ടി20യില് 4,000 റണ്സ് തികച്ചു, പുതിയ റെക്കോർഡ് സ്വന്തമാക്കി സ്മൃതി മന്ഥാന
ടി20യില് 4,000 റണ്സ് തികയ്ക്കുന്ന ആദ്യ താരമെന്ന റെക്കോർഡാണ് സ്മൃതി മന്ഥാന സ്വന്തമാക്കിയത്. ടി20 ക്രിക്കറ്റിൽ ഒരു ഇന്ത്യൻ വനിതാ താരം ഇതുവരെ എത്തിപ്പിടിക്കാത്ത ഒരു നാഴികക്കല്ലാണ് സ്മൃതി മന്ഥാന ഇപ്പോൾ പിന്നിട്ടിരിക്കുന്നത്. കഴിഞ്ഞ ദിവസം ശ്രീലങ്കയ്ക്കെതിരെ നടന്ന ആദ്യ ടി20 മത്സരത്തിൽ 25 റൺസ് നേടിയതോടെയാണ് താരം ഈ നേട്ടം സ്വന്തമാക്കിയത്. കൂടാതെ, ഈ ക്ലബ്ബിൽ ഇടം നേടുന്ന ലോകത്തിലെ രണ്ടാമത്തെ വനിതാ താരം കൂടിയാണ് സ്മൃതി. ന്യൂസിലൻഡിൻ്റെ
ബംഗ്ലാദേശിൽ നാഷണൽ സിറ്റിസൺസ് പാർട്ടിയുടെ തൊഴിലാളി നേതാവിന് വെടിയേറ്റു
ബംഗ്ലാദേശിൽ നാഷണൽ സിറ്റിസൺസ് പാർട്ടിയുടെ (എൻസിപി) നേതാവിന് വെടിയേറ്റു. തലയ്ക്കാണ് വെടിയേറ്റത്. തൊഴിലാളി സംഘടനയുടെ നേതാവായ എം.ഡി. മുത്തലിബ് ഷിക്ദാറിന് (42) ആണ് വെടിയേറ്റത്. ഗുരുതരമായ പരിക്കുകളോടെ ഇദ്ദേഹത്തെ ഖുൽന മെഡിക്കൽ കോളേജ് ആശുപത്രിയിലേക്ക് മാറ്റി. അജ്ഞാത ആക്രമണകാരികളാണ് ഷിക്ദാറിനെ വെടിവെച്ചതെന്ന് സൊനാഡംഗ പോലീസ് അറിയിച്ചു. കഴിഞ്ഞ വ്യാഴാഴ്ച ധാക്കയിൽവെച്ച് അജ്ഞാത ആക്രമണകാരികളുടെ വെടിയേറ്റാണ് ഉസ്മാൻ ഹാദി മരിച്ചത്. സംഭവത്തിന് നാലു ദിവസം കഴിഞ്ഞാണ് ഷിക്ദാറിനും വെടിയേൽക്കുന്നത്.
ജമ്മു കാശ്മീരിലെ എൻഐഎ ആസ്ഥാനത്തിന് സമീപം ചൈനീസ് നിർമ്മിത റൈഫിള് സ്കോപ്പ് കണ്ടെത്തി
ജമ്മു മേഖലയിലെ അസ്രാറാബാദ് ദേശീയ അന്വേഷണ ഏജൻസിയുടെ (എൻഐഎ) ആസ്ഥാനത്തിന് സമീപം ചൈനീസ് നിർമ്മിത റൈഫിള് സ്കോപ്പ് (ദൂരദർശിനി) കണ്ടെത്തി. ആറ് വയസുകാരനാണ് മാലിന്യക്കൂമ്പാരത്തില് നിന്ന് റൈഫിള് സ്കോപ്പ് കിട്ടിയത്. റൈഫിള് സ്കോപ്പുമായി കുട്ടി കളിക്കുന്നത് കണ്ട രക്ഷിതാക്കളാണ് വിവരം പൊലീസിനെ അറിയിച്ചത്. സാംബ സ്വദേശിയായ ഒരാളെ പോലീസ് കസ്റ്റഡിയിലെടുത്തിട്ടുണ്ടെന്നാണ് റിപ്പോർട്ട്. സ്പെഷ്യല് ഓപ്പറേഷൻസ് ഗ്രൂപ്പും പൊലീസും ഇക്കാര്യം അന്വേഷിച്ചുവരികയാണെന്നും പൊതുജനങ്ങള് പരിഭ്രാന്തരാകേണ്ടതില്ലെന്നും ജമ്മു കാശ്മീർ പൊലീസ് മേധാവി അറിയിച്ചു.
