മരണാനന്തര അവയവദാതാക്കൾക്കായി കേരളത്തിൽ സ്മാരകം; നാളെ ആരോഗ്യ മന്ത്രി വീണ ജോർജ് സ്മാരകത്തിന് തറക്കല്ലിടും
മരണാനന്തര അവയവദാതാക്കൾക്കായി കേരളത്തിൽ സ്മാരകം വരുന്നു. സമൂഹത്തിലേക്ക് അവയവദാനത്തിൻ്റെ മഹത്തായ സന്ദേശം എത്തിക്കാൻ വേണ്ടിയാണ് കൊച്ചിയിൽ അവയവദാതാക്കൾക്ക് ആദരമേകി സ്മാരകം നിർമ്മിക്കുന്നത്. കലൂർ ജവഹർലാൽ നെഹ്റു സ്റ്റേഡിയം പരിസരത്താണ് സ്മാരകം സ്ഥാപിക്കുക. നാളെ ഉച്ചയ്ക്ക് ഒരു മണിക്ക് നടക്കുന്ന ചടങ്ങിൽ ആരോഗ്യ മന്ത്രി വീണ ജോർജ് സ്മാരകത്തിന് തറക്കല്ലിടും. സംസ്ഥാന സർക്കാരിൻ്റെ മൃതസഞ്ജീവനി പദ്ധതിയിലൂടെ അവയവദാനം നടത്തിയവരുടെ സ്മരണയ്ക്കായാണ് സ്മാരകം ഉയരുന്നത്. ‘വേവ് ഓഫ് ലൈഫ്’ എന്ന പേരിലുള്ള ഈ
‘ഓപ്പറേഷൻ ഡിഗ്ഗി2’; കാശ്മീരിലെ ഉറിയിൽ നിയന്ത്രണരേഖ കടന്ന പാക് ഭീകരനെ വധിച്ചു
വടക്കൻ കാശ്മീരിലെ ഉറിയിൽ നിയന്ത്രണരേഖ വഴി കടക്കാൻ ശ്രമിച്ച പാക് ഭീകരനെ വധിച്ച് ഇന്ത്യൻ സുരക്ഷാസേന. കാശ്മീരിലെ ഉറി സെക്ടറിലുള്ള നിയന്ത്രണരേഖ കടക്കുന്നതിനിടെയാണ് ഇന്ന് രാവിലെ നടന്ന ഏറ്റുമുട്ടലിൽ പാക് ഭീകരനെ ഉദ്യോഗസ്ഥർ വധിച്ചത്. സൈന്യവും ജമ്മു കാശ്മീർ പൊലീസും സംയുക്തമായി നടത്തിയ ‘ഓപ്പറേഷൻ ഡിഗ്ഗി2-ൻ്റെ ഭാഗമായി നടത്തിയ തിരച്ചിലിലാണ് ഭീകരരുമായി സൈന്യം ഏറ്റുമുട്ടിയത്. ജമ്മു കാശ്മീർ പൊലീസിന് ലഭിച്ച രഹസ്യ വിവരത്തെ തുടർന്ന് ഇന്നലെയും ഇന്നുമായി ഉറി സെക്ടറിലെ
മോഷണം നടന്ന അലമാരയ്ക്കുള്ളിൽ വേറെയും വിലപിടിപ്പുളള സ്വർണ്ണാഭരണങ്ങൾ; പ്രതികരണത്തിനില്ല: കൊട്ടാരം കുടുംബാംഗങ്ങൾ
തിരുവനന്തപുരം കവടിയാർ കൊട്ടാരത്തിൽ നിന്ന് വിലപിടിപ്പുളള സ്വർണ്ണാഭരണങ്ങൾ നഷ്ടമായ സംഭവത്തിൽ പ്രതികരിക്കാനില്ലെന്ന് അശ്വതി തിരുനാൾ ഗൗരി ലക്ഷ്മി ഭായ്. സ്വർണ്ണാഭരണങ്ങൾ മോഷണം പോയെന്ന് സ്ഥിരീകരിച്ചു. എങ്കിലും പരസ്യപ്രതികരണത്തിനില്ലെന്നാണ് ഗൗരി ലക്ഷ്മി ഭായ് വ്യക്തമാക്കുന്നത്. കഴിഞ്ഞ കൊല്ലം നവംബറിൽ നടന്ന സംഭവത്തിൽ ഇന്നലെയാണ് കവടിയാർ കൊട്ടാരം പേരൂർക്കട പൊലീസിൽ പരാതി നൽകിയത്. കൊട്ടാരത്തിനുള്ളിൽ തന്നെ ആദ്യ ഘട്ടത്തിൽ അന്വേഷണം നടന്നിരുന്നു. പിന്നിലാരെന്ന് സംബന്ധിച്ച് കുടുംബത്തിന് ചിലരെ സംശയമുണ്ടെന്നാണ് സൂചന. ഇതിനു പിന്നാലെയാണ്
