തീരുമാനമായില്ല; യുഎസ്-ഇറാൻ ചർച്ച ഇന്നും തുടരും
പാക്കിസ്ഥാന്‍റെ മധ്യസ്ഥതയിൽ അമേരിക്കയും ഇറാനും തമ്മിൽ ഇസ്‌ലാമാബാദിൽ നടന്ന സമാധാന ചർച്ചകൾ 14 മണിക്കൂറുകൾക്കൊടുവിൽ താൽക്കാലികമായി പിരിഞ്ഞു. ശനിയാഴ്ച ആരംഭിച്ച ചർച്ചകൾ സമയം അർധരാത്രി പിന്നിട്ടും തുടർന്നു. അഭിപ്രായവ്യത്യാസങ്ങളിൽ കൃത്യമായ ധാരണയിലെത്താൻ ഇരുരാജ്യങ്ങൾക്കും സാധിക്കാത്ത സാഹചര്യത്തിൽ ഞായറാഴ്ചയും ചർച്ചകൾ തുടരുമെന്ന് ഇറാന്‍റെ പ്രാദേശിക മാധ്യമങ്ങൾ റിപ്പോർട്ട് ചെയ്തു. ചില വിഷയങ്ങളിൽ ഭിന്നത നിലനിൽക്കുന്നുണ്ടെങ്കിലും ചർച്ചകൾ തുടരുമെന്ന് ഇറാൻ സർക്കാർ അറിയിച്ചു. ഹോർമുസ് കടലിടുക്കിന്‍റെ നിയന്ത്രണത്തെച്ചൊല്ലിയാണ് ഇരുരാജ്യങ്ങളും തമ്മിൽ പ്രധാനമായും തർക്കം
മന്ത്രിസഭാ പുനഃസംഘടന ആവശ്യപ്പെട്ട് കോൺഗ്രസ് എംഎൽഎമാർ ഇന്നു ഡൽഹിയിലേക്ക്
കോൺഗ്രസ് എംഎൽഎമാർ മന്ത്രിസഭാ പുനഃസംഘടന ആവശ്യപ്പെട്ട് ഇന്നു ഡൽഹിയിലേക്ക്. ബാഗൽക്കോട്ട്, ദാവനഗെരെ സൗത്ത് ഉപതിരഞ്ഞെടുപ്പുകൾ കഴിഞ്ഞതോടെ മന്ത്രിസഭാ പുനഃസംഘടന ആവശ്യം ശക്തമായിരിക്കുകയാണ്. സിദ്ധരാമയ്യയുടെ അനുയായികളായ ടി.ബി.ജയചന്ദ്ര, ബേലുരു ഗോപാലകൃഷ്ണ, ടി.രഘുമൂർത്തി, രാജു കാഗെ, ജി.എസ്.പാട്ടീൽ തുടങ്ങിയവരാണു ഹൈക്കമാൻഡിനെ കാണാൻ പോകുന്നത്. എഐസിസി പ്രസിഡണ്ട് മല്ലികാർജുൻ ഖർഗെ, സംഘടനാ ചുമതലയുള്ള ജനറൽ സെക്രട്ടറി കെ.സി.വേണുഗോപാൽ, രൺദീപ് സിങ് സുർജേവാല എന്നിവരെ കാണുമെന്നാണു വിവരം.
വേൾഡ് മലയാളി കൗൺസിൽ (WMC) ബെംഗളൂരു പ്രൊവിൻസിൻ്റെ ഉദ്ഘാടനം ഇന്ന്
വേൾഡ് മലയാളി കൗൺസിൽ (WMC) ഇന്ത്യ റീജിയൻ്റെ ആഭിമുഖ്യത്തിൽ ബെംഗളൂരു പ്രൊവിൻസിൻ്റെ ഔദ്യോഗിക ഉദ്ഘാടനം ഇന്ന് ഇന്ദിരാനഗറിലുള്ള ഇ സി എ ക്ലബ്ബിൽ വെച്ച് നടക്കും. ഇന്ത്യയിലെ വിവിധ മേഖലകളിലേക്ക് വേൾഡ് മലയാളി കൗൺസിലിൻ്റെ പ്രവർത്തനം വ്യാപിപ്പിക്കുന്നതിൻ്റെ ഭാഗമായാണ് പുതിയ പ്രൊവിൻസ് രൂപീകരിക്കുന്നത്. ചടങ്ങു വേൾഡ് മലയാളി കൌൺസിൽ ഗ്ലോബൽ പ്രസിഡണ്ട് ബേബി മാത്യു സോമതീരം ഉദ്ഘാടനം ചെയ്യും. സാമൂഹ്യ-സാംസ്കാരിക രംഗങ്ങളിലെ പ്രമുഖരും, സമൂഹത്തിലെ വിശിഷ്ട വ്യക്തികളും ചടങ്ങിൽ പങ്കെടുക്കും.
