മാസം: മെയ്‌ 2025

കണ്ണൂരിൽ സിനിമാ അസിസ്റ്റന്റ് ഡയറക്ടർ കഞ്ചാവുമായി പിടിയിൽ. പയ്യന്നൂർ സ്വദേശി നിധീഷ് നാരായണനാണ് അറസ്റ്റിലായത്. കണ്ടങ്കാളി റെയിൽവേ ഗേറ്റ് പരിസരത്ത് വെച്ച് 115 ഗ്രാം കഞ്ചാവുമായി പിടിയിലായത്.

തിരുവനന്തപുരം നന്തൻകോട് കൂട്ടക്കൊലക്കേസിൽ കോടതി ഇന്ന് വിധി പറയുന്നത് മാറ്റി. തിരുവനന്തപുരം അഡിഷണൽ സെഷൻസ് കോടതി മറ്റന്നാളേക്കാണ് വിധിമാറ്റിയത്. മാതാപിതാക്കൾ ഉൾപ്പെടെ നാലുപേരെ കൊന്ന കേസിൽ കേഡൽ ജെൻസൻ രാജയാണ് ഏകപ്രതി. നന്തൻകോട് 2017 ഏപ്രിലിലാണ് ബെയില്‌സ് കോമ്പൗണ്ട് 117ൽ താമസിച്ചിരുന്ന റിട്ട. പ്രൊഫസർ രാജ തങ്കം, ഭാര്യ ജീൻ പദ്‌മ, മകൾ കരോലിൻ, ബന്ധു ലളിത ജയിൻ എന്നിവരാണ് കൊല്ലപ്പെട്ടത്. രാജയുടെ മകനായ കേഡൽ തന്നെയാണ് കൊലപാതകങ്ങൾ നടത്തിയെന്നാണ്

എന്‍ജിഒ അസോസിയേഷന്‍ സംസ്ഥാന വൈസ് പ്രസിഡണ്ടും മുന്‍ മുഖ്യമന്ത്രി ഉമ്മന്‍ ചാണ്ടിയുടെ പ്രൈവറ്റ് സെക്രട്ടറിയുമായിരുന്ന എന്‍.ബി. രാജഗോപാല്‍ ബിജെപിയില്‍ ചേര്‍ന്നു. കഴിഞ്ഞ ദിവസം കൊട്ടാരക്കരയില്‍ നടന്ന വികസിത കേരളം കണ്‍വെന്‍ഷനില്‍ പാര്‍ട്ടി സംസ്ഥാന അധ്യക്ഷന്‍ രാജീവ് ചന്ദ്രശേഖര്‍ എന്‍.ബി. രാജഗോപാലിനെ ബിജെപിയിലേക്ക് സ്വീകരിച്ചു. കോൺഗ്രസ്സ് കുറച്ചുകാലമായി തുടർന്നുവരുന്ന രാജ്യവിരുദ്ധ പ്രവർത്തനങ്ങളും ദേശീയ നേതൃത്വത്തിലെ വൈദേശികാധിപത്യവും അതൃപ്തിക്ക് കാരണമായെന്നും ഇനിമുതൽ ദേശീയതയിലൂന്നി പ്രവർത്തനം നടത്തുന്ന ബിജെപിയിൽ പ്രവർത്തിക്കാൻ തീരുമാനിച്ചതായും രാജഗോപാൽ പറഞ്ഞു.

തിരുവനന്തപുരം കാട്ടാക്കടയിൽ പത്താം ക്ലാസുകാരൻ ആദിശേഖറിനെ (15) കാറിടിപ്പിച്ചു കൊലപ്പെടുത്തിയ കേസിൽ ഇന്ന് വിധി. തിരുവനന്തപുരം ആറാം അഡിഷണൽ ജില്ലാ സെഷൻസ് ജഡ്‌ജി കെ. വിഷ്‌ണുവാണ് വിധി പ്രസ്താവിക്കുന്നത്. പൂവച്ചൽ സ്വദേശി പ്രിയരഞ്ജൻ ആണ് കേസിലെ പ്രതി. പ്രതി വ്യക്തി വൈരാഗ്യത്തിൻ്റെ പേരിലാണ് ക്രൂരകൃത്യം നടത്തിയതെന്ന് പോലീസ് പറയുന്നു. വീടിനു സമീപമുള്ള ക്ഷേത്ര മൈതാനത്ത് കളിച്ച ശേഷം മടങ്ങുകയായിരുന്ന ആദിശേഖറിനെ 2023 ഓഗസ്റ്റ് 30 ന് പ്രിയരഞ്ജൻ കാറിടിപ്പിച്ചു കൊലപ്പെടുത്തുകയായിരുന്നു.

സംസ്ഥാനത്ത് സ്വർണ്ണവിലയിൽ വീണ്ടും വർദ്ധന. ഗ്രാമിന് 250 രൂപയുടെ വർദ്ധനയാണ് ഉണ്ടായത്. ഒരു ഗ്രാം സ്വർണ്ണത്തിൻ്റെ വില 9025 രൂപയായി വർദ്ധിച്ചു. പവന് 2000 രൂപ ഉയർന്ന് 72,200 രൂപയായി തിങ്കളാഴ്‌ച ലോകവിപണിയിലും സ്വർണ്ണവില ഉയർന്നു. രണ്ട് ശതമാനം വർധനവാണ് രേഖപ്പെടുത്തിയത്. ഡോളർ ദുർബലമായതും സുരക്ഷിത നിക്ഷേപമെന്ന വിലയിരുത്തലുമാണ് സ്വർണ്ണത്തിന് ഗുണകരമായത്. സുരക്ഷിത നിക്ഷേപമെന്ന നിലയിൽ സ്വർണ്ണത്തിനുള്ള ഡിമാൻഡ് വർദ്ധിക്കുകയാണ്.

കണ്ണൂർ തലശ്ശേരി റെയിൽവേ സ്റ്റേഷൻ പരിസരത്തെ കൂട്ടബലാത്സംഗം ഒരാൾ കൂടി അറസ്റ്റിൽ. പട്ടാമ്പി തിരുമറ്റക്കോട് ചാത്തന്നൂര്‍ ഇട്ടോണം നരംകുന്നത്ത് മുഹമ്മദ് അന്‍സാദ് (27) ആണ് അറസ്റ്റിലായത്. ബിഹാര്‍ പ്രാണ്‍പുര്‍ സ്വദേശി സഹ്ബുല്‍ (24), മുഴപ്പിലങ്ങാട് മഠത്തിന് സമീപത്തെ പ്രജിത് (30) എന്നിവര്‍ കഴിഞ്ഞ ദിവസം അറസ്റ്റിലായിരുന്നു. ബിഹാറില്‍ നിന്നുള്ള ഒരാളെ കസ്റ്റഡിയിലെടുത്തെങ്കിലും ചോദ്യം ചെയ്തു വിട്ടു. ഏപ്രില്‍ 29-ന് രാത്രിയാണ് സംഭവം. 5 പേര്‍ കൂട്ടബലാത്സംഗം ചെയ്‌തെന്നാണ് യുവതിയുടെ പരാതി.