കവടിയാർ കൊട്ടാരത്തിൽ വൻ കവർച്ച; രണ്ടുകോടി രൂപ വിലമതിപ്പുള്ള സ്വർണ്ണാഭരണങ്ങൾ കാണാതായി
തിരുവനന്തപുരം കവടിയാർ കൊട്ടാരത്തിൽ കവർച്ച. 2 കോടി രൂപ വിലമതിപ്പുള്ള സ്വർണ്ണാഭരണങ്ങൾ മോഷണം പോയി. കൊട്ടാരത്തിലെ അലമാരയിൽ സൂക്ഷിച്ചിരുന്ന ആഭരണങ്ങളാണ് കാണാതായത്. 2025 നവംബർ മാസത്തിൽ ബംഗളൂരുവിലേക്ക് പോകുന്നതിന് മുൻപായി അലമാര തുറന്നപ്പോഴാണ് ആഭരണങ്ങൾ അവിടെയില്ല എന്ന് മനസിലായത്. അതിന് 10 ദിവസം മുൻപു വരെ ആഭരണങ്ങൾ അവിടെയുണ്ടായിരുന്നു എന്നാണ് പരാതിയിൽ പറയുന്നത്. കൊട്ടാരത്തിലെ മുതിർന്ന അംഗമായ അശ്വതി തിരുനാൾ ഗൗരി ലക്ഷ്മി ഭായ് നൽകിയ പരാതിയിൽ പേരൂർക്കട പൊലീസ്
കേരളമടക്കമുള്ള അഞ്ച് സംസ്ഥാനങ്ങളിലെ തെരഞ്ഞെടുപ്പ് തീയതി ഇന്ന് പ്രഖ്യാപിക്കും
കേരളം അടക്കമുള്ള അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പ് തീയതി ഇന്ന് പ്രഖ്യാപിക്കും. തെരഞ്ഞെടുപ്പ് കമ്മീഷൻ തീയതി പ്രഖ്യാപനവുമായി ബന്ധപ്പെട്ട് അൽപസമയത്തിനകം യോഗം ചേരും. വിഗ്യാൻ ഭവനിലാണ് തെരഞ്ഞെടുപ്പ് പ്രഖ്യാപനം നടക്കുക. വൈകുന്നേരം നാലിന് തെരഞ്ഞെടുപ്പ് കമ്മീഷന്റെ വാർത്താസമ്മേളനം നടക്കും. കേരളത്തിൽ ഒറ്റ ഘട്ടമായാണ് തെരഞ്ഞെടുപ്പ് നടക്കുക എന്നാണ് റിപ്പോർട്ട്. കേരളം, തമിഴ്നാട്, പുതുച്ചേരി പശ്ചിമ ബംഗാൾ, ആസാം എന്നിവിടങ്ങളിലാണ് തെരഞ്ഞെടുപ്പ് നടക്കുക. എപ്രിൽ രണ്ടാം വാരം കഴിഞ്ഞായിരിക്കും തെരഞ്ഞെടുപ്പ് ഉണ്ടാവുക
ഉത്തർപ്രദേശിൽ ഗ്യാസ് സിലിണ്ടർ വാങ്ങാൻ നിന്ന വയോധികൻ മരിച്ചു
ഉത്തർപ്രദേശിൽ ഗ്യാസ് സിലിണ്ടറിനായി വരി നിന്ന വയോധികൻ മരിച്ചു. മുഖ്തിയാർ അഹമ്മദ് (70) ആണ് മരിച്ചത്. ഫാറുഖാബാദ് ജില്ലയിലെ ഒരു ഗ്യാസ് ഏജൻസിക്ക് മുൻപിലായിരുന്നു സംഭവം.ഗർഹിഖാൻ ഖാന സ്വദേശിയാണ് മുഖ്തിയാർ അഹമ്മദ്. ഗ്യാസ് സിലിണ്ടറിനായി വരിനിൽക്കുമ്പോൾ മുഖ്തിയാർ അഹമ്മദിന് നെഞ്ചുവേദന അനുഭവപ്പെടുകയും കൂടെ ഉണ്ടായിരുന്നവർ സിപിആർ നൽകുകയും ചെയ്തു.തുടർന്ന് മുഖ്തിയാർ അഹമ്മദിനെ അടുത്തുള്ള ആശുപത്രിയിലേക്ക് എത്തിച്ചെങ്കിലും ജീവൻ നഷ്ടപ്പെട്ടിരുന്നു. രണ്ടാം ദിവസമാണ് മുഖ്തിയാർ അഹമ്മദ് ഗ്യാസ് സിലിണ്ടറിനായി വരി നിന്നത്.