സഞ്ജു സാംസണ് തകർപ്പൻ സെഞ്ച്വറി; സിഎസ്കെക്ക് ജയം
ഐപിഎല്ലിൽ ഡൽഹി ക്യാപിറ്റൽസിനെതിരെ നടന്ന ആവേശകരമായ പോരാട്ടത്തിൽ ചെന്നൈ സൂപ്പർ കിങ്സിന് 23 റൺസിൻ്റെ തകർപ്പൻ വിജയം. ടോസ് നഷ്‌ടപ്പെട്ട് ആദ്യം ബാറ്റിങ്ങിന് ഇറങ്ങിയ ചെന്നൈ നിശ്ചിത 20 ഓവറിൽ 2 വിക്കറ്റ് നഷ്‌ടത്തിൽ 212 റൺസെന്ന കൂറ്റൻ സ്കോർ പടുത്തുയർത്തി. മറുപടി ബാറ്റിങ്ങിനിറങ്ങിയ ഡൽഹി ക്യാപിറ്റൽസിന് നിശ്ചിത ഓവറിൽ എല്ലാ വിക്കറ്റുകളും നഷ്‌ടമായി 189 റൺസ് എടുക്കാനേ സാധിച്ചുള്ളൂ. ചെന്നൈയുടെ ബാറ്റിങ് നിരയിൽ മലയാളി താരം സഞ്ജു സാംസൺ
ബിഹാറിൽ ബസും ട്രക്കും പിക്കപ്പ് വാനും കൂട്ടിയിടിച്ചുണ്ടായ അപകടത്തിൽ 13 പേർ മരിച്ചു
ബസും ട്രക്കും പിക്കപ്പ് വാനും കൂട്ടിയിടിച്ചുണ്ടായ അപകടത്തിൽ 13 പേർ മരിച്ചു. 30 പേർക്ക് പരിക്കേറ്റു. ബിഹാറിലെ കതിഹാർ ജില്ലയിൽ ആണ് സംഭവം. കതിഹാറിലെ കോധ ബ്ലോക്കിലെ എൻഎച്ച് -31 ൽ ആണ് അപകടം നടന്നത്. മരിച്ചവരുടെ കുടുംബങ്ങൾക്ക് രണ്ട് ലക്ഷം രൂപ വീതവും പരിക്കേറ്റവർക്ക് 50,000 രൂപ വീതവും ധനസഹായം നൽകുമെന്ന് മുഖ്യമന്ത്രി നിതീഷ് കുമാർ പ്രഖ്യാപിച്ചു. പരിക്കേറ്റ എല്ലാവരെയും ആശുപത്രിയിൽ പ്രവേശിപ്പിച്ചു. പിക്കപ്പ് വാനിൽ യാത്ര ചെയ്ത
കർണാടകയിലെ ധാർവാഡിൽ യൂത്ത് കോൺഗ്രസ് നേതാവിനെ ഒരു സംഘം വെട്ടിക്കൊന്നു
കർണാടകയിലെ ധാർവാഡിൽ യൂത്ത് കോൺഗ്രസ് നേതാവ് ഫൈറോസ് ഖാൻ പഠാനെ (32) ഒരു സംഘം വെട്ടിക്കൊന്നു. ധാർവാഡിലെ ഹാഷ്‌മിനഗറിലുള്ള വീടിനു പുറത്ത് ഫോണിൽ സംസാരിച്ച് ഇരിക്കുകയായിരുന്നു ഫൈറോസിനെ സംഘം ആക്രമിക്കുകയായിരുന്നു. വീട്ടിനുള്ളിലേക്ക് ഓടിക്കയറിയ ഫൈറോസിനെ നാലോളം പേർ പിന്തുടർന്നെത്തി, കുടുംബാംഗങ്ങളുടെ മുന്നിലിട്ട് ആയുധങ്ങൾ ഉപയോഗിച്ച് വെട്ടിക്കൊല്ലുകയായിരുന്നു. ആക്രമണം തടയാൻ ശ്രമിക്കുന്നതിനിടെ ഫൈറോസിൻ്റെ അമ്മയ്ക്കും സഹോദരിക്കും പരുക്കേറ്റു. അക്രമികൾക്ക് ഫൈറോസിനെ മുൻപരിചയമുണ്ടെന്നും അവർ രണ്ട് മൊബൈൽ ഫോണുകൾ കൈക്കലാക്കിയെന്നും കുടുംബം ആരോപിക്കുന്നു.
