ഗൾഫിലെ എസ്എസ്എൽസി, പ്ളസ്ടു പരീക്ഷകൾ മാറ്റി; കേരളത്തിലും മാറ്റിവയ്ക്കാൻ സർക്കാർ തീരുമാനിച്ചു: മന്ത്രി വി ശിവൻകുട്ടി
ഗൾഫ് മേഖലയിൽ ഉണ്ടായ സംഘർഷത്തിൻ്റെ പശ്ചാത്തലത്തിൽ മേഖലയിലെ പരീക്ഷാ നടത്തിപ്പ് പ്രതിസന്ധിയിലാണെന്ന് വിദ്യാഭ്യാസ മന്ത്രി വി ശിവൻകുട്ടി. മാർച്ച് 5 ലെ എസ്എസ്എൽസി പരീക്ഷയും മാർച്ച് 5, 6, 7 തീയതികളിലെ ഹയർസെക്കൻഡറി പരീക്ഷയും മാറ്റിവയ്ക്കാൻ സർക്കാർ തീരുമാനിച്ചതായും മന്ത്രി അറിയിച്ചു. പുതുക്കിയ പരീക്ഷാതീയതികൾ പിന്നീട് അറിയിക്കും. ഗൾഫ് മേഖലയിൽ പരീക്ഷയെഴുതാൻ സാധിക്കാത്ത വിദ്യാർത്ഥികൾ പ്രിൻസിപ്പൽ, പ്രഥമ അദ്ധ്യാപകർ എന്നിവർവഴി പൊതുവിദ്യാഭ്യാസ ഡയറക്ടർക്ക് അപേക്ഷ നൽകണമെന്നും മന്ത്രി ശിവൻകുട്ടി നിർദേശിച്ചു.
യുഎസ് യുദ്ധ വിമാനം തകർന്നുവീണു; വെടിവച്ചിട്ടെന്ന് ഇറാൻ
അമേരിക്കയുടെ എഫ്15 യുദ്ധ വിമാനം കുവൈറ്റിൽ തകർന്നുവീണു. വിമാനം തങ്ങൾ വീഴ്ത്തിയതാണെന്ന് ഇറാൻ അവകാശപ്പെട്ടു. എന്നാൽ ഈ കാര്യത്തിൽ വ്യക്തതവന്നിട്ടില്ല. വിമാനം അബദ്ധത്തിൽ വെടിവെച്ചിട്ടതാകാമെന്ന റിപ്പോർട്ടുകളുമുണ്ട്. വിമാനം തകർന്നുവീഴുന്നതിന്റെയും പൈലറ്റ് രക്ഷപ്പെടുന്നതിന്റെയും ദൃശ്യങ്ങളും പുറത്തുവന്നിട്ടുണ്ട്. സംഘർഷം രൂക്ഷമായി തുടരുന്നതിനിടെ അമേരിക്കയുമായി ചർച്ചക്കില്ലെന്ന് ഇറാനിയൻ ദേശീയ സുരക്ഷാ കൗൺസിൽ സെക്രട്ടറി അലി ലാരിജാനി അറിയിച്ചു. ട്രംപിന്റെ ഭ്രാന്തമായ നീക്കങ്ങൾ മേഖലയെ കുഴപ്പത്തിലേക്ക് തള്ളിവിട്ടിരിക്കുകയാണ്. അമേരിക്കൻ സൈനികരുടെ ജീവഹാനിയെക്കുറിച്ച് ട്രംപ് ഇപ്പോൾ ആശങ്കപ്പെടുകയാണെന്നും
യുഎസുമായി ചർച്ചയ്ക്കില്ല: ഇറാൻ
