വൈദ്യുതി വേലിയിൽ നിന്ന് ഷോക്കേറ്റ് കടുവ ചത്തു
ബെംഗളുരു ചാമരാജ് നഗറിൽ ബന്ദിപ്പൂർ കടുവാ സങ്കേതത്തിനു സമീപം ഗുണ്ടൽപേട്ട് പടഗൂരിൽ കൃഷിയിടം സംരക്ഷിക്കാനായി കെട്ടിയിരുന്ന വൈദ്യുതി വേലിയിൽ നിന്നു ഷോക്കേറ്റു കടുവ ചത്തു. വന്യജീവി സംരക്ഷണ നിയമം ചുമത്തി കൃഷിയിടത്തിൻ്റെ ഉടമയ്ക്കെതിരെ വനം വകുപ്പ് കേസെടുത്തു. മൃഗങ്ങളുടെ ജീവനെടുക്കാത്ത തരത്തിലുള്ള സോളർ വേലികൾക്കു മാത്രമേ അനുമതിയുള്ളൂ എന്നും വൈദ്യുതി വേലികൾ നിയമവിരുദ്ധമാണെന്നും വനം വകുപ്പ് ഉദ്യോഗസ്ഥർ പറഞ്ഞു.
ഇനി തപാൽ വഴി പാഴ്സൽ 24 മണിക്കൂറിലെത്തും
’24 സ്പീഡ് പോസ്റ്റ്’, ’48 സ്പീഡ് പോസ്റ്റ്’ എന്നീ പുതിയ തപാൽ സേവനങ്ങൾ ബെംഗളുരു, ഡൽഹി, മുംബൈ, ചെന്നൈ, കൊൽക്കത്ത, ഹൈദരാബാദ് എന്നീ 6 മെട്രോ നഗരങ്ങളിൽ കേന്ദ്രമന്ത്രി ജ്യോതിരാദിത്യ സിന്ധ്യ ഉദ്ഘാടനം ചെയ്തു. ഇനി മുതൽ രേഖകൾ അയയ്ക്കുന്നതിന് ഇരു സേവനങ്ങളും ഉപയോഗിക്കാം. ബെംഗളൂരുവിൽ, 24 മണിക്കൂർ ഡെലിവറി സേവനത്തിനായുള്ള ബുക്കിംഗുകൾ കൈകാര്യം ചെയ്യുന്നതിനായി കർണാടക പോസ്റ്റൽ സർക്കിളിന് കീഴിലുള്ള 42 പോസ്റ്റ് ഓഫീസുകളെ തിരഞ്ഞെടുത്തിട്ടുണ്ട്. വ്യക്തിഗത, ബൾക്ക്
സ്കൂട്ടർ പോസ്റ്റിലിടിച്ചു; മൂന്ന് എംബിബിഎസ് വിദ്യാർഥികൾക്ക് ദാരുണാന്ത്യം
ഇലക്ട്രിക് സ്കൂട്ടർ നിയന്ത്രണം വിട്ട് പോസ്റ്റിലിടിച്ച് മറിഞ്ഞ് മൂന്ന് എംബിബിഎസ് വിദ്യാർഥികൾക്ക് ദാരുണാന്ത്യം. ഇന്ന് പുലർച്ചെ മൂന്നിന് കൊയിലാണ്ടിയിൽ കുറുവങ്ങാടുണ്ടായ അപകടത്തിൽ അഭിയാൻ, നന്ദകിഷോർ, അഭിനവ് എന്നിവരാണ് മരിച്ചത്. മൂന്നുപേരും മലബാർ മെഡിക്കൽ കോളജിലെ വിദ്യാർഥികളാണ്. അപകടം നടന്ന ഉടൻ മൂന്നുപേരേയും ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചിരുന്നു. മൃതദേഹം കോഴിക്കോട് മെഡിക്കൽ കോളജിലേക്ക് മാറ്റി. മൃതദേഹം പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടു നൽകും. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.
