അതിവേഗ റെയിൽ പാതയ്ക്ക് പുതിയ ഡിസൈനുമായി മെട്രോമാൻ ഇ. ശ്രീധരൻ. തിരുവനന്തപുരം-കണ്ണൂർ റൂട്ടിലെ അതിവേഗ പാതയ്ക്ക് ആണ് പുതിയ ഡിസൈൻ ചെയ്തത്. 3 മണിക്കൂർ 20 മിനുട്ടിൽ തിരുവനന്തപുരത്ത് നിന്ന് കണ്ണൂരിലെത്തുന്ന തരത്തിലാണ് പുതിയ പാത. ചെലവും സമയവും കുറച്ചുള്ള പുതിയ മോഡലാണ് ഇ. ശ്രീധരൻ മുന്നോട്ടു വയ്ക്കുന്നത്.
എസി ചെയർ കാർ ചെലവിലായിരിക്കും ടിക്കറ്റ് നിരക്ക് കണക്കാക്കുക. തിരുവനന്തപുരം-കണ്ണൂർ റൂട്ട് കൂടാതെ പത്തനംതിട്ടയും മലപ്പുറവും അതിവേഗ ലൈനിലേക്ക് ഉൾപ്പെടുത്തിയിട്ടുണ്ട്. പദ്ധതിയുടെ ആകെ ചെലവ് 54,000 കോടി രൂപയാണ്. തുരങ്കവും തൂണും കൂടുതൽ വരുന്നതിനാൽ ചെലവ് കുറയുമെന്നാണ് വിലയിരുത്തൽ.
ആർആർടിഎസ് നിരക്കിനേക്കാൾ പദ്ധതി ചെലവും ടിക്കറ്റ് നിരക്കും കുറച്ചാണ് പുതിയ ബദൽ. 3 മാസത്തിനുള്ളിൽ ഫീൽഡ് സർവേ പൂർത്തിയാക്കാനാണ് തീരുമാനം. പുതുക്കിയ റിപ്പോർട്ട് ഇ. ശ്രീധരൻ ഇന്ന് പുറത്തിറക്കും.
