കോഴിക്കോട്–പാലക്കാട് ദേശീയപാതയിൽ ബൈക്കും ചരക്കുലോറിയും കൂട്ടിയിടിച്ച് 17കാരിയായ വിദ്യാർത്ഥിനി മരിച്ചു. കോഴിക്കോട് കാരന്തൂർ കല്ലറ നഗറിൽ താമസിച്ചിരുന്ന പരേതനായ ഗോപിനാഥൻ്റെ മകൾ ഗീതികയാണ് മരിച്ചത്. ഗീതികയും അവളുടെ ബന്ധു മിഥുനും ബൈക്കിൽ സഞ്ചരിച്ചുകൊണ്ടിരിക്കവേ, എതിർദിശയിൽ വരുന്ന ചരക്കുലോറിയുമായി കൂട്ടിയിടിച്ചു. കഴിഞ്ഞ ദിവസം രാത്രി നെടിയിരുപ്പ് മില്ലുംപടിയിലായിരുന്നു അപകടം.
ഗീതികയെ കൊണ്ടോട്ടിയിലെ സ്വകാര്യ ആശുപത്രിയിലും പിന്നീട് മഞ്ചേരി മെഡിക്കൽ കോളേജിലും എത്തിച്ചെങ്കിലും ഗുരുതരമായി പരിക്കേറ്റ അവളെ രക്ഷിക്കാനായില്ല. ആർ.ഇ.സി ഹയർ സെക്കൻഡറി സ്കൂളിലെ പ്ലസ് ടു വിദ്യാർത്ഥിനിയായിരുന്നു ഗീതിക. മിഥുൻ ഇപ്പോൾ മഞ്ചേരി മെഡിക്കൽ കോളേജിൽ ചികിത്സയിലാണ്.
