‘എമ്പുരാനെ’തിരായ സൈബര്‍ ആക്രമണം; അടിയന്തര അന്വേഷണത്തിന് ഡിജിപിയുടെ നിർദേശം
‘എമ്പുരാൻ’ സിനിമയുമായി ബന്ധപ്പെട്ട് നടക്കുന്ന വിദ്വേഷ പരാമർശങ്ങൾക്കെതിരെ ഡിജിപിക്ക് പരാതി. സുപ്രിംകോടതി അഭിഭാഷകൻ അഡ്വക്കേറ്റ് സുഭാഷ് തീക്കാടനാണ് മതസ്പർദ്ധ ഉളവാക്കുന്ന ഫേസ്ബുക്ക് പോസ്റ്റുകൾക്കെതിരെ പരാതി നൽകിയത്. പരാതിയിൽ ഉടൻ നടപടി ഉണ്ടാകുമെന്ന് ഡിജിപി മറുപടി നൽകി. സെൻസർ ബോർഡിൻ്റെ അനുമതിയോടെ പ്രദർശിപ്പിച്ച ചിത്രത്തിലെ അണിയറ പ്രവർത്തകർക്കെതിരെ വ്യാപക സൈബർ ആക്രമണം നടക്കുന്നതായി പരാതിയിൽ പറയുന്നു. പരാതിക്കൊപ്പം കാവിപ്പട നായിക, സുദർശനം എന്നീ എഫ്ബി പേജിൻ്റെ സ്ക്രീന്‍ഷോട്ടടക്കമുള്ള സൈബർ ആക്രമണത്തിൻ്റെ രേഖകൾ
തിരുവനന്തപുരത്ത് കടലിൽ കുളിക്കുന്നതിനിടെ കാണാതായ കോളജ് വിദ്യാർത്ഥിയുടെ മൃതദേഹം കണ്ടെത്തി
തിരുവനന്തപുരത്ത് കടലിൽ കുളിക്കുന്നതിനിടെ തിരയിൽപ്പെട്ട് കാണാതായ കോളജ് വിദ്യാർത്ഥിയുടെ മൃതദേഹം കണ്ടെത്തി. പാറ്റൂർ ചർച്ച് വ്യൂ ലൈൻ അശ്വതിയിൽ അളകർ രാജൻ വെങ്കിട ലക്ഷ്‌മി ദമ്പതികളുടെ മകനായ ശ്രീപാർത്ഥ സാരഥി (21) യുടെ മൃതദേഹമാണ് കണ്ടെത്തിയത്. മത്സ്യത്തൊഴിലാളികൾ നൽകിയ വിവരത്തിൻ്റെ അടിസ്ഥാനത്തിൽ വിഴിഞ്ഞം കോസ്റ്റൽ പോലീസ് നടത്തിയ തെരച്ചിലിലാണ് മൃതദേഹം കണ്ടെത്തിയത്. പോസ്റ്റ്മാർട്ടത്തിനുശേഷം മൃതദേഹം ബന്ധുക്കൾക്ക് കൈമാറി.
