മാസം: മെയ്‌ 2026

ഹരിപ്പാട് താലൂക്ക് ആശുപത്രി ശൗചാലയത്തിൽ പ്രസവിച്ച ശേഷം കുഞ്ഞിനെ ജനാലിലൂടെ പുറത്തേക്കെറിഞ്ഞ സംഭവത്തിൽ അമ്മയുടെ നിർണായക മൊഴിരേഖ പുറത്ത്. കുഞ്ഞിനെ വേണ്ടെന്ന് 19 കാരി ജില്ലാ ചൈൽഡ് വെൽഫെയർ കമ്മിറ്റിയെ അറിയിച്ചു. ആലപ്പുഴയിലെ ശിശു വിഹാറിലേക്ക് കുഞ്ഞിനെ മാറ്റും. അവിടെ 60 ദിവസം പരിചരിക്കും. ഇതരസംസ്ഥാനക്കാരനായ യുവാവുമായുള്ള ബന്ധത്തിൽ നിന്നാണ് കുഞ്ഞുണ്ടായതെന്നും​ ഗർഭിണിയാണെന്ന് അറിയില്ലായിരുന്നെന്നും പെൺകുട്ടി പറഞ്ഞു. വണ്ടാനം മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുന്ന യുവതിയെ അധികൃതർ സന്ദർശിപ്പോഴാണ്

സംസ്ഥാനത്ത് ഇന്നും ശക്തമായ മഴയ്ക്ക് സാധ്യത. വിവിധ ജില്ലകളിൽ കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചു. ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ ജില്ലകളിലാണ് മുന്നറിയിപ്പുള്ളത്. നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളിലും തിങ്കളാഴ്ച കോട്ടയം, ഇടുക്കി, എറണാകുളം ജില്ലകളിലും യെല്ലോ അലർട്ടാണ്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.

മുൻ മന്ത്രി വീണാ ജോർജും കുടുംബവും സഞ്ചരിച്ചിരുന്ന കാർ അപകടത്തിൽപ്പെട്ടു. കനത്ത മഴയെ തുടർന്ന് വാഹനം തെന്നി മാറിയതാണ് അപകടകാരണം. വീണാ ജോർജും കുടുംബാംഗങ്ങളും നിസാര പരിക്കുകളോടെ രക്ഷപെട്ടു. കുടുംബം മറ്റൊരു വാഹനത്തിൽ തിരുവനന്തപുരത്തേക്ക് പുറപ്പെട്ടു. പത്തനംതിട്ടയിൽ നിന്നു തിരുവനന്തപുരത്തേക്ക് യാത്ര ചെയ്യുന്നതിനിടയിൽ കൊല്ലം മടത്തറക്ക് സമീപമാണ് അപകട‌മുണ്ടായത്. നിയന്ത്രണംവിട്ട കാർ സമീപത്തു പാർക്ക് ചെയ്തിരുന്ന ഒരു ബൈക്കിൽ ഇടിക്കുകയും തുടർന്ന് അടുത്തുള്ള ഒരു പോസ്റ്റിൽ ഇടിച്ചുനിൽക്കുകയുമായിരുന്നു.

തലസ്ഥാനത്ത് അമ്യൂസ്‌മെന്‍റ് പാര്‍ക്കിലെ റൈഡ് പൊട്ടി വീണ് കുട്ടികളടക്കം അഞ്ചുപേർക്ക് പരിക്കേറ്റു. തിരുവനന്തപുരം വെമ്പായത്ത് പ്രവര്‍ത്തിക്കുന്ന ‘ഹാപ്പി ലാന്‍ഡി’ എന്ന അമ്യൂസ്‌മെന്‍റ് പാര്‍ക്കിലാണ് അപകടമുണ്ടായത്. റൈഡിന്‍റെ വെൽഡിംഗ് പൊട്ടിവീണ് അപകടം സംഭവിക്കുകയായിരുന്നു.പരിക്കേറ്റവരില്‍ തമിഴ്‌നാട് സ്വദേശികളായ ഒരു കുടുംബത്തിലെ അഞ്ച് പേർ ഉള്‍പ്പെട്ടതായിട്ടാണ് വിവരം. പരിക്കേറ്റവരെ ആശുപത്രിയിലേക്ക് മാറ്റി. ഒരാൾ തിരുവനന്തപുരം മെഡിക്കൽ കോളജിൽ ചികിത്സയിലാണ്. മുപ്പതോളം പേര്‍ അപകട സമയം റൈഡില്‍ ഉണ്ടായിരുന്നെന്നും റിപ്പോര്‍ട്ടുകളുണ്ട്.

ഇഡി റെയ്ഡിനിടെ തിരുവനന്തപുരത്ത് ഉദ്യോഗസ്ഥർക്ക് നേരെ ആക്രമണമുണ്ടായെന്ന ആരോപണങ്ങൾ പൂർണ്ണമായും തള്ളി എം. സ്വരാജ്. തലസ്ഥാനത്തുണ്ടായത് ഒരു തരത്തിലുമുള്ള ആക്രമണമല്ലെന്നും, ഇഡി നാടകം കളിക്കുകയാണെന്നും അദ്ദേഹം ആരോപിച്ചു. പ്രതിപക്ഷ നേതാവിൻ്റെ വസതിയായ കന്റോൺമെന്റ് ഹൗസ് കേന്ദ്രീകരിച്ച് അന്വേഷണ ഏജൻസികൾക്ക് നാടകം കളിക്കാൻ അവസരമൊരുക്കുകയാണോ എന്ന ചോദ്യവും അദ്ദേഹം ഉയർത്തി. മാധ്യമപ്രവർത്തകരോട് സംസാരിക്കവെയാണ് എം. സ്വരാജ് കേന്ദ്ര ഏജൻസികൾക്കും പ്രതിപക്ഷത്തിനുമെതിരെ കടുത്ത ഭാഷയിൽ രംഗത്തെത്തിയത്. “ഇഡി ഉദ്യോഗസ്ഥരെ അവിടെ ആരും ആക്രമിച്ചിട്ടില്ല.