സിപിഐ സംസ്ഥാന സെക്രട്ടറിയായി ബിനോയ് വിശ്വത്തെ വീണ്ടും തെരഞ്ഞെടുത്തു. ആലപ്പുഴയില്‍ നടക്കുന്ന സംസ്ഥാന സമ്മേളനത്തിലാണ് തീരുമാനം. ബിനോയ് വിശ്വത്തിന്‍റെ പേര് സിപിഐ ദേശീയ ജനറല്‍ സെക്രട്ടറി ഡി രാജ് നിര്‍ദേശിച്ചപ്പോള്‍ നേതാക്കള്‍ ഇത് കയ്യടിച്ച് പാസാക്കുകയായിരുന്നു.
ബിനോയ് വിശ്വം സംസ്ഥാന സെക്രട്ടറിയാണ്. ആലപ്പുഴയില്‍ സെപ്റ്റംബര്‍ 8 നാണ് സിപിഐ സംസ്ഥാന സമ്മേളനത്തിന് തുടക്കമായത്. 2022 ല്‍ നടന്ന സിപിഐയുടെ സംസ്ഥാന സമ്മേളനത്തില്‍ കാനം രാജേന്ദ്രന്‍ സംസ്ഥാന സെക്രട്ടറിയായി തെരഞ്ഞെടുക്കപ്പെട്ടിരുന്നു, പിന്നീട് കാനം രാജേന്ദ്രന്‍റെ നിര്യാണത്തെ തുടര്‍ന്നാണ് 2023 ല്‍ ബിനോയ് വിശ്വത്തെ സംസ്ഥാന സെക്രട്ടറിയായി തെരഞ്ഞെടുത്തത്.