കണ്ണൂര്‍ തഹസില്‍ദാര്‍ കൈക്കൂലി വാങ്ങുന്നതിനിടെ അറസ്റ്റിലായി
കണ്ണൂര്‍ തഹസില്‍ദാര്‍ കൈക്കൂലി വാങ്ങുന്നതിനിടെ അറസ്റ്റിലായി. കണ്ണൂരിലെ തഹസില്‍ദാര്‍ സുരേഷ് ചന്ദ്രബോസാണ് അറസ്റ്റിലായിരിക്കുന്നത്. തഹസില്‍ദാര്‍ പടക്ക കടയ്ക്ക് ലൈസന്‍സ് പുതുക്കുന്നതിനായാണ് കൈക്കൂലി വാങ്ങിയത്. ഇയാൾ കടയുടമയുടെ ബന്ധുവില്‍ നിന്നാണ് കൈക്കൂലി ആവശ്യപ്പെട്ടത്. കൈക്കൂലിയായി 3000 രൂപയാണ് ആവശ്യപ്പെട്ടത്. കല്യാശേരിയിലെ വീട്ടിലെത്തി പണം നല്‍കണമെന്നായിരുന്നു ആവശ്യം. ഇതോടെ കടയുടമ വിജിലന്‍സില്‍ പരാതി നല്‍കി. തുടര്‍ന്ന് കൈക്കൂലി വാങ്ങുന്നതിനിടെ വിജിലന്‍സ് സംഘം ഇയാളെ കൈയ്യോടെ പിടികൂടുകയായിരുന്നു. വില്ലേജ് ഓഫിസറായിരുന്ന കാലത്ത് കൈക്കൂലി കേസില്‍
ഉഗാദിയുടെയും പെരുന്നാളിൻ്റെയും ആഘോഷങ്ങളി ലേക്ക് ബെംഗളൂർ നഗരം
കർണാടകയിൽ പുതുവത്സര ആഘോഷമായ ഉഗാദിയുടെയും ഈദുൽ ഫിത്റിൻ്റെയും ആഘോഷത്തിനൊരുങ്ങി നഗരം. കർണാടകയിൽ ഞായറാഴ്‌ചയാണ് ഉഗാദി ആഘോഷം, പെരുന്നാൾ പിറ കാണുന്നതിൻ്റെ അടിസ്ഥാനത്തിൽ തിങ്കളാഴ്‌ചയോ ചൊവ്വാഴ്‌ചയോ ആയിരിക്കും ചെറിയ പെരുന്നാൾ ആഘോഷം. വാരാന്ത്യദിനത്തോട് ആഘോഷ ദിവസങ്ങൾ ചേർന്നുവരുന്നതിനാൽ മലയാളികൾ മിക്കവരും കുടുംബസമേതം നാട്ടിലേക്ക് മടങ്ങുകയാണ്. കേരളത്തിലേക്കുള്ള യാത്രക്കാരുടെ തിരക്കാണ് വെള്ളി, ശനി, ഞായർ ദിവസങ്ങളിൽ. കർണാടക ആർ.ടി.സിയും കേരള ആർ.ടി.സിയും സ്പെഷൽ സർവീസുകൾ ഏർപ്പെടുത്തിയിരുന്നു. സ്വകാര്യ ബസുകൾക്കും ചാകരയാണ്. നാട്ടിലേക്കുള്ള എല്ലാ
അനധികൃത പണം കണ്ടെത്തിയ സംഭവം; 17 വർഷം മുമ്പ് നീതിന്യായ സംവിധാനത്തെ പിടിച്ചുകുലുക്കിയ കേസ്; റിട്ട. ജഡ്ജിനെ കുറ്റവിമുക്തയാക്കി
ചണ്ഡീഗഡിലെ പ്രത്യേക സിബിഐ കോടതി അനധികൃത പണം കണ്ടെത്തിയ സംഭവത്തിൽ വിരമിച്ച ഹൈക്കോടതി ജഡ്‌ജി നിർമൽ യാദവിനെ കുറ്റവിമുക്തയാക്കി. 17 വർഷം മുമ്പ് ഇന്ത്യൻ നീതിന്യായ സംവിധാനത്തെ ഒന്നാകെ പിടിച്ചുകുലുക്കിയ കേസിലാണ് സുപ്രധാന വിധി. കേസിൽ വ്യാഴാഴ്ച അന്തിമ വാദം കേട്ട ചണ്ഡീഗഢ് കോടതി വിധി പ്രഖ്യാപനം മാർച്ച് 29-ലേക്ക് മാറ്റിവയ്ക്കുകയായിരുന്നു. ഹരിയാണ മുൻ അഡീഷണൽ അഡ്വക്കേറ്റ് ജനറൽ സഞ്ജീവ് ബൻസാൽ, ജസ്റ്റിസ് യാദവ്, ഡൽഹി ആസ്ഥാനമായുള്ള ഹോട്ടലുടമ രവീന്ദർ
