എസ്ബി കോളജ് ശതാബ്ദി ആഘോഷ സമാപനം ഉപരാഷ്ട്രപതി ഉദ്ഘാടനം ചെയ്യും
എസ്ബി കോളജ് ശതാബ്ദി ആഘോഷ സമാപന സമ്മേളനം ഇന്നു ഉച്ചകഴിഞ്ഞ് 3.30ന് കോളജിലെ കാവുകാട്ട് ഹാളില് നടക്കും. കോളജിന്റെ ശതാബ്ദി ആഘോഷ സമാപനനം ഉപരാഷ്ട്രപതി സി.പി. രാധാകൃഷ്ണന് നിര്വഹിക്കും. ശതാബ്ദി സ്മാരകമായി കോളജില് സ്ഥാപിതമാകുന്ന അത്യാധുനിക സംവിധാനങ്ങളുള്ള ഗവേഷണ കേന്ദ്രമായ ഡോ. കെ.എം.ഏബ്രഹാം സെന്റര് ഫോര് എനര്ജി ആൻഡ് എണ്വയണ്മെന്റിന്റെ ഉദ്ഘാടനവും ഉപരാഷ്ട്രപതി നിർവഹിക്കും. കേരള ഗവര്ണര് രാജേന്ദ്ര വിശ്വനാഥ് അര്ലേക്കര്, കേന്ദ്രമന്ത്രി സുരേഷ് ഗോപി, മന്ത്രി വി.എന്. വാസവന്,
കേരള, കർണാടക ആർടിസി ബസുകളിലെ ഈസ്റ്റർ ടിക്കറ്റ് ബുക്കിങ് ഇന്ന് ആരംഭിക്കും
കേരള, കർണാടക ആർടിസി ബസുകളിലെ ഈസ്റ്റർ ടിക്കറ്റ് ബുക്കിങ് ഇന്ന് ആരംഭിക്കും. സ്വകാര്യ ബസുകളിലെ ബുക്കിങ് നേരത്തെ തുടങ്ങിയിരുന്നു. മാർച്ച് 30ലെക്കുള്ള ബുക്കിങ്ങാണ് ഇന്ന് തുടങ്ങുന്നത്. കേരളത്തിലേക്കുള്ള ട്രെയിനുകളിലെ ടിക്കറ്റുകൾ നേരത്തെ തന്നെ തീർന്നിരുന്നു.
ബെംഗളൂരു – ചാലക്കുടി വാരാന്ത്യ സ്വിഫ്റ്റ് ഡീലക്സ് സർവീസ് മാർച്ച് 2 മുതൽ
കേരള ആർടിസിയുടെ ബെംഗളൂരു-ചാലക്കുടി വാരാന്ത്യ സ്വിഫ്റ്റ് ഡീലക്സ് സർവീസ് മാർച്ചി 2ന് ആരംഭിക്കും. ബെംഗളൂരു സാറ്റലൈറ്റ് ടെർമിനലിൽ നിന്ന് തിങ്കൾ, വെള്ളി ദിവസങ്ങളിൽ വൈകിട്ട് 4.10ന് പുറപ്പെട്ട് സേല (8.35), കോയമ്പത്തൂർ (11:25), പാലക്കാട് (1.10), ത്യശ്ശൂർ (2.25) വഴി പുലർച്ചെ 3.35ന് ചാലക്കുടിയിലെത്തും. ചാലക്കുടിയിൽ നിന്ന് വ്യാഴം, ഞായർ ദിവസങ്ങളിൽ രാത്രി 7.45ന് പുറപ്പെട്ട് തൃശൂർ (8.40), പാലക്കാട് (10.25) വഴി രാവിലെ 7.10നു ബെംഗളുരുവിലെത്തും. : 961
രാഹുൽ മാങ്കൂട്ടത്തിൻ്റെ മുൻകൂർ ജാമ്യം റദ്ദാക്കണമെന്ന ഹർജി മാറ്റി; വിശദമായ വാദം മാർച്ച് 6-ന്
രാഹുൽ മാങ്കൂട്ടത്തിൻ്റെ രണ്ടാം ബലാത്സംഗ പരാതിയില് അനുവധിച്ച മുൻകൂർ ജാമ്യം റദ്ദാക്കണം എന്ന് ആവശ്യപ്പെട്ടുള്ള ഹർജി പരിഗണിക്കുന്നത് മാറ്റി. തർക്കം എഴുതി സമർപ്പിക്കണം എന്നും ഇതിനായി സമയം വേണമെന്നും പ്രതിഭാഗ ആവശ്യത്തെ തുടർന്നാണ് അപേക്ഷ കോടതി മാറ്റിയത്. ഹർജിയിൽ വിശദമായ വാദം കോടതി മാർച്ച് 6 നാകും വീണ്ടും പരിഗണിക്കുക. ബെംഗളൂരു സ്വദേശിനിയായ യുവതിയെ പീഡിപ്പിച്ച പരാതിയിലെ ഹർജി പരിഗണിക്കുന്നതാണ് മാറ്റിയത്. ബലാത്സംഗം ഉൾപ്പെട്ട കേസ് ആയതിനാൽ ഇരയുടെ വിവരങ്ങൾ
