സംസ്ഥാനത്ത് മോട്ടോര് വാഹന നിയമങ്ങള് കര്ശനമാക്കുന്നു; വർഷത്തിൽ 5 ചലാനുകൾ ലഭിച്ചാൽ ഡ്രൈവിംഗ് ലൈസൻസ് റദ്ദാക്കും
സംസ്ഥാനത്ത് മോട്ടോര് വാഹന നിയമങ്ങള് കര്ശനമാക്കുന്നു. ഒരു വര്ഷത്തില് തുടർച്ചയായി അഞ്ച് നിയമലംഘനങ്ങള് നടത്തിയാല് വാഹന ഉടമയുടെ ഡ്രൈവിംഗ് ലൈസന്സ് റദ്ദാക്കും. ആവര്ത്തിച്ച് നിയമം ലംഘിക്കുന്ന വാഹനങ്ങളെ കരിമ്പട്ടികയില് പെടുത്താനും കോടതിയുടെ അനുമതിയോടെ കസ്റ്റഡിയിലെടുക്കാനും മോട്ടോര് വാഹന വകുപ്പിന് കഴിയും. പുതിയ നിയമം 2026 ജനുവരി 1 മുതൽ പ്രാബല്യത്തിൽ വന്നു. കേന്ദ്ര മോട്ടോര് വാഹന വകുപ്പ് അംഗീകരിച്ച പുതിയ ഗതാഗത നിയമത്തിലെ വ്യവസ്ഥകളാണിത്. നിയമലംഘനങ്ങള് നടത്തിയാൽ പിഴയടക്കാൻ 45
കൈക്കൂലി ആവശ്യപ്പെട്ടു; വയനാട് ഡെപ്യൂട്ടി കളക്ടറെ സസ്പെൻഡ് ചെയ്തു
വയനാട് ഡെപ്യൂട്ടി കളക്ടർ സി. ഗീതയെ കൈക്കൂലി ആവശ്യപ്പെട്ടെന്ന പരാതിയിൽ സസ്പെന്ഡ് ചെയ്തു. കേരള കോൺഗ്രസ് സംസ്ഥാന ജനറൽ സെക്രട്ടറി കെ.ജെ. ദേവസ്യയുടെ പരാതിയിലാണ് നടപടി. ഭൂമി തരം മാറ്റലുമായി ബന്ധപ്പെട്ട് അനാവശ്യ തടസങ്ങൾ ഉന്നയിച്ച് 10000 രൂപ ഡെപ്യൂട്ടി കളക്ടര് കൈക്കൂലി ആവശ്യപ്പെട്ടുവെന്നത് ഉൾപ്പെടെയാണ് പരാതി. കൃത്യവിലോപവും ചട്ടലംഘനവുമായതിനാൽ അന്വേഷണ വിധേയമായാണ് ഗീതയെ സസ്പെന്ഡ് ചെയ്തത്.
തിങ്കളാഴ്ച മുതല് മഴയ്ക്ക് സാധ്യത; ജാഗ്രതാ നിർദേശം പുറപ്പെടുവിച്ചു
തിങ്കളാഴ്ച മുതൽ സംസ്ഥാനത്ത് മഴയ്ക്ക് സാധ്യത. ബംഗാള് ഉള്ക്കടലിനു മുകളില് കിഴക്കന് കാറ്റ് രൂപപ്പെട്ടതിനാൽ കേരളത്തില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കുള്ള സാധ്യതയാണ് നിലനില്ക്കുന്നത്. ഇടിമിന്നലുള്ളതിനാൽ ജനങ്ങൾ ജാഗ്രത പാലിക്കണം. ജലാശയത്തില് മീന് പിടിക്കാനോ ജലാശയത്തിൽ ഇറങ്ങാനോ പാടില്ല. മത്സ്യത്തൊഴിലാളികൾ ജാഗ്രത പാലിക്കണമെന്നും മുന്നറിയിപ്പുണ്ട്.