സെയ്ഫിനെ ആക്രമിച്ച സംഭവം; തനിക്കെതിരേ രജിസ്റ്റര്‍ ചെയ്തത് തെറ്റായ കേസെന്ന് പ്രതിയുടെ വാദം
ബോളിവുഡ് നടന്‍ സെയ്ഫ് അലി ഖാനെ ആക്രമിച്ച കേസില്‍ ജാമ്യം തേടി പ്രതിയായ മൊഹമ്മദ് ഷെരീഫുള്‍ ഇസ്ലാം. ജാമ്യാപേക്ഷയിലെ പ്രധാനവാദം തനിക്കെതിരേ തെറ്റായ കേസാണ് രജിസ്റ്റര്‍ ചെയ്തിരിക്കുന്നതെന്നാണ്. സെയ്ഫ് അലി ഖാന് ബാന്ദ്രയിലെ വീട്ടില്‍വെച്ച് ജനുവരി 16-നാണ് കുത്തേല്‍ക്കുന്നത്. ഗുരുതരമായി പരിക്കേറ്റ നടന്‍ ദിവസങ്ങള്‍ നീണ്ട ചികിത്സയ്ക്ക് ശേഷമാണ് സാധാരണ ജീവിതത്തിലേക്ക് മടങ്ങിയെത്തിയത്. ഷെരീഫുള്‍ ഇസ്ലാം വെള്ളിയാഴ്ച സെഷന്‍സ് കോടതിയിലാണ് ജാമ്യാപേക്ഷ സമര്‍പിച്ചിരിക്കുന്നത്. തെറ്റായ കേസാണ് തനിക്കെതിരേ രജിസ്റ്റര്‍ ചെയ്തിരിക്കുന്നതെന്നും
കണ്ണൂർ മുൻ എഡിഎം നവീൻ ബാബുവിൻ്റെ മരണം; ദിവ്യ ഏക പ്രതി, കുറ്റപത്രം സമർപ്പിച്ചു
കണ്ണൂർ മുൻ എഡിഎം നവീൻ ബാബുവിൻ്റെ ആത്മഹത്യയുമായി ബന്ധപ്പെട്ട കേസിൽ പോലിസ് കുറ്റപത്രം സമർപ്പിച്ചു. ജില്ലാ പഞ്ചായത്ത് പ്രസിഡൻ്റായിരുന്ന പി പി ദിവ്യ ഭീഷണി മുഴക്കിയ പശ്ചാത്തലത്തിൽ തുടർന്നുള്ള ഔദ്യോഗിക ജീവിതത്തിൽ ഗുരുതര വേട്ടയാടൽ ഉണ്ടാകുമെന്ന് നവീൻ ബാബു ഭയപ്പെട്ടിരുന്നതായി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ നൽകിയ കുറ്റപത്രം പറയുന്നു. മരണമല്ലാതെ മറ്റൊരു മാർഗമില്ലെന്ന ബോധ്യത്താലാണ് നവീൻ ബാബു ആത്മഹത്യ ചെയ്തത്. നവീൻ ബാബുവും പെട്രോൾ പമ്പിന് എൻഒസി
കൊച്ചിയിൽ വൻ കുഴൽപ്പണവേട്ട; ഓട്ടോറിക്ഷയിൽ കടത്തിക്കൊണ്ടുവന്ന 2 കോടി രൂപ പിടിച്ചെടുത്തു
കൊച്ചിയിൽ ഓട്ടോറിക്ഷയിൽ കടത്തിക്കൊണ്ടുവന്ന കണക്കിൽപ്പെടാത്ത പണം പിടികൂടി. കൊച്ചി വില്ലിംഗ്‌ടൺ ഐലൻഡിന് സമീപം ആണ് സംഭവം. ബീഹാർ സ്വദേശിയായ സതീഷ്, തമിഴ്‌നാട് സ്വദേശിയായ രാജഗോപാൽ എന്നിവരെ പോലീസ് അറസ്റ്റു ചെയ്തു. രണ്ടുകോടിയോളം രൂപയാണ് ഇവരുടെ കയ്യിൽ നിന്നും പിടികൂടിയത്. ഓട്ടോയിൽ രണ്ട് തുണി സഞ്ചികളിൽ ആണ് ഒളിപ്പിച്ചു പണം കടത്തിയത്. രഹസ്യ വിവരത്തിൻ്റെ അടിസ്ഥാനത്തിൽ നടത്തിയ അന്വേഷണത്തിൽ ആണ് ഇവരെ പിടികൂടിയത്.
