തിരുവനന്തപുരം ശംഖുമുഖം കടലിൽ നാവിക ദിനാചരണത്തിന്‍റെ ഭാഗമായി നടന്ന നാവിക സേയുടെ നാവികാഭ്യാസം കെഎസ്ആർടിസിക്ക് ബംപറായി. ബജറ്റ് ടൂറിസം സെൽ നടത്തിയ പ്രത്യേക ശംഖുമുഖം സർവീസുകളിലൂടെ കെഎസ്ആർടിസി 29 ലക്ഷം രൂപയാണ് നേടിയത്. കെഎസ്ആർടിസി 53 യൂണിറ്റുകളിൽ നിന്നുള്ള ബസുകൾ ഉപയോഗിച്ച് 128 പ്രത്യേക സർവീസുകളാണ് ശംഖുമുഖത്തേയ്ക്ക് നടത്തിയത്.
സുരക്ഷാ മേഖലയായി പ്രഖ്യാപിച്ചിരുന്ന ശംഖുമുഖത്തേക്ക് സ്വകാര്യ വാഹനങ്ങൾക്ക് പ്രവേശനാനുമതി നിഷേധിച്ചിരുന്നു. വാഹനങ്ങൾ പാർക്ക് ചെയ്യാൻ പ്രത്യേക കേന്ദ്രങ്ങൾ നിശ്ചയിച്ചിരുന്നു. ഇത്തരം വാഹന പാർക്കിംഗ് കേന്ദ്രങ്ങളിൽ നിന്നും ശംഖുമുഖത്തേക്കാണ് കെഎസ്ആർടിസി പ്രത്യേക സർവീസ് നടത്തിയത്.
