ഇംഗ്ലണ്ടിനെതിരെ ഏകദിന പരമ്പര സ്വന്തമാക്കാൻ ഇന്ത്യ ഇന്ന് വീണ്ടും കളത്തിലേക്ക്. ആദ്യ ഏകദിനത്തിൽ ആധികാരിക ജയം നേടിയ ആത്മവിശ്വാസത്തിൽ രണ്ടാം മത്സരത്തിനിറങ്ങുന്ന ഇന്ത്യയ്ക്ക് ഇന്ന് ജയിച്ചാൽ മൂന്ന് മത്സരങ്ങളടങ്ങിയ പരമ്പര സ്വന്തമാക്കാം.
ആദ്യ മത്സരത്തിൽ ആറ് വിക്കറ്റിൻ്റെ വിജയമാണ് ഇന്ത്യ നേടിയത്. ബാറ്റിംഗിലും ബൗളിംഗിലും മികവ് തെളിയിച്ച ടീം ഇന്ത്യ, തുടർച്ചയായ രണ്ടാം ജയത്തോടെ പരമ്പര നേരത്തെ തന്നെ ഉറപ്പിക്കാനാണ് ലക്ഷ്യമിടുന്നത്.
ട്വന്റി20 പരമ്പരയിൽ സമ്പൂർണ വിജയം നേടിയ ആത്മവിശ്വാസത്തിലാണ് ഇംഗ്ലണ്ട് ഏകദിന പരമ്പര ആരംഭിച്ചെങ്കിലും ആദ്യ മത്സരത്തിലെ തോൽവി ടീമിന് വലിയ തിരിച്ചടിയായി. അതിനാൽ പരമ്പരയിൽ പ്രതീക്ഷ നിലനിർത്താൻ ഇന്നത്തെ മത്സരം ആതിഥേയർക്ക് നിർണായകമാണ്.
വൈകിട്ട് 5.30 മുതലാണ് മത്സരം. സോണി ടെൻ 1 ചാനലുകളിലും ജിയോ ഹോട്സ്റ്റാർ പ്ലാറ്റ്‌ഫോമിലും തത്സമയ സംപ്രേഷണം ഉണ്ടായിരിക്കും.