വിഴിഞ്ഞം രണ്ടാംഘട്ട നിര്മാണ പ്രവര്ത്തന ഉദ്ഘാടനം മുഖ്യമന്ത്രി പിണറായി വിജയന് നിര്വഹിച്ചു
വിഴിഞ്ഞം അന്താരാഷ്ട്ര തുറമുഖത്തിന്റെ രണ്ടാംഘട്ട നിര്മാണ പ്രവര്ത്തനങ്ങളുടെ ഉദ്ഘാടനം മുഖ്യമന്ത്രി പിണറായി വിജയന് നിര്വഹിച്ചു. ‘നാടിന്റെ സ്വപ്നമാണ് ഇതിലൂടെ യഥാര്ഥ്യമായത്. അടിസ്ഥാന സൗകര്യ വികസനത്തിൽ പുതിയ അധ്യായമാണിത്. 2016 മുതലുള്ള കാര്യങ്ങൾ ഓർമയിൽ സജീവമായി ഉണ്ടാകും. വിഴിഞ്ഞം പ്രാവർത്തികമാകാനുള്ള നടപടികള് തുടങ്ങിയപ്പോള് പ്രയാസങ്ങള് നേരിട്ടു. ഒരു ഭാഗത്ത് പ്രകൃതി ദുരന്തങ്ങളും മഹാമാരിയുമടക്കം മറ്റു പ്രശ്നങ്ങളും ഉണ്ടായി. അത്തരം തടസങ്ങൾക്ക് മുമ്പിൽ സ്തംഭിച്ച് നിൽക്കാനാവില്ല. യുഡിഎഫിന്റെ കാലത്താണ് പദ്ധതിക്ക് തുടക്കം കുറിച്ചതെങ്കിലും
ദീപക്കിന്റെ മരണം: ഷിംജിതയുടെ ജാമ്യാപേക്ഷയിൽ 27ന് വിധി
ബസ് യാത്രയ്ക്കിടെ ദീപക് എന്ന യുവാവിന്റെ വീഡിയോ ചിത്രീകരിച്ച് സോഷ്യല് മീഡിയയില് പ്രചരിപ്പിച്ച കേസിൽ പ്രതിയായ ഷിംജിതയുടെ ജാമ്യാപേക്ഷയില് ഈ മാസം 27ന് വിധി പറയും. കേസ് പരിഗണിച്ചത് കുന്ദമംഗലം കോടതിയാണ്. ആത്മഹത്യ പ്രേരണ കുറ്റം നിലനില്ക്കില്ലെന്നായിരുന്നു പ്രതിഭാഗത്തിന്റെ വാദം. എന്നാല് ഷിംജിതയുടെ ജാമ്യാപേക്ഷയെ പ്രോസിക്യൂഷന് എതിര്ത്തു. സമൂഹത്തില് പ്രശസ്തിയും പോസ്റ്റുകള്ക്ക് കൂടുതല് റീച്ചും മോണിമെന്ററി ബെനഫിറ്റും ലഭിക്കുന്നതിന് വേണ്ടി കുറ്റം പ്രതി ചെയ്തുവെന്ന് പൊലീസ് കോടതിയില് സമര്പ്പിച്ച റിപ്പോര്ട്ടില്
വടക്കഞ്ചേരിയില് മീൻ പിടിക്കുന്നതിനിടെ യുവാവ് മരിച്ച സംഭവം; സുഹൃത്ത് അറസ്റ്റിൽ
വടക്കഞ്ചേരിയില് മീൻ പിടിക്കുന്നതിനിടെ യുവാവ് മരിച്ച സംഭവത്തിൽ സുഹൃത്ത് അറസ്റ്റിൽ. മുഹമ്മദ് റാഫിയാണ് മരിച്ചത്. ചൂലിപ്പാടം പള്ളിക്കൽ വീട്ടിൽ ആഷിഫാണ് (21) അറസ്റ്റിലായത്. ഇരുവരും ചേർന്ന് വെള്ളിയാഴ്ച വൈദ്യുതക്കെണി ഉപയോഗിച്ച് തോട്ടിൽ മീൻ പിടിക്കുന്നതിനിടെ മുഹമ്മദ് റാഫിക്ക് ഷോക്കേൽക്കുകയായിരുന്നു. പോസ്റ്റ്മോർട്ടത്തിൽ ഷോക്കേറ്റതാണ് മരണ കാരണമെന്നും തെളിഞ്ഞു. അനധികൃതമായി സമീപത്തുള്ള വൈദ്യുത പോസ്റ്റിൽ നിന്ന് വൈദ്യുതി എടുക്കുകയായിരുന്നെന്ന് പോലീസ് പറഞ്ഞു. മനപൂർവമല്ലാത്ത നരഹത്യയ്ക്കും വൈദ്യുത മോഷണത്തിനുമാണ് ആഷിഫിന്റെ പേരിൽ കേസെടുത്തത്.
