തുടർച്ചയായ മൂന്നാം ദിവസവും സ്വർണ്ണവിലയിൽ ഇടിവ്; പവന് 480 രൂപ കുറഞ്ഞു

തുടർച്ചയായ മൂന്നാം ദിവസമാണ് സ്വർണവിലയിൽ കുറവുണ്ടാവുന്നത്. പവന് 480 രൂപയുടെ കുറവാണ് ഉണ്ടായത്. 63,600 രൂപയായാണ് വില കുറഞ്ഞത്. ഗ്രാമിന് 60 രൂപയുടെ കുറവുണ്ടായി. ഗ്രാമിന് 7950 രൂപയായി. ദിവസങ്ങൾക്ക് ശേഷം ഒരു ഗ്രാം സ്വർണത്തിൻ്റെ വില 8000 രൂപക്ക് താഴെ എത്തി. അന്താരാഷ്ട്ര വിപണിയിൽ കൊമെക്‌സ് ഗോൾഡിൻ്റെ വില ഔൺസിന് 2,875.4 ഡോളറാണ്. സ്പോട്ട് ഗോൾഡിൻ്റെ വില 2,864.6 ഡോളറായും ഇടിഞ്ഞു. ഇന്ത്യൻ ഓഹരി വിപണികൾ വൻ നഷ്ടത്തോടെയാണ് വ്യാപാരം തുടങ്ങിയത്.