മാസം: സെപ്റ്റംബർ 2025

ഭൂട്ടാനിൽ നിന്ന് ഇന്ത്യയിലേക്കുള്ള എസ്‍യുവി കള്ളക്കടത്ത് കേസുമായി ബന്ധപ്പെട്ട് നടൻ ദുൽഖർ സൽമാൻ്റെ മറ്റൊരു വാഹനം കൂടി കണ്ടെത്തി. ചുവപ്പ് നിറത്തിലുള്ള നിസാൻ പട്രോൾ വൈ 60 മോഡൽ കൊച്ചി വെണ്ണലയിലെ ബന്ധുവിൻ്റെ ഫ്ലാറ്റിൽ നിന്നാണ് കസ്റ്റംസ് കണ്ടെത്തിയത്. നേരത്തേ രണ്ട് വാഹനങ്ങൾ ദുൽഖറിൻ്റെ എളങ്കുളത്തുള്ള വീട്ടിൽ നിന്ന് കസ്റ്റംസ് കസ്റ്റഡിയിലെടുത്തിരുന്നു. ദുൽഖറിൻ്റെ മറ്റു വാഹനങ്ങൾ കസ്റ്റംസ് ഉദ്യോഗസ്ഥർ കഴിഞ്ഞ കുറച്ചു ദിവസങ്ങളായി തിരയുകയായിരുന്നു. നിസാൻ പട്രോൾ വൈ 60,

എറണാകുളത്ത് എംഡിഎംഎയുമായി 3 യുവാക്കൾ പിടിയിൽ. എറണാകുളം നോർത്ത് ചിറ്റൂർ റോഡ് അയ്യപ്പൻകാവിന് സമീപം കൊച്ചി സിറ്റി ഡാൻസാഫ് ടീം നടത്തിയ പരിശോധനയിലാണ് യുവാക്കളെ പിടികൂടിയത്. 15.91 ഗ്രാം എംഡിഎംഎ പ്രതികളിൽ നിന്ന് പിടിച്ചെടുത്തു. കാസർഗോഡ് പൊയ്നാച്ചി ചെറുകര വീട്ടിൽ ഖലീൽ ബദുദീൻ (27), നുള്ളിപ്പാടി പിഎംഎസ് റോഡ് റിഫായ് മൻസിലിൽ എൻഎച്ച് റാബിയത്ത്, ചെങ്കള റഹ്മത്ത് നഗർ പച്ചക്കാട് വീട്ടിൽ മുഹമ്മദ് അനസ് (21), എന്നിവരാണ് പിടിയിലായത്.

എൽഡിഎഫ് മതങ്ങൾക്കൊപ്പം നിൽക്കും എന്നാൽ മതഭ്രാന്തിന് മുന്നിൽ മുട്ടുമടക്കില്ലെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. പോസിറ്റീവായാണ് എൻഎസ്എസിൻ്റെ മാറ്റം കാണുന്നതെന്നും ബിനോയ് വിശ്വം പറഞ്ഞു. ‘എൽഡിഎഫ് ആണ് ശരിയെന്നു ബോധ്യപ്പെട്ടാൽ അവർ അത് പറയട്ടെ. അവരെ ഞങ്ങൾ കാണുന്നത് ശത്രുക്കൾ ആയല്ല. എൻഎസ്എസിനോടുള്ള ഞങ്ങളുടെ നിലപാട് വ്യക്തമാണ്. മന്നത്ത് പത്മനാഭന്റെ ആദർശം ഉയർത്തിപ്പിടിക്കുന്നത് വരെ എൻഎസ്എസ് നിലപാട് ശരിയെന്നു പറയും’ അദ്ദേഹം പറഞ്ഞു. എന്നാൽ, അമൃതാനന്ദമയിയെ ആശ്ലേഷിച്ച സംഭവത്തിൽ

മലപ്പുറം കക്കാടംപൊയിൽ പന്നിയാമലയിൽ ബൈക്ക് നിയന്ത്രണം വിട്ട് മറിഞ്ഞ് രണ്ട് യുവാക്കൾ മരിച്ചു. ചുളാട്ടിപ്പാറ കരിക്കാട്ട് പൊയിൽ വീട്ടിൽ മുഹമ്മദിൻ്റെ മകൻ ഷാനിദ് (20), ഒതായിക്ക് സമീപം ചുളാട്ടിപ്പാറ സ്വദേശി സുധർമൻ്റെ മകൻ സൂരജ് (20) എന്നിവരാണ് മരിച്ചത്. ഇന്നലെ രാത്രി ഒമ്പതോടെയാണ് സംഭവം. സുഹൃത്തുക്കളോടൊപ്പം കക്കാടംപൊയിലേക്ക് പോയ ഇരുവരും വീട്ടിലേക്ക് മടങ്ങവെ പന്നിയമല ഭാഗത്ത് ബൈക്ക് നിയന്ത്രണം വിട്ട് താഴ്ചയിലേക്ക് മറിഞ്ഞ് മരത്തിലിടിക്കുകയായിരുന്നു. പ്രദേശവാസികൾ സ്വകാര്യാശുപത്രിയിൽ എത്തിച്ചെങ്കിലും രക്ഷിക്കാനായില്ല.