1.31,000 കടന്ന് സ്വർണ്ണവില; ഒറ്റയടിക്ക് 8,640 വർദ്ധിച്ചു

സംസ്ഥാനത്ത് ഇന്ന് സ്വർണ്ണവില കുത്തനെ ഉയർന്നു. ഒറ്റയടിക്ക് 8,640 രൂപയാണ് പവന് വർദ്ധിച്ചത്. ഇതോടെ പവന്‍റെ വില 1,31,000 കടന്നു. ഒരു പവൻ 22 കാരറ്റ് സ്വർണ്ണത്തിന്‍റെ വില 1,31,160 രൂപയാണ്. ഒരു ​ഗ്രാം 22 കാരറ്റ് സ്വർണ്ണത്തിന്‍റെ വില 16395 രൂപയാണ്. ഏറ്റവും കുറഞ്ഞ പണിക്കൂലിയായ 5 ശതമാനവും ജിഎസ്ടി മൂന്ന് ശതമാനവും ഹാൾമാർക്കിങ് ചാർജും ചേർത്താൽ ഇന്ന് ഒരു പവൻ സ്വർണാഭരണം വാങ്ങാൻ 1,60,000 രൂപയ്ക്ക് മുകളിൽ നൽകണം.