യുഎസുമായി യുദ്ധം അവസാനിപ്പിക്കാൻ യാതൊരുവിധ ചർച്ചകൾക്കും തയാറല്ലെന്ന് ഇറാൻ നേതാവ് അലി ലാറിജാനി. ട്രംപിന് ഭയമാണെന്നും അതിനാലാണ് ചർച്ചയ്ക്ക് തയാറെന്ന് അദ്ദേഹം പറഞ്ഞത്. പശ്ചിമേഷ്യയെ കനത്ത യുദ്ധഭീതിയിലേക്കാണ് ട്രംപിന്റെ വികലമായ നയങ്ങൾ തള്ളിവിട്ടിരിക്കുന്നത്. ഇറാൻ മധ്യസ്ഥർ മുഖേന ചർച്ചയ്ക്ക് താൽപ്പര്യം പ്രകടിപ്പിച്ചുവെന്ന വാർത്തകൾ തെറ്റാണ്. അമേരിക്കൻ സൈനികരെ ഇസ്രായേലിന്റെ അധികാര മോഹങ്ങൾക്കായി അദ്ദേഹം കുരുതികൊടുക്കുകയാണെന്നും ഇറാന്റെ സുപ്രീം നാഷണൽ സെക്യൂരിറ്റി കൗൺസിൽ സെക്രട്ടറിയായ ലാറിജാനി വ്യക്തമാക്കി. കൊല്ലപ്പെട്ട ഇറാന്റെ പരമോന്നത
രമേഷ് പിഷാരടി പാലക്കാട് യു ഡി എഫ് സ്ഥാനാര്ഥി?
നടൻ രമേഷ് പിഷാരടി പാലക്കാട് യുഡിഎഫ് സ്ഥാനാര്ഥിയാകാൻ സാധ്യത. പല പ്രമുഖരുടെയും പേര് പരിഗണിച്ചിരുന്നെങ്കിലും അന്തിമ പട്ടികയില് പിഷാരടിയുടെ പേരാണ് ഇടംപിടിച്ചിരിക്കുന്നത്. മത്സരിക്കാന് പിഷാരടി സന്നദ്ധത അറിയിച്ചതോടെ താരത്തിന്റെ പേര് സ്ക്രീനിംഗ് കമ്മിറ്റിക്ക് കൈമാറി. രമേഷ് പിഷാരടിയുടെ സ്വീകാര്യത വോട്ടായി മാറുമെന്നാണ് കോണ്ഗ്രസ് നേതൃത്വത്തിന്റെ വിലയിരുത്തല്. സിറ്റിംഗ് എംഎല്എയായ രാഹുല് മാങ്കൂട്ടത്തിലിനെ പാര്ട്ടിയില് നിന്ന് പുറത്താക്കിയതോടെയാണ് മണ്ഡലത്തില് യുഡിഎഫ് നേതൃത്വം കരുത്തനായ ഒരു സ്ഥാനാര്ഥിയെ തേടിയത്.
അയർലൻഡിൽനിന്ന് കാണാതായ മലയാളി യുവതിയുടെ മൃതദേഹം കണ്ടെത്തി
അയർലൻഡിൽ ഡബ്ലിൻ എന്ന സ്ഥലത്തുനിന്ന് കാണാതായ മലയാളി യുവതിയുടെ മൃതദേഹം കണ്ടെത്തി. ഡബ്ലിനിൽ ഐ.ടി പ്രഫഷനലായിരുന്ന അശ്വതി രാജശേഖരനെയാണ് മരിച്ച നിലയിൽ കണ്ടെത്തിയത്. ബ്രേ മേഖലയിലെ കടൽ തീരത്ത് നിന്നാണ് മൃതദേഹം കണ്ടെത്തിയത്. ഡബ്ലിൻ ഗ്രാഫ്റ്റൺ സ്ട്രീറ്റിലെ ഹെയ്സ് റിക്രൂട്ട്മെൻ്റ് ഏജൻസിയിലെ ഐടി ഉദ്യോഗസ്ഥയായിരുന്ന അശ്വതിയെ രണ്ട് ദിവസം മുൻപാണ് കാണാതായത്. ബെംഗളൂരുവിലാണ് അശ്വതിയുടെ കുടുംബം താമസിക്കുന്നത്. ഇവിടെ നിന്നാണ് അശ്വതി അയർലൻഡിൽ എത്തിയത്. ജോലി സംബന്ധമായി സ്ഥലം മാറി
32 കിലോഗ്രാം കഞ്ചാവുമായി മൂന്നു പശ്ചിമ ബംഗാള് സ്വദേശികള് പിടിയില്
