ഓസ്‌ട്രേലിയയും ദക്ഷിണാഫ്രിക്കയും ലോകടെസ്റ്റ് ചാംച്യന്‍ഷിപ്പ് കിരീടത്തിനായുള്ള കലാശപ്പോരില്‍ ഇന്ന് നേര്‍ക്ക് നേര്‍. ഇംഗ്ലണ്ടിലെ ലോര്‍ഡ്‌സില്‍ ഇന്ത്യന്‍ സമയം പകല്‍ 3 നാണ് മല്‍സരം. ടെസ്റ്റിലെ നിലവിലെ ചാംപ്യന്‍മാരാണ് ഓസ്ട്രേലിയ. ബൗളിങ്‌ നിരയുടെ കരുത്തിലാണ് ഇക്കുറി ഓസീസ് എത്തുന്നത്. ഇന്ത്യയുമായുള്ള കഴിഞ്ഞ ടെസ്റ്റ് ഫൈനലില്‍ കളിച്ച പതിനൊന്നില്‍ പത്തുപേരും ടീമിലുണ്ട്. ഓപ്പണര്‍ ഡേവിഡ് വാര്‍ണര്‍ മാത്രമാണ് വിരമിച്ചത്. ബാറ്റര്‍മാരില്‍ സ്റ്റീവന്‍ സ്മിത്താണ് ശ്രദ്ധേയതാരം. സ്മിത്ത് അവസാന അഞ്ച് ടെസ്റ്റില്‍ നാലിലും സെഞ്ചുറി നേടിയിരുന്നു. ബൗളര്‍മാരില്‍ ഹാസെല്‍വുഡിൻ്റെ തിരിച്ചുവരവ് ഓസീസിൻ്റെ കരുത്തുകൂട്ടും. ലാംബുഷെയ്ന്‍, കാമറൂണ്‍ഗ്രീന്‍, സ്റ്റീവ് സ്മിത്ത്, ഉസ്മാന്‍ ഖവാജ, ട്രാവിസ്‌ഹെഡ്, ബ്യൂവെബ്‌സറ്റര്‍, അലെക്‌സ് കാരി, മിച്ചെല്‍ സ്റ്റാര്‍ക്, പാറ്റ്കമ്മിന്‍സ്, നതാന്‍ ല്യോണ്‍, ജോഷ് ഹേസല്‍വുഡ് എന്നിവരാണ് ടീമിലുള്ളത്.
Check latest article from this author !
പോർച്ചുഗൽ ജഴ്‌സിയിൽ ഇനി റൊണാൾഡോ ജൂനിയറും
നവംബർ 3, 2026
