മാസം: ജൂൺ 2025

കനത്ത മഴയെത്തുടർന്ന് വയനാട് പുന്നപ്പുഴയില്‍ മലവെള്ളപ്പാച്ചില്‍. കഴിഞ്ഞ ദുരന്തത്തെ തുടര്‍ന്ന് സ്ഥാപിച്ച ബെയ്ലി പാലത്തിന് സമീപം നല്ല കുത്തൊഴുക്കുണ്ട്. വലിയ കല്ലുകള്‍ ഒഴുകി വരുന്നതായി പ്രദേശവാസികള്‍ പറയുന്നു. അട്ടമലയിലേക്ക് പോകുന്ന വഴിയില്‍ ആശുപത്രിയുടെ ഭാഗത്ത് വെള്ളം കയറി. ചന്തക്കുന്നില്‍ വഴിയെല്ലാം ബ്ലോക്കായി. വനംവകുപ്പ് ഉദ്യോഗസ്ഥരും പോലിസും സ്ഥലത്തുണ്ട്. ബെയ്‌ലി പാലത്തിന് അപ്പുറത്ത് ആരും താമസമില്ലെന്നാണ് റിപ്പോര്‍ട്ടുകള്‍ പറയുന്നത്.

മുണ്ടക്കൈ, ചൂരല്‍മല ഉള്‍പ്പെടെയുള്ള മേഖലകളില്‍ കനത്ത മഴ. രണ്ടുദിവസമായി തുടരുന്ന മഴയില്‍ വയനാട് പുന്നപ്പുഴയില്‍ വലിയ കുത്തൊഴുക്ക് നിലവില്‍ അനുഭവപ്പെടുന്നുണ്ടെങ്കിലും ജലനിരപ്പ് കുറയുന്നതായാണ് റിപ്പോര്‍ട്ട്. ബെയ്‌ലി പാലത്തിന് സമീപം വെള്ളം കയറിയതിനെ തുടര്‍ന്ന് ഏതാനും തൊഴിലാളികള്‍ കുടുങ്ങിയിരുന്നുവെങ്കിലും ജലനിരപ്പ് കുറഞ്ഞതിനെ തുടര്‍ന്ന് അവര്‍ തിരികെയെത്തിയിട്ടുണ്ട്. കനത്ത മഴയാണ് ചൊവ്വാഴ്ച രാത്രിയിലും ബുധനാഴ്ച പുലര്‍ച്ചെയും മുണ്ടക്കൈ പോലുള്ള പ്രദേശങ്ങളില്‍ ലഭിച്ചിട്ടുള്ളത്. മണ്ണിടിച്ചിലോ ഉരുള്‍പൊട്ടലോ ഉണ്ടായിട്ടില്ലെന്ന് റവന്യൂ അധികൃതരും ജില്ലാഭരണകൂടവും സ്ഥിരീകരിച്ചു. ജനവാസം

സ്വർണ്ണ വില വീണ്ടും ഇടിഞ്ഞു. ഇന്ന് പവന് 200 രൂപയാണ് കുറഞ്ഞത്. ഗ്രാമിന് 25 രൂപ കുറഞ്ഞ് 9070 രൂപയായി. പവന് 72,560 രൂപയാണ് ഇന്നത്തെ വിപണി വില. പവന് ഇന്നലെ 72,760 രൂപയായിരുന്നു. 3 ദിവസത്തിനിടെ പവന് 1300 രൂപയുടെ ഇടിവാണ് രേഖപ്പെടുത്തിയത്. രണ്ട് ഘട്ടങ്ങളിലായി ഇന്നലെ 1080 രൂപയാണ് സ്വർണ്ണ വിലയിൽ കുറഞ്ഞത്. അതോടെ പവൻ്റെ വില 73,000ത്തിൽ താഴെയെത്തി. ജൂൺ 13ന് സ്വർണ്ണവില റെക്കോഡ് ഉയരങ്ങളിലെത്തിയിരുന്നു.

മുൻ മന്ത്രിയും സിപിഎം നേതാവുമായ ജി.സുധാകരൻ്റെ തപാൽ വോട്ടുകൾ തിരുത്തിയെന്ന വെളിപ്പെടുത്തലിൽ അന്വേഷണം നിലച്ചു. കേസന്വേഷണം തെളിവുകളില്ലാതെ മുന്നോട്ട് കൊണ്ട് പോകാനാകില്ലെന്ന് പോലീസ് അറിയിച്ചു. ഇത് സംബന്ധിച്ച റിപ്പോർട്ട് ആലപ്പുഴ സൗത്ത് പോലീസാണ് ജില്ലാ പോലീസ് മേധാവിക്ക് നൽകിയത്. 1989-ലെ ബാലറ്റ് പേപ്പറുകൾ അടക്കമുള്ള തെരഞ്ഞെടുപ്പ് രേഖകൾ ലഭിക്കാത്തത് പ്രതിസന്ധിയാണ്. പ്രാഥമിക തെളിവുകൾ പോലും ഇല്ലാത്ത സാഹചര്യത്തിൽ അന്വേഷണം തുടരാനാകില്ലെന്നും റിപ്പോർട്ടിൽ പറയുന്നു. സിപിഎം സ്ഥാനാർഥിക്ക് വേണ്ടി 1989 ലെ

ബുധനാഴ്ച ഒറ്റപ്പെട്ട സ്ഥലങ്ങളില്‍ കനത്തമഴയ്ക്ക് സാധ്യതയുള്ളതിനാല്‍ 8 ജില്ലകള്‍ക്കും വ്യാഴാഴ്ച 12 ജില്ലകള്‍ക്കും കാലാവസ്ഥാ വകുപ്പ് മഞ്ഞ മഞ്ഞ മുന്നറിയിപ്പ് നല്‍കി. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. കണ്ണൂര്‍, കാസര്‍കോട്, കോഴിക്കോട്, എറണാകുളം, ഇടുക്കി, മലപ്പുറം, കോട്ടയം, വയനാട് ബുധനാഴ്ച മഞ്ഞ മുന്നറിയിപ്പ്. തിരുവനന്തപുരവും കൊല്ലവും ഒഴികെ 12 ജില്ലകള്‍ക്ക് വ്യാഴാഴ്ച മഞ്ഞ മുന്നറിയിപ്പ്. ഇതുകൂടാതെ ഇടിമിന്നല്‍ ജാഗ്രതാ നിര്‍ദേശവും കാലാവസ്ഥാവകുപ്പ് നല്‍കിയിട്ടുണ്ട്. സംസ്ഥാനത്ത് ഒറ്റപ്പെട്ടയിടങ്ങളില്‍ ബുധനാഴ്ചയും വ്യാഴാഴ്ചയും