മരണാനന്തര അവയവദാതാക്കൾക്കായി കേരളത്തിൽ സ്മാരകം വരുന്നു. സമൂഹത്തിലേക്ക് അവയവദാനത്തിൻ്റെ മഹത്തായ സന്ദേശം എത്തിക്കാൻ വേണ്ടിയാണ് കൊച്ചിയിൽ അവയവദാതാക്കൾക്ക് ആദരമേകി സ്മാരകം നിർമ്മിക്കുന്നത്. കലൂർ ജവഹർലാൽ നെഹ്റു സ്റ്റേഡിയം പരിസരത്താണ് സ്മാരകം സ്ഥാപിക്കുക. നാളെ ഉച്ചയ്ക്ക് ഒരു മണിക്ക് നടക്കുന്ന ചടങ്ങിൽ ആരോഗ്യ മന്ത്രി വീണ ജോർജ് സ്‌മാരകത്തിന് തറക്കല്ലിടും. സംസ്ഥാന സർക്കാരിൻ്റെ മൃതസഞ്ജീവനി പദ്ധതിയിലൂടെ അവയവദാനം നടത്തിയവരുടെ സ്‌മരണയ്ക്കായാണ് സ്മാരകം ഉയരുന്നത്. ‘വേവ് ഓഫ് ലൈഫ്’ എന്ന പേരിലുള്ള ഈ സ്മാരകം അവയവദാനം നടത്തിയവരുടെ സ്‌മരണകൾ എന്നും സമൂഹത്തിൽ ഓർമ്മിക്കപ്പെടും. ഹാർട്ട് കെയർ ഫൗണ്ടേഷൻ, കേരള സ്റ്റേറ്റ് ഓർഗൻ ആൻഡ് ടിഷ്യൂ ട്രാൻസ്‌പ്ലാന്റ്റ് ഓർഗനൈസേഷൻ (കെ സോട്ടോ), ജിസിഡിഎ എന്നിവയുടെ സംയുക്ത നേതൃത്വത്തിലാണ് പദ്ധതി നടപ്പാക്കുന്നത്.
Check latest article from this author !
പോർച്ചുഗൽ ജഴ്‌സിയിൽ ഇനി റൊണാൾഡോ ജൂനിയറും
നവംബർ 3, 2026
