ഡൽഹി ക്യാപ്പിറ്റൽസിന് ഐപിഎൽ ട്വന്റി-20 ക്രിക്കറ്റിൽ 2025 സീസണിലെ ആറാം ജയം. എവേ പോരാട്ടത്തിൽ ലക്നോ സൂപ്പർ ജയന്റ്സിനെ എട്ട് വിക്കറ്റിനു ഡൽഹി ക്യാപ്പിറ്റൽസ് തകർത്തു. ഒരു റിട്ടേൺ ക്യാച്ചും മൂന്നു ബൗൾഡും അടക്കം നാലു വിക്കറ്റ് വീഴ്ത്തിയ മുകേഷ് കുമാറും അർധസെഞ്ചുറിയുമായി പ്രത്യാക്രമണം നയിച്ച കെ.എൽ. രാഹുൽ (57 നോട്ടൗട്ട്), അഭിഷേക് പോറൽ (51) എന്നിവരുമാണ് ഡൽഹി ക്യാപ്പിറ്റൽസിനെ ജയത്തിലെത്തിച്ചത്. പ്ലെയർ ഓഫ് ദ മാച്ച് മുകേഷ് കുമാറാണ്.