മൂന്നാർ അതിശൈത്യത്തിന്റെ പിടിയില്; തണുപ്പ് മൈനസ് ഡിഗ്രിയില്
തണുപ്പ് മൈനസ് ഡിഗ്രിയില് എത്തിയതോടെ വിവിധ എസ്റ്റേറ്റുകളില് പുല്മേടുകളും മലനിരകളും പലപ്പോഴും മഞ്ഞുപുതച്ച നിലയിലാണ്. ഇവിടെ കനത്ത തണുപ്പാണ് ഇപ്പോൾ അനുഭവപ്പെടുന്നത്. കഴിഞ്ഞ കുറച്ചു വര്ഷങ്ങളെ അപേക്ഷിച്ച് തണുപ്പ് ഇത്തവണ കൂടുതലാണ്. തണുപ്പ് കൂടിയതോടെ ധാരാളം വിനോദസഞ്ചാരികൾ മൂന്നാറില് എത്തുന്നുണ്ട്. അടുത്ത ദിവസങ്ങളിൽ തണുപ്പ് ഇനിയും കൂടുവാനാണ് സാധ്യത. സൈലന്റ് വാലി, ചെണ്ടുവര, സെവന്മല, നല്ലതണ്ണി എന്നിവങ്ങളിലാണ് തണുപ്പ് മൈനസ് ഡിഗ്രിയില് എത്തിയത്. മാട്ടുപ്പെട്ടി, നല്ലതണ്ണി, സെവന്മല എന്നിവിടങ്ങളില് പൂജ്യം
പി വി അൻവറും സികെ ജാനുവും യുഡിഎഫിൽ
പി വി അൻവറും സികെ ജാനുവും യുഡിഎഫിൽ. അസോസിയേറ്റ് അംഗങ്ങളാക്കാൻ ഇന്ന് നടന്ന യുഡിഎഫ് യോഗത്തിൽ ധാരണയായി. വരാനിരിക്കുന്ന നിയമസഭ തെരഞ്ഞെടുപ്പിൽ നേരത്തെതന്നെ ഒരുങ്ങാനാണ് യുഡിഎഫ് തീരുമാനം. സീറ്റ് വിഭജനം നേരത്തെ പൂർത്തിയാക്കും. ജനുവരിയിൽതന്നെ സീറ്റ് വിഭജനം തീർക്കാൻ യോഗത്തിൽ ധാരണയായിട്ടുണ്ട്. കേരള കോണ്ഗ്രസ് എം ആദ്യം അവരുടെ നിലപാട് പറയട്ടെയെന്നും അങ്ങോട്ട് പോയി ചര്ച്ച വേണ്ടെന്നുമാണ് തീരുമാനം.
മുൻ ഫുട്ബോൾ താരം പി.പൗലോസ് അന്തരിച്ചു
മുൻ കേരള ഫുട്ബോൾ താരം പി.പൗലോസ് (76) അന്തരിച്ചു. കേരളം ആദ്യമായി സന്തോഷ് ട്രോഫി നേടിയ 1973ലെ ടീമിൽ അംഗമായിരുന്നു. പൗലോസ് എട്ടുവർഷത്തോളം കേരളത്തിനായി പ്രതിരോധനിരക്കാരനായി ബൂട്ടുകെട്ടി. 1979ൽ ടീമിൻ്റെ ക്യാപ്റ്റനുമായി. പിന്നീട് ഫുട്ബോൾ അസോസിയേഷൻ ഭാരവാഹിയായി.
ടി.പി.ചന്ദ്രശേഖരൻ വധക്കേസ് പ്രതികളായ മുഹമ്മദ് ഷാഫി, ഷിനോജ് എന്നിവർക്ക് വീണ്ടും പരോൾ
ടി.പി.ചന്ദ്രശേഖരൻ വധക്കേസ് പ്രതികൾക്ക് വീണ്ടും പരോൾ. മുഹമ്മദ് ഷാഫി, ഷിനോജ് എന്നിവർക്കാണ് 15 ദിവസത്തെ പരോൾ അനുവദിച്ചത്. രണ്ടര മാസം ജയിലിൽ കിടന്നാൽ ലഭിക്കുന്ന സ്വഭാവിക പരോൾ ആണെന്നാണ് ജയിൽ അധികൃതരുടെ വിശദീകരണം. കഴിഞ്ഞ ദിവസം നാലാം പ്രതി രജീഷിനും പരോൾ ലഭിച്ചിരുന്നു. 20 ദിവസത്തേക്കാണ് പരോൾ അനുവദിച്ചത്. ടി.പിക്കേസ് പ്രതികൾക്ക് അനധികൃതമായി സർക്കാർ പരോൾ നകുന്നുവെന്ന് ആരോപണം നിലനിൽക്കുന്നതിനിടെയാണ് മുഹമ്മദ് ഷാഫിയും ഷിനോജ് പുറത്തിറങ്ങുന്നത്. ഈ കേസിലെ മറ്റൊരു
