മാസം: ഒക്ടോബർ 2026

ശ്രീ നാരായണ ഗുരുദേവൻ രചിച്ച ദൈവദശകം ഒക്ടോബർ 25 ന് വൈകുന്നേരം 7.15ന് ആഗോള തലത്തിൽ പത്തുലക്ഷം പേർ ആലപിക്കുന്ന ചടങ്ങിൻ്റെ ഭാഗമായി ബാംഗ്ലൂർ ഘടകം സംഘടിച്ചു വന്ന ദൈവദശക പ്രഭാഷണ പരമ്പര ഇന്ന് സമാപിക്കും. ഒക്ടോബർ 21 ന് ബാംഗ്ലൂർ എസ് എൻ ഡി പി യൂണിയൻ സെക്രട്ടറി അഡ്വ.സത്യൻ പുത്തൂർ ഉദ്ഘാടനം ചെയ്ത യോഗത്തിൽ പി ഗോപകുമാർ ഐ ആർ എസ് മുഖ്യപ്രഭാഷണം നടത്തി. ഒക്ടോബർ 22ന്

ജെ.പി.നഗറിലെ രംഗശങ്കരയിൽ നടക്കുന്ന നാടകോത്സവത്തിൽ ശ്രീജിത്ത് രമണൻ സംവിധാനം ചെയ്ത ‘ചെവിട്ടോർമ’ നാടകം നാളെ അരങ്ങേറും. രാത്രി 7.30നാണ് നാടകം. വേലിയേറ്റവും വെള്ളപ്പൊക്കവും മൂലം ദുരിതമനുഭവിക്കുന്ന വടക്കൻ പറവൂരിലെ പുത്തൻവേലിക്കര, തുരുത്തിപ്പുറം തുടങ്ങിയ ഗ്രാമങ്ങളിലെ ജനങ്ങളുടെ ജീവിതപ്രശ്നങ്ങളാണ് നാടകത്തിൻ്റെ പ്രമേയം. ഈ ഗ്രാമങ്ങളിൽനിന്നുള്ള 12 പേർ തന്നെയാണ് നാടകത്തിൽ അഭിനയിക്കുന്നത്. ടിക്കറ്റുകൾ ബുക്ക് മൈ ഷോ വഴി ലഭിക്കും. https://in.bookmyshow.com/plays/chevittorma/ET00519816

ദസറ ജംബൂസവാരിക്കിടെ പൊലീസിൻ്റെ ലാത്തിയടിയേറ്റ് തലയ്ക്ക് ഗുരുതരമായി പരുക്കേറ്റ നാലുവയസ്സുകാരൻ തീവ്രപരിചരണ വിഭാഗത്തിൽ തുടരുന്നു. മൈസൂരു സ്വദേശി ഗിരീഷിൻ്റെ മകൻ ശിശിറിനാണ് പരുക്കേറ്റത്. മാതാപിതാക്കൾക്കൊപ്പം ഹൈവേ സർക്കിളിൽ ജംബൂസവാരി കാണാനെത്തിയതായിരുന്നു കുട്ടി. തിരക്ക് നിയന്ത്രിക്കുന്നതിനായി പൊലീസ് ലാത്തി വീശുന്നതിനിടെയാണ് ശിശിറിൻ്റെ തലയ്ക്ക് അടിയേറ്റതെന്നാണ് റിപ്പോർട്ട്. സംഭവത്തിൽ എൻ.ആർ. പൊലീസ് കേസെടുത്തു. സംഭവത്തെക്കുറിച്ച് വകുപ്പുതല അന്വേഷണം പുരോഗമിക്കുകയാണെന്നും കുറ്റക്കാർക്കെതിരെ കർശന നടപടി സ്വീകരിക്കുമെന്നും സിറ്റി പൊലീസ് കമ്മിഷണർ സീമ ലട്‌കർ അറിയിച്ചു.

പട്ടം പറത്താൻ ഉപയോഗിക്കുന്ന ചൈനീസ് മാഞ്ച നൂൽ കഴുത്തിൽ കുരുങ്ങി ബൈക്കിൽ യാത്ര ചെയ്യുകയായിരുന്ന യുവതിക്ക് ദാരുണാന്ത്യം. ലാബ് ടെക്നീഷ്യനായി ജോലി ചെയ്തിരുന്ന വിദ്യ മഞ്ജുനാഥ് ഗൗഡർ (38) ആണ് മരിച്ചത്. വീട്ടിൽനിന്ന് ലാബിലേക്ക് മടങ്ങുന്നതിനിടെ സിദ്ധാരൂഢ മഠത്തിന് സമീപമായിരുന്നു അപകടം. ഓൾഡ് ഹുബ്ബള്ളി പൊലീസ് സ്റ്റേഷൻ പരിധിയിലാണ് സംഭവം. കഴുത്തിൽ മാഞ്ച നൂൽ കുരുങ്ങി ഗുരുതരമായി പരുക്കേറ്റ യുവതി സംഭവസ്ഥലത്തുതന്നെ മരിച്ചു. മൃതദേഹം പോസ്റ്റ്‌മോർട്ടത്തിനായി ഹുബ്ബള്ളിയിലെ കിംസ് ആശുപത്രി

യശ്വന്തപുര റെയിൽവേ സ്റ്റേഷനിൽ പുതിയ പാർസൽ ഓഫിസ് ഉദ്ഘാടനം ചെയ്തു. യശ്വന്തപുര–ചന്നസന്ദ്ര 21.70 കിലോമീറ്റർ റെയിൽപാത ഇരട്ടിപ്പിക്കൽ പദ്ധതിയുടെ ഭാഗമായാണ് ആധുനിക സൗകര്യങ്ങളോടെയുള്ള കെട്ടിടം നിർമിച്ചത്. ഉദ്ഘാടനച്ചടങ്ങിൽ സൗത്ത് വെസ്റ്റേൺ റെയിൽവേ ബെംഗളൂരു ഡിവിഷൻ ഡിവിഷണൽ റെയിൽവേ മാനേജർ ആശുതോഷ് കെ. സിങ്ങും കെ-റൈഡ് മാനേജിങ് ഡയറക്ടർ ലക്ഷ്മൺ സിങ്ങും പങ്കെടുത്തു. പുതിയ കെട്ടിടത്തിൻ്റെ താഴത്തെ നില ഇന്ത്യൻ റെയിൽവേയ്ക്ക് കൈമാറി. പാർസൽ ഗതാഗതം വർധിച്ചുവരുന്ന സാഹചര്യത്തിൽ ചരക്കുകൾ കൈകാര്യം

കളമശേരി റെയിൽവേ സ്റ്റേഷൻ നവീകരണ പ്രവർത്തനങ്ങളുടെ ഭാഗമായി കെഎസ്ആർ ബെംഗളൂരു–എറണാകുളം ജങ്ഷൻ വന്ദേഭാരത് എക്സ്പ്രസ് (26651) ഒക്ടോബർ 27ന് തൃശൂരിൽ യാത്ര അവസാനിപ്പിക്കും. അന്നേദിവസം എറണാകുളം ജങ്ഷനിൽനിന്ന് കെഎസ്ആർ ബെംഗളൂരുവിലേക്കുള്ള വന്ദേഭാരത് എക്സ്പ്രസ് (26652) വൈകിട്ട് 3.20ന് തൃശൂരിൽനിന്ന് സർവീസ് ആരംഭിക്കും. നിയന്ത്രണത്തെ തുടർന്ന് യാത്രക്കാർ യാത്രാ ക്രമീകരണങ്ങൾ മുൻകൂട്ടി ഉറപ്പാക്കണം.