ഓസ്ട്രേലിയയിൽ സ്രാവിന്റെ കടിയേറ്റ് 12 വയസുകാരൻ മരിച്ചു
ഓസ്ട്രേലിയയിൽ സ്രാവിന്റെ കടിയേറ്റ് ചികിത്സയിലായിരുന്ന കൗമാരക്കാരൻ മരിച്ചു. ഓസ്ട്രേലിയയിലെ സിഡ്നി ഹാർബറിൽ വച്ച് നിക്കോ ആന്റിക്ക് എന്ന 12 വയസുകാരനാണ് മരിച്ചത്. ചികിത്സയിലിരിക്കെ ഇന്ന് പുലർച്ചെയാണ് നിക്കോ മരിച്ചത്. ഞായറാഴ്ച സിഡ്നി ഹാർബറിൽ വച്ച് പാറകളിൽ നിന്ന് ചാടുന്നതിനിടെയാണ് നിക്കോയെ സ്രാവ് ആക്രമിച്ചത്. ഒപ്പമുണ്ടായിരുന്ന സുഹൃത്തുക്കളാണ് രണ്ട് കാലുകൾക്കും പരിക്കേറ്റ നിക്കോയെ ആശുപത്രിയിലെത്തിച്ചത്.
സുവർണ്ണ കർണാടക കേരള സമാജം റിപ്പബ്ലിക് ദിനാഘോഷം
സുവർണ്ണ കർണാടക കേരളസമാജം കോറമംഗലം സോണിൻ്റെ നേതൃത്വത്തിൽ, ഇന്ത്യയുടെ 77ആമത് റിപ്പബ്ലിക് ദിനാഘോഷം ജനുവരി 26 തിങ്കളാഴ്ച രാവിലെ 9 മണിക്ക് പതാക ഉയർത്തുന്നതോടുകൂടി ആരംഭിക്കും. ശാഖ ചെയർമാൻ മധു മേനോൻ്റെ അധ്യക്ഷതയിൽ നടക്കുന്ന ആഘോഷത്തിൽ സ്റ്റേറ്റ് ഭാരവാഹികളും ജില്ലാ ഭാരവാഹികളും പങ്കെടുക്കും. കൂടുതൽ വിവരങ്ങൾക്ക് 831 001 1616 വിളിക്കുക.
ക്രിസ്മസ്-പുതുവത്സര ബമ്പർ കോട്ടയത്ത് വിറ്റ ടിക്കറ്റിന്
ക്രിസ്മസ്-പുതുവത്സര ബമ്പർ ലോട്ടറി അടിച്ചത് കോട്ടയത്ത് വിറ്റ ടിക്കറ്റിന്. ഒന്നാം സമ്മാനം XC138455 നമ്പർ ടിക്കറ്റിനാണ്. 20 കോടിയാണ് ഒന്നാം സമ്മാനം. ഒന്നാം സമ്മാനം നേടിയ ടിക്കറ്റ് വിറ്റത് കോട്ടയത്താണ്. എ. സുദീക്ക് ആണ് ഏജന്റ്. 20 പേർക്ക് ഒരു കോടി രൂപ വീതമാണ് രണ്ടാം സമ്മാനം. മൂന്നാം സമ്മാനമായി 10 ലക്ഷം രൂപ വീതം 20 പേർക്കും നാലാം സമ്മാനമായി മൂന്ന് ലക്ഷം രൂപ വിതം 20 പേർക്കും അഞ്ചാം
ഇന്ത്യയുമായി ലോകത്തെ ഏറ്റവും വലിയ വ്യാപാര കരാർ ഒപ്പു വയ്ക്കാൻ തയ്യാറായി യൂറോപ്യൻ യൂണിയൻ
ഇന്ത്യയുമായി ലോകത്തെ ഏറ്റവും വലിയ വ്യാപാര കരാർ ഒപ്പു വയ്ക്കാൻ തയ്യാറായി യൂറോപ്യൻ യൂണിയൻ. റിപ്പബ്ളിക് ദിനത്തിൽ പങ്കെടുക്കാൻ മുഖ്യാതിഥികളായി യൂറോപ്യൻ യൂണിയൻ നേതാക്കൾ നാളെ ദില്ലിയിൽ എത്തും. യൂറോപ്യൻ യൂണിയൻ കമ്മീഷൻ പ്രസിഡണ്ട് ഉർസുല വോൻ ഡെയർ ലെയൻ, യൂറോപ്യൻ കൗൺസിൽ പ്രസിഡണ്ട് അൻറോണിയോ കോസ്റ്റ എന്നിവരാണ് റിപ്പബ്ളിക് ദിനത്തിൽ പ്രത്യേക അതിഥികളായി പങ്കെടുക്കുന്നത്. ഡോണൾഡ് ട്രംപിന്റെ ബോർഡ് ഓഫ് പീസും ഇന്ത്യയും യൂറോപ്പും ചർച്ച ചെയ്യും. പാകിസ്ഥാൻ