ബെംഗളൂരു – മുംബൈ റൂട്ടിൽ വന്ദേഭാരത് സ്ലീപ്പറിന് അനുമതി; യാത്രാസമയം ആറുവരെ മണിക്കൂർ വരെ കുറയും
ബെംഗളൂരുവിനെയും മുംബൈയെയും ബന്ധിപ്പിക്കുന്ന വന്ദേഭാരത് സ്ലീപ്പർ സർവീസിന് റെയിൽവേയുടെ അനുമതി. ഈ റൂട്ടിൽ വന്ദേഭാരത് സ്ലീപ്പർ സർവീസിന് അംഗീകാരമായെന്ന് റെയിൽവേമന്ത്രി അശ്വിനി വൈഷ്‌ണവ് അറിയിച്ചു. ബെംഗളൂരു-മുംബൈ വന്ദേഭാരത് സ്ലീപ്പർ സർവീസ് വേണമെന്നാവശ്യപ്പെട്ട് ബെംഗളൂരു സെൻട്രൽ എം.പി. പി.സി. മോഹൻ നിവേദനം നൽകിയിരുന്നു. വന്ദേഭാരത് സ്ലീപ്പറിൻ്റെ റെയിൽവേ സമയക്രമം പ്രഖ്യാപിച്ചിട്ടില്ല. ബെംഗളൂരും മുംബൈയും തമ്മിൽ 1100 കിലോമീറ്ററിലേറെ ദൈർഘ്യമുണ്ട് . ഈ റൂട്ടിൽ സർവീസ് നടത്തുന്ന സാധാരണതീവണ്ടികളുടെ യാത്രാസമയം 22 മണിക്കൂറോളമാണ്.
പീനിയ ഫ്ലൈഓവർ നാളെ മുതൽ 4 ദിവസം അടച്ചിടും; ബദൽ റൂട്ടുകൾ നിർദ്ദേശിച്ച് ട്രാഫിക് പോലീസ്
പീനിയ എലിവേറ്റഡ് ഫ്ലൈഓവർ നാല് ദിവസത്തേക്ക് അടച്ചിടുമെന്ന് റിപ്പോർട്ട്. പാലത്തിന്റെ ലോഡ് ടെസ്റ്റിങ് നടക്കുകയാണ്. ഈ പ്രവൃത്തികൾക്കായി ദേശീയപാതാ അതോരിറ്റിയാണ് പാലം അടച്ചിടാൻ തീരുമാനിച്ചത്. ഏപ്രിൽ 13 രാവിലെ 5 മണി മുതൽ ഏപ്രിൽ 17 രാവിലെ 11 മണി വരെ നാല് ദിവസത്തേക്കാണ് പാലം അടച്ചിടുക. ഈ ദിവസങ്ങളിൽ എൻഎച്ച് 4 – ലെ സർവീസ് റോഡ് അടക്കം ഉപയോഗിച്ച് യാത്ര തുടരേണ്ടി വരും. കെന്നമെറ്റൽ വിഡിയ അപ്പർ
പ്രധാനമന്ത്രി 15ന് മണ്ഡ്യയിൽ
പ്രധാനമന്ത്രി നരേന്ദ്ര മോദി 15നു മണ്ഡ്യയിലെത്തും. ആദി ചുഞ്ചനഗിരി മുൻ മഠാധിപതി ശ്രീഗുരുഭൈരവ്യാഖ യുടെ സ്മരണാർഥം നാഗമംഗലയിൽ നിർമിച്ച മന്ദിരത്തിൻ്റെ ഉദ്ഘാടനം പ്രധാനമന്ത്രി നിർവഹിക്കും. കാലഭൈരവേശ്വര ക്ഷേത്രത്തിലെ പൂജാ ചടങ്ങുകളിലും തുടർന്നു പൊതുയോഗത്തിലും മോദി പങ്കെടുക്കും.
ഇറാന് വീണ്ടും ഭീഷണിയുമായി ട്രംപ്; ഹോർമുസ് കടലിടുക്ക് കടക്കാൻ ശ്രമം നടത്തിയ അമേരിക്കൻ പടക്കപ്പൽ തിരിച്ചയച്ച് ഇറാൻ
ഇസ്‌ലാമാബാദിൽ അമേരിക്ക-ഇറാൻ ചർച്ചകൾ പുരോഗമിക്കുന്നതിനിടെ ഹോർമുസ് കടലിടുക്ക് കടക്കാൻ ശ്രമം നടത്തിയ അമേരിക്കൻ പടക്കപ്പൽ തിരിച്ചയച്ച് ഇറാൻ. ഹോർമുസിലെത്തിയ കപ്പൽ തിരികെ പോയില്ലെങ്കിൽ 30 മിനുട്ടിനുള്ളിൽ ആക്രമിക്കുമെന്ന് ഇറാൻ മുന്നറിയിപ്പ് നൽകിയതായാണ് റിപ്പോർട്ട്. പിന്നാലെ അമേരിക്കൻ കപ്പൽ തിരിച്ചയച്ചെന്നും ഇറാൻ മാധ്യമങ്ങൾ റിപ്പോർട്ട് ചെയ്തു. അതേസമയം ഇറാന് വീണ്ടും ഭീഷണിയുമായി ഡോണൾഡ് ട്രംപ് രംഗത്തെത്തി. ചർച്ച പരാജയപ്പെട്ടാൽ ഇറാന് മേൽ ഇതുവരെ ഉണ്ടായിട്ടില്ലാത്ത തരത്തിൽ ആക്രമണം നടത്തുമെന്നാണ് ട്രംപിന്‍റെ ഭീഷണി.