ഡൽഹിയിൽ നിന്ന് മുംബയിലേക്ക് പോയ എയർ ഇന്ത്യ വിമാനം എൻജിനിലുണ്ടായ സാങ്കേതിക പ്രശ്നത്തെ തുടർന്ന് തിരിച്ചിറക്കി
ഡൽഹിയിൽ നിന്ന് മുംബയിലേക്ക് പോയ എയർ ഇന്ത്യ വിമാനം എൻജിനിലുണ്ടായ സാങ്കേതിക പ്രശ്നത്തെ തുടർന്ന് തിരിച്ചിറക്കി. 355 യാത്രക്കാരുമായി പുറപ്പെട്ട ബോയിംഗ് 777 വിമാനമാണ് പറന്നുയർന്ന് ഒരു മണിക്കൂർ കഴിഞ്ഞ് തിരിച്ചിറക്കിയത്. ബോയിംഗ് 777 വിമാനം ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ സുരക്ഷിതമായി ലാൻഡ് ചെയ്തു. ഫ്ലാപ്പ് പിൻവലിക്കൽ സമയത്ത് ഒരു വശത്തെ എൻജിനിൽ ഓയിൽ മർദ്ദം കുറവാണെന്ന് സ്ഥിരീകരിക്കുകയായിരുന്നു. തുടർന്ന് എൻജിൻ ഓയിൽ മർദ്ദം പൂജ്യമായി കുറഞ്ഞു. ജീവനക്കാർ
ദുരഭിമാനക്കൊല വീണ്ടും, അന്യ ജാതിയില് പെട്ട യുവാവിനെ വിവാഹം കഴിച്ചു; ഗര്ഭിണിയായ 19കാരിയെ പിതാവും ബന്ധുക്കളും ചേര്ന്ന് വെട്ടിക്കൊന്നു
കര്ണാടകയിൽ വീണ്ടും ദുരഭിമാന കൊലപാതകം. ഹുബ്ബള്ളിയില് ഗര്ഭിണിയായ മകളെ പിതാവും ബന്ധുക്കളും ചേര്ന്ന് വെട്ടിക്കൊലപ്പെടുത്തി. 19കാരിയായ മാന്യത പാട്ടീല് ആണ് കൊല്ലപ്പെട്ടത്. അന്യ ജാതിയില് പെട്ട യുവാവിനെ കല്യാണം കഴിച്ചതാണ് ബന്ധുക്കളുടെ പ്രകോപനത്തിന് കാരണമെന്നാണ് പോലീസ് പറയുന്നത്. പിതാവ് ഉള്പ്പെടെ മൂന്ന് പേരെ പൊലീസ് അറസ്റ്റ് ചെയ്തു. ഹുബ്ബള്ളി റൂറല് താലൂക്കിലെ ഇനാം-വീരപൂരില് ഇന്നലെ വൈകുന്നേരമാണ് സംഭവം. പൈപ്പും കൃഷിക്ക് ഉപയോഗിക്കുന്ന ആയുധങ്ങളും ഉപയോഗിച്ചാണ് 19കാരിയെ ആക്രമിച്ചത്. ഗുരുതരമായി പരിക്കേറ്റ
ടിപ്പർ ലോറിയും സ്കൂട്ടറും കൂട്ടിയിടിച്ചുണ്ടായ അപകടത്തിൽ അമ്മയും മകളും മരിച്ചു
ടിപ്പർ ലോറിയും സ്കൂട്ടറും കൂട്ടിയിടിച്ചുണ്ടായ അപകടത്തിൽ അമ്മയും മകളും മരിച്ചു. പാലക്കാട് ഒറ്റപ്പാലം ലക്കിടിയിലുണ്ടായ അപകടത്തിൽ തിരുവില്വാമല കണിയാർക്കോട് സ്വദേശി ശരണ്യ, മകൾ ആദിശ്രീ (അഞ്ച്) എന്നിവരാണ് മരിച്ചത്. സ്കൂട്ടർ ഓടിച്ചിരുന്ന മോഹൻദാസിനെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. പിറകിൽ നിന്നു വന്ന ടിപ്പർലോറി സ്കൂട്ടറിൽ വന്നിടിക്കുകയായിരുന്നു. റോഡിലേക്ക് തെറിച്ചുവീണ ശരണ്യയുടെയും ആദിശ്രീയുടെയും ശരീരത്തിലൂടെ ലോറി കയറിയിറങ്ങുകയായിരുന്നു. ഗുരുതരമായി പരിക്കേറ്റ ഇവരെ ഉടനെ ഒറ്റപ്പാലം താലൂക്ക് ആശുപത്രിയിൽ പ്രവേശിപ്പിച്ചെങ്കിലും ജീവൻ