പെരുമ്പാവൂരില് 32 കിലോഗ്രാം കഞ്ചാവുമായി മൂന്നു പശ്ചിമ ബംഗാള് സ്വദേശികളെ ഡാന്സാഫ് സംഘം പിടികൂടി. ബംഗാള് സ്വദേശികളായ ടുട്ടുള് ഷെയ്ക്ക് (36), മിന്ഹാജ് (47), മാസും ഷേക്ക് (36) എന്നിവരാണ് ഡാന്സാഫ് സംഘത്തിൻ്റെ അറസ്റ്റിലായത്. ഇന്ന് രാവിലെ ഏഴോടെയാണ് പെരുമ്പാവൂര് എഎസ്പിയുടെ നേതൃത്വത്തിലുള്ള പ്രത്യേക അന്വേഷണ സംഘം പ്രതികളെ വലയിലാക്കിയത്. ട്രെയിന് മാര്ഗം പശ്ചിമ ബംഗാളില് നിന്നും ആലുവ റെയില്വേ സ്റ്റേഷനില് എത്തിച്ച കഞ്ചാവ് പെരുമ്പാവൂരിലെ വിവിധ ഇടങ്ങളില് വിതരണം
ആക്രമണം ഇനിയും കടുപ്പിക്കും; ഇറാനെതിരായ യുദ്ധം നാലാഴ്ചയോളം നീളുമെന്ന് ട്രംപ്
യുഎസ് സൈനികരുടെ മരണത്തിന് ‘പ്രതികാരം’ ചെയ്യുമെന്നും ഇറാൻ ഭരണകൂടത്തിന് ഏറ്റവും വലിയ പ്രഹരം നൽകുമെന്നും ട്രംപിന്റെ മുന്നറിയിപ്പ്. ഇറാനെതിരായ യുദ്ധം നാലാഴ്ചയോളം നീളുമെന്നും ട്രംപ് പറഞ്ഞു. ‘ഇറാൻ വലിയ രാജ്യമാണ്. ഈ പ്രക്രിയ പൂർത്തിയാക്കാൻ നാലാഴ്ചയോ അതിൽ കുറവോ ദിവസം എടുക്കേണ്ടി വരും. നമ്മുടെ സ്വന്തം സ്ഥലത്തിനും സമയത്തിനും സുരക്ഷ ഉറപ്പാക്കാൻ മാത്രമല്ല, നമ്മുടെ കുട്ടികൾക്കും അവരുടെ കുട്ടികൾക്കും സുരക്ഷ ഉറപ്പാക്കാൻ വേണ്ടിയുള്ള ഒരു വലിയ പ്രവർത്തനം അമേരിക്ക ഏറ്റെടുക്കുകയാണ്-
ഇസ്രയേലിന് നേരെ ഹിസ്ബുള്ളയുടെ മിസൈൽ ആക്രമണം; ഇറാനൊപ്പം ചേർന്ന് ഹിസ്ബുള്ളയും
യുഎസ്-ഇസ്രയേൽ സംയുക്ത സൈനിക ആക്രമണത്തിൽ ഇറാനെ പിന്തുണച്ച് ഹിസ്ബുള്ള. ഇറാനെതിരായ ആക്രമണങ്ങൾ തുടരുന്നതിനിടെ ഇസ്രയേലിന് നേരെ ഹിസ്ബുള്ള മിസൈൽ ആക്രമണം നടത്തിയതായി റിപ്പോർട്ട്. ലബനനിൽ നിന്ന് മിസൈൽ ആക്രമണമുണ്ടായെന്ന് ഇസ്രയേൽ സേന സ്ഥിരീകരിച്ചു. ഇന്നലെ ഹിസ്ബുള്ള ലെബനനിൽ നിന്ന് ഇസ്രയേലിലേക്ക് നിരവധി മിസൈലുകൾ തൊടുത്തുവെന്ന് ഐഡിഎഫ് ആരോപിക്കുന്നു. ഹിസ്ബുള്ള ഇറാൻ ഒപ്പം ചേർന്നതായി ഇറാൻ മാധ്യമങ്ങളും സ്ഥിരീകരിച്ചിട്ടുണ്ട്. ഇറാന്റെ പരമോന്നത നേതാവ് ആയത്തൊള്ള അലി ഖമനയ് കൊല്ലപ്പെട്ടതിലുള്ള പ്രതികാരമാണിതെന്നാണ് വിശദീകരണം.
