തുടർച്ചയായ രണ്ടാംദിനവും കുതിച്ചുകയറി സ്വർണ്ണവില

തുടർച്ചയായ രണ്ടാംദിനവും സംസ്ഥാനത്ത് കുതിച്ചുകയറി സ്വർണ്ണവില. പവന് 360 രൂപയും ഗ്രാമിന് 45 രൂപയുമാണ് വർധിച്ചത്. ഇതോടെ ഒരു പവൻ സ്വർണ്ണത്തിന് 72, 520 രൂപയിലും ഗ്രാമിന് 9,065 രൂപയിലുമാണ് വ്യാപാരം പുരോഗമിക്കുന്നത്. അതേസമയം, 18 കാരറ്റ് സ്വർണ്ണവില ഗ്രാമിന് 35 രൂപ ഉയർന്ന് 7,435 രൂപയിലെത്തി. രണ്ടു ദിവസത്തിനിടെ ഇതോടെ 1200 രൂപയുടെ വർദ്ധനയാണ് സ്വർണ്ണവിലയിലുണ്ടായത്. ചൊവ്വാഴ്‌ച സ്വർണവില പവന് ഒറ്റയടിക്ക് 840 രൂപയും ഗ്രാമിന് 105 രൂപയും വർദ്ധിച്ചിരുന്നു. കഴിഞ്ഞ രണ്ടാഴ്ചയ്ക്കിടെ ഗ്രാമിന് 405 രൂപയും പവന് 3,240 രൂപയും ഇടിഞ്ഞശേഷമാണ് ചൊവ്വാഴ്‌ച വീണ്ടും കുതിച്ചുകയറിയത്.