അധികാരമാറ്റത്തെച്ചൊല്ലിയുള്ള തർക്കം ഉടൻ പരിഹാരിക്കണം; ഡി കെ പക്ഷ എം.എൽ.എ.മാർ
ഉപമുഖ്യമന്ത്രി ഡി.കെ. ശിവകുമാറിനെ അനുകൂലിക്കുന്ന ഒരുകൂട്ടം എം.എൽ.എ.മാർ ബെംഗളൂരുവിലെ സ്വകാര്യഹോട്ടലിൽ അത്താഴവിരുന്നിന് ഒത്തുചേർന്നു. അധികാരമാറ്റത്തെച്ചൊല്ലിയുള്ള തർക്കത്തിൽ ഉടൻ പരിഹാരംകാണണമെന്ന് പാർട്ടി ഹൈക്കമാൻഡിനോട് ആവശ്യപ്പെടാൻ യോഗം തീരുമാനിച്ചെന്ന് മാഗഡി എം.എൽ.എ. ബാലകൃഷ്ണ മാധ്യമങ്ങളോടുപറഞ്ഞു. ഹൈക്കമാൻഡ് ഇടപെട്ട് പ്രശ്നത്തിൽ അന്തിമതീരുമാനമുണ്ടാക്കണമെന്നും അദ്ദേഹം ആവശ്യപ്പെട്ടു. പ്രശ്നം ഉടനെ പരിഹരിച്ചില്ലെങ്കിൽ അത് 2028-ലെ തിരഞ്ഞെടുപ്പിൽ പാർട്ടിയെ ബാധിക്കുമെന്നും അദ്ദേഹംചൂണ്ടിക്കാട്ടി. ശിവകുമാറിന് മുഖ്യമന്ത്രിസ്ഥാനം ലഭിക്കുമെന്ന പ്രതീക്ഷ നീണ്ടുപോകുന്നതിനിടെയാണ് അദ്ദേഹത്തിൻ്റെ അനുയായികളായ എം.എൽ.എ.മാർ ഹോട്ടലിൽ ഒരുമിച്ചുകൂടിയത്. എച്ച്.സി. ബാലകൃഷ്ണയുടെ
വീണ ജോര്ജ് പത്തനംതിട്ടയിലെ വീട്ടില് വിശ്രമത്തില്; മാർച്ച് 2 വരെയുള്ള പരിപാടികൾ മാറ്റിവെച്ചു
പരിയാരം മെഡിക്കൽ കോളേജ് ആശുപത്രിയിൽ നിന്ന് ഡിസ്ചാർജ് ചെയ്ത ആരോഗ്യ മന്ത്രി വീണാ ജോർജ് പത്തനംതിട്ടയിലെ വീട്ടിൽ വിശ്രമത്തിലാണെന്ന് മന്ത്രിയുടെ ഓഫീസ് അറിയിച്ചു. മന്ത്രിയുടെ മാർച്ച് രണ്ടാം തീയതി വരെയുള്ള പരിപാടികൾ മാറ്റിവച്ചതായും മന്ത്രിയുടെ ഓഫീസ് വ്യക്തമാക്കി. ചികിത്സയിലായിരുന്ന മന്ത്രിയെ മെഡിക്കൽ ബോർഡിന്റെ നിർദ്ദേശാനുസരണമാണ് ഡിസ്ചാർജ് ചെയ്തത്. 4 ദിവസം പൂര്ണ വിശ്രമമാണ് ഡോക്ടര്മാര് നിര്ദേശിച്ചത്. തിരുവനന്തപുരം മെഡിക്കല് കോളേജില് നിന്ന് ഫോളോ അപ്പ് ചികിത്സ നിര്ദേശിക്കുകയും ചെയ്തിട്ടുണ്ട്. ഡോക്ടര്മാര്
ബിജെപിയ്ക്ക് 10 സീറ്റിൽ കൂടുതൽ ലഭിച്ചാൽ രാഷ്ട്രീയം ഉപേക്ഷിക്കും: അരവിന്ദ് കേജരിവാൾ
മദ്യനയക്കേസിൽ കുറ്റവിമുക്തനായതിനു പിന്നാലെ ഡൽഹിയിൽ വീണ്ടും തെരഞ്ഞെടുപ്പ് നടത്താൻ ആവശ്യപ്പെട്ട കേജരിവാൾ ബിജെപി 10 സീറ്റിൽ കൂടുതൽ നേടിയാൽ താൻ രാഷ്ട്രീയം ഉപേക്ഷിക്കുമെന്നും പ്രഖ്യാപിച്ചു. പ്രധാനമന്ത്രിയും അമിത് ഷായും തനിക്കെതിരെ ഗൂഢാലോചന നടത്തിയെന്നും അദ്ദേഹം ആരോപിച്ചു. “ഡൽഹി പൂർണമായും നശിച്ചു. ഡൽഹിയിലെ 3 കോടി ജനങ്ങളാണ് പ്രധാനമന്ത്രിയുടെയും അമിത്ഷായുടെയും അധികാരത്തോടുള്ള ആർത്തിയുടെ ഏറ്റവും വലിയ പ്രത്യാഘാതം ഏറ്റുവാങ്ങിയത്’. “ഡൽഹിയിലെ ജനങ്ങളോട് ചോദിക്കൂ. ഇന്ന് ഞാൻ മോദിജിയെ വെല്ലുവിളിക്കുന്നു. ധൈര്യമുണ്ടെങ്കിൽ, ഡൽഹിയിൽ