റംസാൻ കിറ്റുകൾ വിതരണം ചെയ്തു
സുള്യ താലൂക്ക് സമസ്ത സംയുക്ത ജമാഅത്തിൻ്റെ ആഭിമുഖ്യത്തിൽ സുള്യയിലെ സുപ്രീംഹാളിൽവെച്ച് താലൂക്കിലെ 15 ജമാഅത്തുകളിലെ 80ഓളം ഗുണഭോക്താക്കൾക്ക് റംസാൻ കിറ്റുകൾ വിതരണം ചെയ്തു. ചടങ്ങിൽ സംസാരിച്ച കർണാടക സംസ്ഥാന മിനിമം വേജ് അഡ്വൈസറി ബോർഡ് ചെയർമാൻ ടി.എം. ഷാഹിദ് തെക്കിൽ, വിശുദ്ധ റംസാൻ മാസത്തിൽ പാവപ്പെട്ടവർക്കും അർഹരായവർക്കും വിവിധ രീതിയിലുള്ള സഹായങ്ങൾ എത്തിക്കാൻ ആഹ്വാനം ചെയ്തു. സംയുക്ത ജമാഅത്ത് പ്രസിഡണ്ട് അബ്ദുൽ ഖാദർ ബയമ്പാടിയും മറ്റ് ഭാരവാഹികളും പ്രവാചകചര്യ പിന്തുടർന്ന്
സ്നേഹവും സാഹോദര്യവും കാത്തുസൂക്ഷിക്കണം: എൻ.എ ഹാരിസ് എം.എൽ.എ
ആൾ ഇന്ത്യ കെഎംസിസി ബംഗളുരു നീലസാന്ദ്ര ഏരിയ കമ്മിറ്റിയുടെ ആഭിമുഖ്യത്തിൽ ഇഫ്താർ സംഗമം സംഘടിപ്പിച്ചു. ശാന്തിനഗർ എം.എൽ.എ എൻ.എ ഹാരിസ് സംഗമം ഉദ്ഘാടനം ചെയ്തു.പരസ്പര സ്നേഹത്തിൻ്റെയും സഹോദര്യത്തിൻ്റെയും സന്ദേശമാണ് നോമ്പുകാലം പകർന്നു നൽകുന്നതെന്ന് എൻ.എ ഹാരിസ് പറഞ്ഞു. പ്രവാസ ലോകത്ത് ജാതി-മത ചിന്തകൾക്കതീതമായി മനുഷ്യരെ ഒന്നിപ്പിക്കുന്ന ഇത്തരം സംഗമങ്ങൾ സാമൂഹിക ഐക്യത്തിന് അനിവാര്യമാണെന്നും, എഐകെഎംസിസി നടത്തുന്ന കാരുണ്യ പ്രവർത്തനങ്ങൾ മാതൃകാപരമാണെന്നും അദ്ദേഹം പ്രഭാഷണത്തിൽ കൂട്ടിച്ചേർത്തു. എഐകെഎംസിസി പ്രസിഡണ്ട് ടി.ഉസ്മാൻ അധ്യക്ഷത