മാസം: ജൂലൈ 2026

വയനാട് കള്ളാടിയിലെ മീനാക്ഷി പാലത്തിന് സമീപം ഉണ്ടായ വൻ മണ്ണിടിച്ചിലിൽ മൂന്ന് പേർ മരിച്ചു. അപകടത്തിൽ പരിക്കേറ്റ ഏഴ് പേർ വിവിധ ആശുപത്രികളിൽ ചികിത്സയിലാണ്. കൂടുതൽ പേർ മണ്ണിനടിയിൽ കുടുങ്ങിയിട്ടുണ്ടെന്നാണ് സംശയം. ഇവർക്കായുള്ള തിരച്ചിലും രക്ഷാപ്രവർത്തനവും ഊർജിതമായി തുടരുകയാണ്. തുരങ്കപാത നിർമാണമേഖലയ്ക്ക് സമീപമാണ് മണ്ണിടിച്ചിലുണ്ടായത്. നിർമാണ ജോലികൾക്കായി എത്തിയ തൊഴിലാളികളാണ് അപകടത്തിൽപ്പെട്ടതെന്നാണ് പ്രാഥമിക വിവരം. മണ്ണിടിച്ചിലിൽ തൊഴിലാളികൾ താമസിച്ചിരുന്ന ലേബർ ക്യാമ്പിലെ ഷെഡുകളും തകർന്നിട്ടുണ്ട്. എൻഡിആർഎഫ്, ഫയർഫോഴ്‌സ്, പൊലീസ്, വനംവകുപ്പ്

വയനാട് മേപ്പാടി തുരങ്കപാത നിർമാണ സ്ഥലത്ത് ഉണ്ടായ മണ്ണിടിച്ചിലിന് പിന്നാലെ പ്രതികരണവുമായി കൃഷിമന്ത്രിയും കൽപ്പറ്റ എംഎൽഎയുമായ ടി.സിദ്ദിഖ്. തുരങ്കപാത നിർമാണവുമായി ബന്ധപ്പെട്ട് അശാസ്ത്രീയമായി മണ്ണ് കൂട്ടിയിട്ടതാണ് ദുരന്തത്തിന് കാരണമായതെന്ന് മന്ത്രി പറഞ്ഞു. ചെറിയ മഴയുണ്ടായാൽ പോലും അപകടസാധ്യതയുണ്ടെന്ന് നേരത്തെ നടന്ന യോഗങ്ങളിൽ മുന്നറിയിപ്പ് നൽകിയിരുന്നെങ്കിലും ആവശ്യമായ മുൻകരുതലുകൾ സ്വീകരിക്കുന്നതിൽ വീഴ്ച സംഭവിച്ചതായും അദ്ദേഹം ചൂണ്ടിക്കാട്ടി. സംഭവത്തിൽ സർക്കാർ വിശദമായ അന്വേഷണം നടത്തുമെന്നും നിർദേശങ്ങൾ പാലിക്കാത്തത് ഉൾപ്പെടെയുള്ള എല്ലാ കാര്യങ്ങളും പരിശോധിക്കുമെന്നും

വയനാട് തുരങ്കപാത നിർമാണ മേഖലയ്ക്ക് സമീപം വൻ മണ്ണിടിച്ചിൽ. കള്ളാടിയിലെ മീനാക്ഷി പാലത്തിന് സമീപമാണ് അപകടമുണ്ടായത്. ശക്തമായ മഴയെ തുടർന്നാണ് മണ്ണ് വലിയ തോതിൽ ഇടിഞ്ഞുവീണതെന്നാണ് പ്രാഥമിക വിവരം. മണ്ണിടിച്ചിലിൽ നിരവധി പേർ കുടുങ്ങിക്കിടക്കുന്നതായി സംശയിക്കുന്നതായി അധികൃതർ അറിയിച്ചു. ഇതുവരെ മൂന്ന് പേരെ രക്ഷപ്പെടുത്തിയിട്ടുണ്ട്. രക്ഷാപ്രവർത്തനം പുരോഗമിക്കുകയാണ്. മണ്ണിടിച്ചിലിൽ വാഹനങ്ങളും മണ്ണിനടിയിൽപ്പെട്ടതായി റിപ്പോർട്ടുണ്ട്. ദേശീയ ദുരന്തനിവാരണ സേന (എൻഡിആർഎഫ്) സംഭവസ്ഥലത്തേക്ക് തിരിച്ചിട്ടുണ്ട്. വലിയ തോതിൽ മണ്ണ് ഇടിഞ്ഞുവീണ് മീനാക്ഷി പാലത്തിൻ്റെ