കരിങ്കൊടി പ്രതിഷേധം തുടരും; അക്രമം തുടർന്നാൽ തിരിച്ചടിക്കും: കെ.മുരളീധരൻ
സിപിഎം സംസ്ഥാനത്ത് അക്രമം അഴിച്ചു വിടുകയാണെന്ന് കോൺഗ്രസ് നേതാവ് കെ.മുരളീധരൻ. കരിങ്കൊടി പ്രതിഷേധം തുടരുമെന്നും ക്രമസമാധാനനില ഭദ്രമായി തുടരണമെന്നുള്ളത് കോൺഗ്രസിന്റെ ബാധ്യതയല്ലെന്നും കോൺഗ്രസ് പ്രവർത്തകരെ ആക്രമിച്ചാൽ തിരിച്ചടിക്കുമെന്നും മുരളീധരൻ പറഞ്ഞു. ആരോഗ്യമന്ത്രിയെന്ന നിലയിൽ വീണാ ജോർജ് പരാജയം ആണെങ്കിലും നടിയെന്ന നിലയിൽ മികച്ച പെർഫോമൻസാണ് നടത്തുന്നതെന്നും അദ്ദേഹം പരിഹസിച്ചു. ‘വീണാ ജോർജ് കഴിഞ്ഞ നിയമസഭാ തെരഞ്ഞെടുപ്പു സമയത്തും ഇതേ തന്ത്രം പയറ്റിയിരുന്നു. കഴുത്തിന് അസുഖമുള്ള മന്ത്രി കഴിഞ്ഞ തെരഞ്ഞെടുപ്പ് പ്രചാരണ
സമന്വയ എജുക്കേഷൻ & ചാരിറ്റബിൾ ട്രസ്റ്റ് സൗജന്യ മെഡിക്കൽ ക്യാമ്പ് മാർച്ച് 1ന്
സമന്വയ എജുക്കേഷൻ & ചാരിറ്റബിൾ ട്രസ്റ്റ് ദാസറഹള്ളി ഭാഗ് ചൊക്കസാന്ദ്ര സ്ഥാനീയ സമിതിയുടെ നേതൃത്വത്തിൽ മാർച്ച് 1ന് സൗജന്യ മെഡിക്കൽ ക്യാമ്പ് സംഘടിപ്പിക്കും. മാരുതി ലേഔട്ടിലെ എം എം ബ്രൈറ്റ് സ്കൂളിലാണ് മെഡിക്കൽ ക്യാമ്പ് നടക്കുക. രാവിലെ ഒമ്പത് മണിക്ക് ആരംഭിക്കുന്ന ക്യാമ്പ് ഉച്ചക്ക് രണ്ട് മണി വരെ ഉണ്ടായിരിക്കും. മണിപ്പാൽ ഹോസ്പിറ്റലുമായി സഹകരിച്ചു നടത്തുന്ന ഈ സംരംഭത്തിൽ ആവശ്യക്കാർക്ക് സൗജന്യ കണ്ണട വിതരണവും മണിപ്പാൽ ഹോസ്പിറ്റലിലെ ഡിസ്കൗണ്ട് കാർഡും
രഞ്ജി ട്രോഫി; ജമ്മു കിരീടത്തിലേക്ക്
രഞ്ജി ട്രോഫി ക്രിക്കറ്റിൽ ജമ്മു കാഷ്മീർ കിരീടത്തിലേക്ക്. ആദ്യ ഇന്നിംഗ്സിൽ ജമ്മു ഉയർത്തിയ 584 റൺസിന് മറുപടി പറഞ്ഞ കർണാട 293 റൺസിന് എല്ലാവരും പുറത്തായി. ടീം എതിരാളികളായ കർണാടകയ്ക്കെതിരെ ഇതോടെ 291 റൺസിന്റെ നിർണായക ലീഡ് ജമ്മു കരസ്ഥമാക്കി. കർണാടകയെ ഫോളോ ഓൺ ചെയ്യിക്കാതെ ബാറ്റിങ്ങിനിറങ്ങിയ ജമ്മു നാലാം ദിനം കളി അവസാനിപ്പിക്കുമ്പോൾ നാലുവിക്കറ്റ് നഷ്ടത്തിൽ 186 റൺസ് എന്ന നിലയിലാണ്. ഇതോടെ അവർക്ക് 477 റൺസ് ലീഡായി.