ബെംഗളൂരു – മുംബൈ റൂട്ടിൽ വന്ദേഭാരത് സ്ലീപ്പറിന് അനുമതി; യാത്രാസമയം ആറുവരെ മണിക്കൂർ വരെ കുറയും

ബെംഗളൂരുവിനെയും മുംബൈയെയും ബന്ധിപ്പിക്കുന്ന വന്ദേഭാരത് സ്ലീപ്പർ സർവീസിന് റെയിൽവേയുടെ അനുമതി. ഈ റൂട്ടിൽ വന്ദേഭാരത് സ്ലീപ്പർ സർവീസിന് അംഗീകാരമായെന്ന് റെയിൽവേമന്ത്രി അശ്വിനി വൈഷ്‌ണവ് അറിയിച്ചു. ബെംഗളൂരു-മുംബൈ വന്ദേഭാരത് സ്ലീപ്പർ സർവീസ് വേണമെന്നാവശ്യപ്പെട്ട് ബെംഗളൂരു സെൻട്രൽ എം.പി. പി.സി. മോഹൻ നിവേദനം നൽകിയിരുന്നു. വന്ദേഭാരത് സ്ലീപ്പറിൻ്റെ റെയിൽവേ സമയക്രമം പ്രഖ്യാപിച്ചിട്ടില്ല. ബെംഗളൂരും മുംബൈയും തമ്മിൽ 1100 കിലോമീറ്ററിലേറെ ദൈർഘ്യമുണ്ട് . ഈ റൂട്ടിൽ സർവീസ് നടത്തുന്ന സാധാരണതീവണ്ടികളുടെ യാത്രാസമയം 22 മണിക്കൂറോളമാണ്. വന്ദേഭാരത് വരുന്നതോടെ യാത്രാസമയം ആറുവരെ മണിക്കൂർ വരെ കുറയും.