കന്നഡ അനുകൂല സംഘടനകളുടെ പ്രതിഷേധം;റെയിൽവേ നിയമന പരീക്ഷ മാറ്റിവച്ചു
കന്നഡ അനുകൂല സംഘടനകളുടെ പ്രതിഷേധത്തെ തുടർന്നു റെയിൽവേ നിയമന പരീക്ഷ മാറ്റിവച്ചു. 295 തസ്തികകളിലേക്ക് ഇന്നലെ നടക്കാനിരുന്ന പരീക്ഷയാണ് മാറ്റിവച്ചത്. ഇംഗ്ലിഷിലും ഹിന്ദിയിലും മാത്രമായി പരീക്ഷ നടത്തുന്നതിനെതിരെ പ്രതിഷേധം ശക്തമായതിനെ തുടർന്നാണു ദക്ഷിണ പശ്ചിമ റെയിൽവേ പരീക്ഷ മാറ്റിവച്ചുത്. ബെംഗളൂരുവിലെയും ഹുബ്ബള്ളിയിളെയും പരീക്ഷാ കേന്ദ്രങ്ങൾക്കു മുന്നിൽ പ്രതിഷേധവുമായി എത്തിയ കന്നഡ രക്ഷണ വേദി കെ പ്രവർത്തകർ, കന്നഡയോടുള്ള കേന്ദ്ര സർക്കാരിൻ്റെ അവഗണനയ്ക്കെതിരെ മുദ്രാവാക്യം വിളിച്ചു. കന്നഡ സംസാരിക്കുന്ന ഉദ്യോഗാർഥികളോട് അനീതി
ഹെൽമെറ്റില്ലാതെ ബൈക്കിൽ യാത്ര ചെയ്തതിന് ബാംഗ്ളൂരിലെ യുവാവിന് ലഭിച്ചത് അപൂർവ ശിക്ഷ
ഹെൽമെറ്റില്ലാതെ ബൈക്കിൽ യാത്ര ചെയ്തതിന് ബാംഗ്ളൂരിലെ യുവാവിന് ലഭിച്ചത് അപൂർവ ശിക്ഷ. റോഡിൽനിന്ന് ഗതാഗത നിയമ ബോധവത്കരണം നടത്താനായിരുന്നു യുവാവിന് ലഭിച്ച ശിക്ഷ. ചിക്കമഗളൂരു ജില്ലയിലെ കടൂരിലെ രഞ്ജിത്തിനെതിരേയാണ് കോടതി അപൂർവ ശിക്ഷ വിധിച്ചത്. രഞ്ജിത്ത് ഹെൽമെറ്റ് ധരിക്കാതെ ഇരുചക്രവാഹനത്തിൽ സഞ്ചരിക്കുകയും വൺവേ തെറ്റിക്കുകയുമായിരുന്നു. രാവിലെ 10 മുതൽ വൈകീട്ട് അഞ്ച് വരെ കടൂർ ടൗണിൽ റോഡിന് നടുവിൽ രഞ്ജിത്ത് പ്ലക്കാഡുകളുമായി നിന്ന് ശിക്ഷ പൂർത്തിയാക്കി.
സേവനവഴികളിലെ വലിയ മാതൃക; ഇലക്ട്രോണിക് സിറ്റിയിൽ അബൂബക്കർ അനുസ്മരണവും ഇഫ്താർ മീറ്റും സംഘടിപ്പിച്ചു
ആൾ ഇന്ത്യ കെഎംസിസി ബംഗളുരു ഇലക്ട്രോണിക് സിറ്റി ഫേസ് ടു ഏരിയയുടെ ആഭിമുഖ്യത്തിൽ ഇഫ്താർ സംഗമവും ഏരിയ കോർഡിനേറ്റരായിരുന്ന അബൂബക്കർ അനുസ്മരണവും സീസൺ ഹോട്ടലിൽ സംഘടിപ്പിച്ചു. സലീം ഹൊസറോഡ് സ്വാഗതം ആശംസിച്ച ചടങ്ങിൽ നിസാർ ജനപ്രിയ അധ്യക്ഷത വഹിച്ചു. എ.ഐ.കെ.എം.സി.സി ബംഗളുരു ജനറൽ സെക്രട്ടറി എം.കെ. നൗഷാദ് ചടങ്ങ് ഉദ്ഘാടനം ചെയ്തു. സമൂഹത്തിനിടയിൽ അബൂബക്കർ കാത്തുസൂക്ഷിച്ച സേവനതൽപരതയും കാരുണ്യപ്രവർത്തനങ്ങളും എന്നും മാതൃകയാണെന്ന് എം.കെ. നൗഷാദ് ഉദ്ഘാടന പ്രസംഗത്തിൽ അനുസ്മരിച്ചു. മറ്റുള്ളവരുടെ
ടിവികെയ്ക്ക് പകുതി സീറ്റും വിജയ്ക്ക് പകുതി ടേം മുഖ്യമന്ത്രി സ്ഥാനവും ഓഫർ ചെയ്ത് ബിജെപി
