക്കൊടുവിൽ അന്തിമ വോട്ടർപട്ടിക പ്രസിദ്ധീകരിച്ചു. തിരഞ്ഞെടുപ്പ് കമ്മീഷൻ്റെ വെബ്സൈറ്റിലൂടെ വോട്ടർമാർക്ക് പട്ടികയിൽ സ്വന്തം പേരും പുതുക്കിയ വിവരങ്ങളും പരിശോധിക്കാം. 2026 ജൂൺ 16ലെ കണക്കുപ്രകാരം കർണാടകയിൽ 5.54 കോടി വോട്ടർമാരുണ്ടായിരുന്നു. ഓഗസ്റ്റ് 24ന് പ്രസിദ്ധീകരിച്ച കരട് പട്ടികയിൽ 4.46 കോടി പേരാണ് ഉൾപ്പെട്ടിരുന്നത്. താമസം മാറിയവർ, മരിച്ചവർ, ഇരട്ട എൻട്രികളുള്ളവർ, മറ്റ് വിഭാഗങ്ങൾ എന്നിവയിലായി 1.07