ബംഗളൂരു മലയാളി ഫോറം വിക്ടോറിയ ഹോസ്പിറ്റലിൽ ഭക്ഷണം വിതരണം ചെയ്തു
ബംഗളൂരു മലയാളി ഫോറത്തിൻ്റെ ജീവകാരുണ്യ പ്രവർത്തനങ്ങളുടെ ഭാഗമായി വിക്ടോറിയ ഹോസ്പിറ്റലിൽ ഭക്ഷണ വിതരണം നടത്തി. പ്രസിഡണ്ട് ജോജോ.പി. ജെ ഉദ്ഘാടനം നിർവഹിച്ചു. സെക്രട്ടറി ഷിബു ശിവദാസ്, ജോയിൻ സെക്രട്ടറി സജീവ്.ഇ.ജെ, വൈസ് പ്രസിഡണ്ട് അരുൺ ജോർജ്, മധു കലമാനൂർ, ചാർലി മാത്യു, ടോണി, അനിൽ ധർമ്മപതി, ജോസഫ് എന്നിവർ നേതൃത്വം നൽകി.
ബാംഗ്ലൂരിൽ നിര്യാതയായി
പാലക്കാട് വടക്കാഞ്ചേരി സ്വദേശി മണികണ്ഠൻ(54) നിര്യാതനായി. ബാഗ്ലൂർ ഗംഗമ്മ സർക്കിളിനടുത്ത് സിങ്കാപ്പുര ലേഔട്ടിൽ ആയിരുന്നു താമസം. കെ പി സി സി ജനറൽ സെക്രട്ടറി ആയ ജി.മുരളിയുടെ സഹോദരനാണ്. ഭാര്യ: കെ.ഭാഗ്യ.മക്കൾ: അക്ഷയ കൃഷ്ണ, അക്ഷിത. അന്ത്യകർമ്മങ്ങൾ ഞായറാഴ്ച രാവിലെ 11.30ന് ലക്ഷ്മിപുര വൈദ്യുത ശ്മശാനത്തിൽ നടക്കും.
മത്തിക്കരെ സെൻറ് സെബാസ്റ്റ്യൻ ഫൊറോന പള്ളിയിൽ ഊട്ടുതിരുനാൾ ഇന്ന്
മത്തിക്കരെ സെൻറ് സെബാസ്റ്റ്യൻ ഫൊറോന പള്ളിയിൽ വിശുദ്ധ യൗസേപ്പ് പിതാവിൻ്റെ ഊട്ടുതിരുനാൾ ഇന്ന് നടക്കും. രാവിലെ 9.30നു കുർബാനയ്ക്ക് ഫാ.സെബാസ്റ്റ്യൻ ചീരാംവേലിൽ മുഖ്യകാർമികത്വം വഹിക്കും. പ്രദക്ഷിണം, ഊട്ട് നേർച്ച എന്നിവയോ ടെ സമാപിക്കുമെന്ന് വികാരി ഫാ.സെബാസ്റ്റ്യൻ ചെറുശേരിൽ, അസിസ്റ്റൻറ് വികാരി ഫാ. ടോജിത് പള്ളിപ്പുറത്ത്, ട്രസ്റ്റിമാരായ വി.ഐ.ആന്റോ, സി.എ.ചാക്കോച്ചൻ, പി.സി.ചാക്കോ, തോമസ് ചെറുവത്തൂർ എന്നിവർ അറിയിച്ചു.
പ്രശ്നബാധിത ബൂത്തുകളിൽ ഡ്രോണ് നിരീക്ഷണം ഏർപ്പെടുത്താൻ തെരഞ്ഞെടുപ്പു കമ്മീഷൻ
പ്രശ്നബാധിത ബൂത്തുകളിൽ ഡ്രോണ് നിരീക്ഷണം ഏർപ്പെടുത്താൻ തെരഞ്ഞെടുപ്പു കമ്മീഷൻ. നിയമസഭാ തെരഞ്ഞെടുപ്പിൽ കള്ളവോട്ടിനു സാധ്യതയുള്ള പ്രദേശങ്ങളിലാണ് ഡ്രോണ് നിരീക്ഷണം ഏർപ്പെടുത്താൻ ആലോചിക്കുന്നത്. ഒട്ടേറെ കളക്ടർമാർ ഡ്രോണ് നിരീക്ഷണം വേണമെന്ന ആവശ്യം തെരഞ്ഞെടുപ്പു കമ്മീഷനോട് ആവശ്യപ്പെട്ടിരുന്നു. ഇത്തവണത്തെ നിയമസഭാ തെരഞ്ഞെടുപ്പിൽ പ്രശ്നബാധിത ബൂത്തുകളിൽ ഡ്രോണ് നിരീക്ഷണം നടപ്പാക്കുമെന്നു മുഖ്യ തെരഞ്ഞെടുപ്പ് ഓഫിസർ ഡോ. രത്തൻ യു. കേൽക്കർ പറഞ്ഞു.