ബിജെപി ടിവികെക്ക് വമ്പൻ ഓഫർ നൽകിയെന്ന വെളിപ്പെടുത്തലുമായി ടിവികെ നേതാവ് ആധവ് അർജുന. ടിവികെയ്ക്ക് പകുതി സീറ്റും വിജയ്ക്ക് പകുതി ടേം മുഖ്യമന്ത്രി സ്ഥാനവും ഓഫർ ചെയ്തതായാണ് വിവരം. എന്നാൽ വിജയ് അത് നിരസിച്ചെന്നും ആധവ് അർജുന പറയുന്നു. തമിഴ്നാട് ഡൽഹിക്ക് മുന്നിൽ കീഴടങ്ങില്ലെന്ന് വിജയ് പറഞ്ഞതായും ആധവ് വ്യക്തമാക്കി. തമിഴ്നാട്ടിലെ 234 സീറ്റിലും ടിവികെ മത്സരിക്കുമെന്നും അദ്ദേഹം പറഞ്ഞു. എന്നാൽ ബിജെപിയുമായി ചർച്ച നടത്തിയിട്ടില്ലെന്നാണ് വിജയ്യുടെ പ്രതികരണം. അതേസമയം
ചെറിയ പെരുന്നാൾ, ഉഗാദി ആഘോഷം; സ്പെഷൽ ബസ് സർവീസുകളുമായി കേരള, കർണാടക ആർടിസികൾ
ചെറിയ പെരുന്നാൾ, ഉഗാദി ആഘോഷങ്ങളോടനുബന്ധിച്ച് ഇന്നും നാളെയും സ്പെഷൽ ബസ് സർവീസുകളുമായി കേരള, കർണാടക ആർടിസികൾ. ആദ്യം പ്രഖ്യാപിച്ച 15 സ്പെഷൽ സർവീസുകളിലെ ടിക്കറ്റുകൾ ഇന്നത്തെ തീർന്നു. വയനാട്, കോഴിക്കോട്, കണ്ണൂർ, കാസർകോട് ജില്ലകളിലേക്കുള്ള സ്പെഷൽ സർവീസുകളിലെ ടിക്കറ്റുകളാണ് ആദ്യം തീർന്നത്. വിവിധ ഡിപ്പോകളിൽ നിന്നു ബസുകൾ ലഭിക്കുന്നതിനനുസരിച്ചു കൂടുതൽ സർവീസുകളിലേക്കുള്ള ബുക്കിങ് ഇന്നു രാവിലെ ആരംഭിക്കുമെന്നു കേരള ആർടിസി അറിയിച്ചിട്ടുണ്ട്. കർണാടക ആർടിസി കോഴിക്കോട്, കണ്ണൂർ, കാസർകോട്, പാലക്കാട്,
ബെംഗളൂരുവിന് ആശ്വാസമായി വേനൽമഴയെത്തി; 3 – 4 ദിവസത്തേക്കു മഴ ലഭിക്കുമെന്നു കാലാവസ്ഥാ നിരീക്ഷണകേന്ദ്രം
ബെംഗളൂരുവിലെ ചുട്ടു പൊള്ളുന്ന കാലാവസ്ഥയ്ക്ക് ആശ്വാസമായി ഇന്നലെ വേനൽമഴയെത്തി. ബെംഗളൂരുവിനു പുറമേ വടക്കൻ കർണാടകയിലെ റായിച്ചൂർ, ധാർവാഡ്, ബെളഗാവി, ഹാവേരി, വിജയനഗർ, കൊപ്പാൾ, ബാഗൽ ക്കോട്ട്, ബീദർ എന്നിവിടങ്ങളിലാണു മഴ ലഭിച്ചത്. ബെളഗാവിയിൽ പലയിടങ്ങളിലും വെള്ളം കയറിയതു ജനജീവിതം ദുസ്സഹമാക്കി. ബെംഗളൂരുവിൽ ഇന്നലെ കൂടിയ താപനില 32 ഡിഗ്രി സെൽഷ്യസും കുറഞ്ഞ താപനില 19 ഡിഗ്രി സെൽഷ്യസുമാണു രേഖപ്പെടുത്തിയത്. കർണാടകയിലുടനീളം 3-4 ദി വസത്തേക്കു മഴ ലഭിക്കുമെന്നു കാലാവസ്ഥാ നിരീക്ഷണകേന്ദ്രം
ശ്രീനാരായണ സമിതി അൾസൂർ ഗുരുമന്ദിരത്തിൽ ചതയ പൂജ
ശ്രീനാരായണ സമിതി അൾസൂർ ഗുരുമന്ദിരത്തിൽ നടന്ന ചതയ പൂജ നിരവധി ഭക്തരുടെ സാന്നിധ്യത്താൽ ശ്രദ്ധേയമായി. ഗുരുദേവ കൃതികളുടെ പാരായണം ചതയദിനത്തെ ഭക്തിസാന്ദ്രമാക്കി. സമിതി പൂജാരി വിപിന് ശാന്തിയും ആധിഷ് ശാന്തിയും കാർമ്മികത്വം വഹിച്ചു. ശ്രീനാരായണ സമിതി പ്രസിഡണ്ട് എൻ രാജമോഹൻ, ട്രഷറർ എ ബി അനൂപ്, ജോയിന്റ് ട്രഷറർ ദീപ അനില്, ലേഡീസ് വിങ് ചെയർപേഴ്സൺ വത്സല മോഹൻ, വൈസ് പ്രസിഡണ്ടുമാരായ കെ.പീതാംബരന്, ലോലമ്മ സത്യവാൻ, മെമ്പർ ഇൻ ചാർജുമാരായ