ആരോഗ്യ മന്ത്രി വീണാ ജോർജ്ജിനെ ആക്രമിച്ച കേസിൽ കെ എസ് യു പ്രവർത്തകർക്ക് ജാമ്യം നിഷേധിച്ചു. കണ്ണൂർ ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയാണ് ജാമ്യം നിഷേധിച്ചത്. കെഎസ്‌യു മുൻകൂട്ടി ആസൂത്രണം ചെയ്ത അക്രമമാണ് കണ്ണൂരിൽ നടന്നതെന്ന് മന്ത്രി വീണാ ജോർജ് പറഞ്ഞിരുന്നു.
കൈരളി ന്യൂസ് ഡയറക്ടർ ശരത് ചന്ദ്രനുമായുള്ള അഭിമുഖത്തിലാണ് മന്ത്രിയുടെ ഈ വെളിപ്പെടുത്തൽ ഉണ്ടായത്. ‘നിൻ്റെ മുഖം കറുപ്പിക്കും’ എന്ന് ഒരു യൂത്ത് കോൺഗ്രസ് പ്രവർത്തകൻ നേരത്തെ വെല്ലുവിളിച്ചിരുന്നുവെന്നും, ഇതിന് പിന്നാലെയാണ് ആക്രമണം ഉണ്ടായതെന്നും മന്ത്രി ചൂണ്ടിക്കാട്ടി.