ആശ വർക്കർമാരുടെ നിരാഹാരസമരം ഇന്ന് പത്താം ദിവസം; തിങ്കളാഴ്‌ച മുടിമുറിച്ച് സമരം
ആശ വർക്കർമാർ നടത്തിവരുന്ന സമരം പുതിയ ഘട്ടത്തിലേക്ക്. 50-ാം ദിവസത്തിലേക്ക് എത്തുന്ന തിങ്കളാഴ്‌ച മുടിമുറിച്ച് സമരത്തിനൊരുങ്ങുകയാണ് ആശ വർക്കർമാർ. ഇന്നേക്ക് 48 ദിവസങ്ങൾ പൂർത്തിയായിട്ടും ചർച്ചയ്ക്ക് വിളിക്കാനോ സമരം തീർക്കാനോ സർക്കാർ ഒരു നിലപാടും സ്വീകരിക്കാത്ത സാഹചര്യത്തിലാണ് പുതിയ സമരമുറയ്ക്ക് ഒരുങ്ങുന്നത്. നിരാഹാരസമരം ഇന്ന് പത്താംദിവസത്തിലേക്ക് കടന്നിരിക്കുകയാണ്. ഇപ്പോൾ നിരാഹാരം ഇരിക്കുന്നത് ബീന പീറ്റർ, ഷൈലജ എസ്, അനിതകുമാരി എന്നിവരാണ്. ആരോഗ്യമന്ത്രി സമരക്കാരുമായി മാർച്ച് 19-ന് ചർച്ച നടത്തിയെങ്കിലും എങ്ങും
അധ്യാപകനില്‍ നിന്ന് MBA ഉത്തരക്കടലാസ് നഷ്ടമായ സംഭവം; അന്വേഷണത്തിന് ഉത്തരവിട്ട് സര്‍വകലാശാല വൈസ് ചാന്‍സ്‌ലര്‍
കേരള സര്‍വകലാശാലയില്‍ എംബിഎ വിദ്യാര്‍ഥികളുടെ ഉത്തരക്കടലാസുകള്‍ അധ്യാപകനില്‍ നിന്ന് നഷ്ടമായ സംഭവത്തില്‍ അന്വേഷണത്തിന് ഉത്തരവിട്ട് സര്‍വകലാശാല വൈസ് ചാന്‍സ്‌ലര്‍. മൂല്യനിർണയം നടത്താൻ ഒരു അധ്യാപകന് നൽകിയ ‘പ്രൊജക്‌ട് ഫിനാൻസ് എന്ന വിഷയത്തിൻ്റെ 71 ഉത്തരക്കടലാസുകളാണ് നഷ്ട‌മായത്. 5 കോളേജുകളിലെ വിദ്യാർഥികളുടെ ഉത്തരക്കടലാസുകൾ നഷ്‌ടപ്പെട്ടവയിലുണ്ട്. വിവരം പുറത്തുവിടാതെ വീണ്ടും പരീക്ഷ നടത്താനായിരുന്നു സർവകലാശാല തീരുമാനം. വിദ്യാർഥികൾക്കു ഇതിനുള്ള അറിയിപ്പ് ഇ-മെയിൽ സന്ദേശമായി ലഭിച്ചപ്പോഴാണ് സംഭവം പുറത്തുവന്നത്. എംബിഎ അവസാന സെമസ്റ്ററിലെ 71