വെഞ്ഞാറമൂട് കൂട്ടക്കൊല; പ്രതി അഫാൻ്റെ വക്കീൽ വക്കാലത്ത് ഒഴിഞ്ഞു

വെഞ്ഞാറമൂട് കൂട്ടക്കൊലപാതക കേസ് പ്രതി അഫാൻ്റെ വക്കാലത്തിൽ നിന്ന് കോൺഗ്രസിൻ്റെ പരാതിയെ തുടർന്ന് ഒഴി‍ഞ്ഞ് അഡ്വക്കേറ്റ് കെ. ഉവൈസ് ഖാൻ. ആര്യനാട് ബ്ലോക്ക് കോൺഗ്രസ് പ്രസിഡൻ്റായ ഉവൈസ് ഖാൻ കേസ് ഏറ്റെടുത്തതിനെതിരെ കെപിസിസിക്ക് പരാതി കിട്ടിയിരുന്നു. കോൺഗ്രസിന് ഇത് അവമതിപ്പുണ്ടാക്കിയെന്ന് ചൂണ്ടിക്കാട്ടിയാണ് കെപിസിസി പ്രസിഡൻ്റിന് പരാതി നൽകിയത്. കേസിൽ ഹാജരാകുന്നതിൽ നിന്ന് ഉവൈസിനെ വിലക്കണമെന്ന് ആവശ്യപ്പെട്ട് യൂത്ത് കോൺഗ്രസ് തിരുവനന്തപുരം വൈസ് പ്രസിഡൻ്റ് സൈതലിയാണ് പരാതി നൽകിയത്. പിന്നാലെയാണ് ഉവൈസ് ഖാൻ വക്കാലത്തൊഴിഞ്ഞത്.