ആദ്യ മത്സരത്തിൽ ഡിആർ കോംഗോയോട് സമനില വഴങ്ങിയ പോർച്ചുഗലിന് ഇന്ന് ജയം അനിവാര്യമാണ്. മറ്റൊരു പോയിന്റ് നഷ്ടമായാൽ നോക്കൗട്ട് സാധ്യതകൾ സമ്മർദ്ദത്തിലാകും. അതേസമയം ലോകകപ്പിലെ അരങ്ങേറ്റക്കാരായ ഉസ്ബെക്കിസ്ഥാൻ ആദ്യ മത്സരത്തിൽ കൊളംബിയയോട് 3-1ന് പരാജയപ്പെട്ടിരുന്നു. അതിനാൽ അവർക്കും ഈ മത്സരം നിർണായകമാണ്.
ക്രിസ്റ്റ്യാനോ റൊണാൾഡോയെ ആദ്യ ഇലവനിൽ ഉൾപ്പെടുത്തുമോ എന്നതും ശ്രദ്ധേയമായ ചർച്ചാവിഷയമാണ്. എന്നാൽ പരിശീലകൻ റോബർട്ടോ മാർട്ടിനെസ് ടീമിന് മേൽ യാതൊരു സമ്മർദ്ദവുമില്ലെന്നും നിർണായക വിജയം നേടാനുള്ള ആത്മവിശ്വാസമുണ്ടെന്നും വ്യക്തമാക്കി.
കൊളംബിയ ഇതിനകം ഗ്രൂപ്പിൽ മുന്നിലെത്തിയ സാഹചര്യത്തിൽ പോർച്ചുഗലിന് മൂന്ന് പോയിന്റ് നേടുക എന്നതാണ് ലക്ഷ്യം. മറുവശത്ത് ലോകകപ്പിലെ ആദ്യ പോയിന്റിനായി ഉസ്ബെക്കിസ്ഥാൻ പോരാടും.
